ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵜⴻⵔⵏⴰ ⵍⵖⴻⵍⵍⴰ ⵏ ⵜⴽⴻⵔⵔⴰⵣⵜ ⵙ 3 ⵏ ⵜⵉⴽⴽⴰⵍ ⴷⴻⴳ 15 ⵏ ⵢⵉⵙⴻⴳⴳⴰⵙⴻⵏ

ⵄⵉⵏ ⴷⴷⴻⴼⵍⴰ – ⵜⴻⵔⵏⴰ ⵍⵖⴻⵍⵍⴰ ⵏ ⵜⴽⴻⵔⵔⴰⵣⵜ ⵙ ⵡⵓⴳⴰⵔ ⵏ 3 ⵏ ⵜⵉⴽⴽⴰⵍ ⴷⴻⴳ 15 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ, ⵉⵎⵉ, ⴷⴻⴼⴼⵉⵔ ⵎⴰ ⵜⴻⴼⴽⴰ-ⴷ ⵜⵡⵉⵍⴰⵢⵜ-ⴰ 4,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ ⵏ ⵍⵖⴻⵍⵍⴰ ⴷⴻⴳ 1999-2000, ⵜⴻⴼⴽⴰ-ⴷ ⴰⵙⴻⴳⴳⴰⵙ ⵢⴻⵣⵔⵉⵏ 18 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵎⴻⵥⵍⴰ ⵏ ⵜⴽⴻⵔⵔⴰⵣⵜ ⵏ ⵜⵡⵉⵍⴰⵢⵜ-ⴰ.

ⵙ ⵡⴰⵢⴰ, ⵢⴻⵔⵏⴰ ⵓⴼⴰⵔⴻⵙ (ⵉⵏⵜⴰⴵ) ⵏ ⵜⴼⴻⵍⵍⴰⵃⵜ ⵙ ⵡⵓⴳⴰⵔ ⵏ 380%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴽⴻⵍⵍⴻⴼ ⵙ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⵏ ⵜⵎⴻⵀⵍⴰ-ⴰ, ⴰⵎⴰⵔ ⵙⴰⴰⴷⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵔⵉⴷ (ⵜⴰⵏⴰⴱⴱⵓ’) ⵏ 2018-2019 ⵢⴻⵙⵙⴻⴼⵔⴰⵢ ⴰⴼⴰⵔⴻⵙ ⵏ ⵡⵓⴳⴰⵔ ⵏ 20 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ.

ⵜⵉⵎⴻⵔⵏⵉⵡⵜ ⵏ ⵓⴼⴰⵔⴻⵙ ⴷⴻⴳ ⵜⵡⵉⵍⴰⵢⵜ-ⴰ ⵜⴻⵔⵣⴰ ⵍⴰⴷⵖⴰ ⵜⵉⴷⴰⵍ (ⵅⵓⴹⴰⵔ), ⵢⴻⵔⵏⵓ ⵜⴻⵡⵡⴻⴹ ⵜⵊⵓⵎⵎⴰ (ⵎⵉⵙⴰⵃⴰ) ⵏ ⵡⴻⵙⴼⵓⵍⵍⴻⵃ ⵏ ⵜⵉⴷⴰⵜ ⵖⴻⵔ 36000 ⵏ ⵢⵉⵇⴻⵟⵟⴰⵔⴻⵏ (ⵜⴻⵔⵏⴰ ⵙ ⵡⵓⴳⴰⵔ ⵏ 3 ⵏ ⵜⵉⴽⴽⴰⵍ) ⴷⴻⴳ ⵜⴰⵍⵍⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴰⴰⴷⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴷ ⵓⵙⵙⴻⵇⴷⴻⵛ ⵏ ⵜⵎⴰⵛⵉⵏⵉⵏ ⵏ ⵜⴽⴻⵔⵔⴰⵣⵜ ⵜⵜⴻⴽⴽⴰⵏ ⵙ ⵡⴰⵟⴰⵙ ⴷⴻⴳ ⵓⵙⵙⴻⵔⴱⴻⵃ ⵏ ⵡⴻⵙⴼⵓⵍⵍⴻⵃ ⵏ ⵜⵉⴷⴰⵍ.

ⵜⵉⵎⴻⵔⵏⵉⵡⵜ-ⴰ ⵜⴻⵔⵏⴰ ⵜⵃⵓⵣⴰ-ⴷ ⴷⴰⵖ ⴰⵣⴰⵍ ⵏ ⵓⴼⴰⵔⴻⵙ ⴰⵢ ⵢⴻⵔⵏⴰⵏ ⵙⴻⴳ 12,8 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ (1999-2000) ⵖⴻⵔ 127 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴰⴰⴷ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⴼⵎⵉⴹⵉ (ⵏⵉⵙⴱⴰ) ⵏ ⵓⵏⵏⴻⵔⵏⵉ ⵏ ⵜⴽⴻⵔⵔⴰⵣⵜ ⴰⴷ ⵢⴰⵡⴻⴹ ⵖⴻⵔ 30% ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ ⴰⵏⴽⴻⵔⵔⴰⵣ ⵏ 2018-2019.

ⵜⴻⵍⵍⴰ-ⴷ ⴷⴰⵖ ⵜⵎⴻⵔⵏⵉⵡⵜ ⴷⴻⴳ ⵓⴼⴰⵔⴻⵙ ⵏ ⵢⵉⴽⴻⵙⵎⴰⵏ ⵉⵣⴻⵡⵡⴰⵖⴻⵏ, ⵉⵎⵉ, ⴷⴻⴳ ⴳⴰⵔ 2000 ⴷ 2004, ⵜⴰⵍⴻⵎⵎⴰⵙⵜ ⵏ ⵓⴼⴰⵔⴻⵙ ⵜⴻⵍⵍⴰ 50,48 ⵏ ⵢⵉⵇⴻⵏⵟⴰⵔⴻⵏ, ⴷⴻⴳ ⵜⴰⵍⵍⵉⵜ ⴳⴰⵔ 2010 ⴷ 2014, ⵢⴻⵡⵡⴻⴹ ⵓⴼⴰⵔⴻⵙ ⵏ ⵢⵉⴽⴻⵙⵎⴰⵏ ⵉⵣⴻⵡⵡⴰⵖⴻⵏ ⵖⴻⵔ 188 000 ⵏ ⵢⵉⵇⴻⵏⵟⴰⵔⴻⵏ.