ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

24 ⵏ ⵢⵉⵙⴻⵏⴼⴰⵔⴻⵏ ⵏ ⵢⵉⴱⴻⵔⴷⴰⵏ ⵉⵔⵓⵔⴰⴷⴰⵏⴻⵏ ⴰⵔⴰ ⵢⴻⵇⵇⵏⴻⵏ ⵜⵉⵡⵉⵍⴰⵢⵉⵏ ⵖⴻⵔ ⵓⴱⵔⵉⴷ ⴰⵔⵓⵔⴰⴷⴰⵏ ⴰⵜⴰⵔⴰⵎ-ⴰⴳⵎⵓⴹ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵖⵍⵉⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ ⵉⵀⴻⵢⵢⴰ-ⴷ ⴰⵙⴻⴹⵔⵓ ⵏ 24 ⵏ ⵢⵉⴱⴻⵔⴷⴰⵏ ⵉⵔⵓⵔⴰⴷⴰⵏⴻⵏ ⴰⵔⴰ ⵢⴻⵇⵇⵏⴻⵏ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵓⴳⴻⵏⵙⵓ ⵏ ⵜⵎⵓⵔⵜ ⵖⴻⵔ ⵓⴱⵔⵉⴷ ⴰⵔⵓⵔⴰⴷⴰⵏ ⴰⵜⴰⵔⴰⵎ-ⴰⴳⵎⵓⴹ, ⴰⴽⴽⴰ ⵉ ⴷ-ⵉⵛⴰⵔ, ⴰⵙⵙ ⵏ ⵍⴻⵅⵎⵉⵙ, ⵓⵏⴻⵖⵍⴰⴼ ⵢⴻⵜⵜⵡⴰⴽⴻⵍⴼⴻⵏ ⵙ ⵓⵃⵔⵉⵛ-ⴰ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ.

ⵢⴻⵎⵎⴻⵙⵍⴰⵢ-ⴷ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⵢⴻⵔⵣⴰⵏ ⵜⵓⵜⵜⵔⴰ ⵜⵉⵎⴰⵡⵉⵜ ⵖⴻⴼ ⵜⵓⵇⵇⵏⴰ ⵏ ⵜⵡⵉⵍⴰⵢⵜ ⵏ ⵎⵙⵉⵍⴰ ⵖⴻⵔ ⵓⴱⵔⵉⴷ ⴰⵔⵓⵔⴰⴷⴰⵏ ⴰⵜⴰⵔⴰⵎ-ⴰⴳⵎⵓⴹ, ⵎⴰⵙⵙ ⵧⵓⴰⵍⵉ ⵢⴻⵙⵎⴻⴽⵜⴰ-ⴷ ⴷⴰⴽⴽⴻⵏ ⴰⵙⴻⴹⵔⵓ ⵏ ⵢⵉⴱⴻⵔⴷⴰⵏ ⵉⵔⵓⵔⴰⴷⴰⵏⴻⵏ, ⴰⵔⴰ ⵢⴻⵇⵇⵏⴻⵏ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵖⴻⵔ ⵓⴱⵔⵉⴷ ⴰⵔⵓⵔⴰⴷⴰⵏ ⴰⵜⴰⵔⴰⵎ-ⴰⴳⵎⵓⴹ, ⵢⴻⴽⵛⴻⵎ ⴷⴻⴳ ⵓⴽⴰⵜⴰⵔ ⵏ ⵓⵙⴻⴷⴷⵓ ⵏ ⵢⵉⵡⴻⵍⵍⵉⵀⴻⵏ ⵏ ⵓⵣⴻⵏⵣⵉⵖ ⴰⵏⴻⵎⵀⴰⵍⴰⵏ ⵏ ⵓⴱⵔⵉⴷ ⴰⵔⵓⵔⴰⴷⴰⵏ ⵏ ⵢⵉⵙⴻⴳⴳⴰⵙⴻⵏ 2005-2025

ⵎⴰ ⵢⴻⵍⵍⴰ ⴷ ⴰⵢⴻⵏ ⵢⴻⵔⵣⴰⵏ ⵜⴰⵡⵉⵍⴰⵢⵜ ⵏ ⵎⵙⵉⵍⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⴰⵡⵉⵍⴰⵢⵜ-ⴰ ⵜⴻⴽⵛⴻⵎ ⴷⴻⴳ ⵓⵙⴻⵏⴼⴰⵔ-ⴰ, ⵜⵓⵇⵇⵏⴰ-ⵙ ⵓⴱⵔⵉⴷ ⴰⵔⵓⵔⴰⴷⴰⵏ ⴰⵜⴰⵔⴰⵎ-ⴰⴳⵎⵓⴹ ⴰⴷ ⵜⵉⵍⵉ ⵙⴻⴳ ⵜⵖⵉⵡⴰⵏⵜ ⵏ ⴱⵓⵙⵄⴰⴷⴰ ⵙ 80 ⵏ ⵢⵉⴽⵉⵍⵓⵎⵉⵜⵔⴻⵏ.

ⵉⵙⴷⴻⴷ-ⴷ ⴷⴰⴽⴽⴻⵏ ⵜⴰⵣⵔⴻⵡ ⵢⴻⵔⵣⴰⵏ ⴰⵙⴻⵏⴼⴰⵔ-ⴰ ⴰⵜⵜⴰⵏ ⵜⴻⵜⵜⴻⴷⴷⵓ, ⴰⴷ ⵜⴻⴽⴼⵓ ⴷⴻⴳ ⴽⵔⴰⴹ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⵏ ⵓⵙⴻⴳⴳⴰⵙ 2016.