ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵇⴱⴻⵍ ⵜⴻⵖⵍⴰⵎⵜ ⵜⴰⵇⴰⵟⴰⵔⵉⵜ ⵏ ⴰⵍ-ⵙⴰⴷⴷ ⴰⴷ ⵜⴻⴼⴽ ⴱⵧⵓⵏⴻⴷⵊⴰⵀ ⵉ ⴰⵍ-ⴰⵀⵍⵢ ⵏ ⵎⴰⵚⴻⵔ

ⵍⵇⴰⵀⵉⵔⴰ – ⵜⴻⵙⵙⴰⵡⴻⴹ ⴰⵍ-ⴰⵀⵍⵢ ⵏ ⵍⵇⴰⵀⵉⵔⴰ (ⵜⴰⵥⵓⵏⵜ 1ⵓⵜ ⵏ ⵜⵛⵉⵔⴹⴰⵔⵜ ⵜⴰⵎⴰⵚⵔⵉⵜ) ⴰⴷ ⵜⴻⵎⵙⴻⴼⵀⴰⵎ ⴷ ⵜⴻⵖⵍⴰⵎⵜ ⵜⴰⵇⴰⵟⴰⵔⵉⵜ ⵏ ⴰⵍ-ⵙⴰⴷⴷ ⵖⴻⴼ ⵓⵙⵙⴻⴽⴽⵉ (ⵜⴰⵃⵡⵉⵍ) ⵏ ⵓⵎⴰⵔⵉⵔ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⴱⴰⴳⵀⴷⴰⴷ ⴱⵧⵓⵏⴻⴷⵊⴰⵀ ⴰⴽⴽⴻⵏ ⴰⴷ ⵢⵓⵔⴰⵔ 3 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵎⴰⵚⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵎⵉⵙ ⵏ ⴰⵍ-ⵢⴰⵧⵓⵎ ⵙⴰⴱⴰⴻ ⴰⵙⵙ ⵏ ⵍⴻⵜⵏⵉⵢⴻⵏ.

ⵢⴻⵎⵍⴰⵍ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴻⵖⵍⴰⵎⵜ ⵏ ⴰⵍ-ⴰⵀⵍⵢ, ⵎⴰⵀⵎⵧⵓⴷ ⵜⴰⵀⴰⵔ, ⴷ ⵓⵙⴻⵍⵡⴰⵢ ⵏ ⴰⵍ-ⵙⴰⴷⴷ, ⵎⵧⵀⴰⵎⴻⴷ ⴱⴻⵏ ⴽⵀⴰⵍⵉⴼⴰ ⵢⴻⵔⵏⵓ ⵙⵜⴻⵏⵢⴰⵏ ⵍⴻⵄⵇⴻⴷ ⵏ ⵓⵙⵙⴻⴽⴽⵉ ⵏ ⵓⵎⴰⵔⵉⵔ-ⴰ ⴰⵢ ⴷ-ⵢⴻⵙⵇⴰⵎⴻⵏ 2,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵖⴻⴼ ⵍⴻⵃⵙⴰⴱ ⵏ ⵡⴻⵖⵎⵉⵙ-ⴰ.

ⵙⴻⴳ ⵢⴻⴷⵔⵉⵎⴻⵏ-ⴰ, ⴰⴷ ⵜⴰⵡⵉ ⵜⴻⵖⵍⴰⵎⵜ ⵜⴰⵇⴰⵟⴰⵔⵉⵜ ⵏ ⴰⵍ-ⵙⴰⴷⴷ 1,5 ⴷ ⴰⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ, ⵎⴰ ⴷ ⴱⵧⵓⴷⵊⴻⵏⴰⵀ, ⴰⴷ ⵢⴰⵡⵉ 1,3 ⴷ ⴰⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ ⵏ 3 ⵏ ⵢⵉⵙⴻⴳⴳⴰⵙⴻⵏ ⴰⴷ ⵢⴻⴹⴹⴻⴼ ⵍⴻⵄⵇⴻⴷ-ⵏⵏⴻⵙ.

ⴱⵧⵓⴷⵊⴻⵏⴰⵀ (ⵢⴻⵙⵄⴰⵏ 24 ⵏ ⵢⵉⵙⴻⴳⴳⴰⵙⴻⵏ) ⵢⵓⴷⴻⴼ ⵖⴻⴼ ⴰⵍ-ⵙⴰⴷⴷ ⴷⴻⴳ ⵓⵏⴻⴱⴷⵓ ⵏ 2015, ⵎⵉ ⵢⴻⵙⵜⴻⵏⵢⴰ ⵢⵉⴷ-ⵙ ⵍⴻⵄⵇⴻⴷ ⵏ 3 ⵏ ⵢⵉⵙⴻⴳⴳⴰⵙⴻⵏ, ⴷⴻⴼⴼⵉⵔ ⵎⴰ ⵢⵓⵔⴰⵔ ⴷⴻⴳ ⴻⵙ ⵙⵙⴰⵃⴻⵍ (ⵜⴰⵎⵖⵓⵏⵜ 1ⵓⵜ ⵏ ⵜⵓⵏⴻⵙ), ⵙⴰⴽⴽⵉⵏ, ⵜⴻⵔⴹⴻⵍ-ⵉⵜ ⵜⴻⵖⵍⴰⵎⵜ ⵏ ⴰⵍ-ⵙⴰⴷⴷ ⵉ ⵜⴻⵖⵍⴰⵎⵜ ⵜⴰⵜⵓⵏⵙⵉⵜ ⵏ ⵙⵓⵙⴰ ⵡⵓⵖⵓⵔ ⵢⵓⵔⴰⵔ 6 ⵏ ⵡⴰⵢⵢⵓⵔⴻⵏ ⵢⴻⵔⵏⵓ ⴷ ⵜⴰⵍⵍⵉⵜ ⴰⵢⴷⴻⴳ ⴷ-ⵜⴻⵔⴱⴻⵃ ⵜⴻⵖⵍⴰⵎⵜ-ⴰ ⵜⴰⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ.

ⴰⵎⴰⵔⵉⵔ-ⴰ ⴰⵢ ⴷ-ⵉⵍⵓⵍⴻⵏ ⴷⴻⴳ ⵡⴻⵀⵕⴰⵏ, ⵢⵓⵖⴰⵍ-ⴷ ⵖⴻⵔ ⴰⵍ-ⵙⴰⴷⴷ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ, ⵢⴻⵔⵏⵓ ⵢⵓⵔⴰⵔ ⵖⴻⵔ-ⵙ ⴷⴻⴳ ⵡⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ.

ⵢⴻⵜⵜⵡⴰⴼⵔⴻⵏ-ⴷ ⵓⵎⴰⵔⵉⵔ-ⴰ ⴷⴻⴳ ⵡⵓⵎⵓⵖ (ⵇⴰ’ⵉⵎⴰ) ⵏ 26 ⵏ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴰⵏⵏⴰⵏⵜ (ⵜⴰⵔⴰⴱⴱⵓⵚ) ⵏ ⵓⵙⵙⴻⵡⵊⴻⴷ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⴻⵅⵎⵉⵙ ⵢⴻⵣⵔⵉⵏ ⴷⴻⴳ ⵜⴳⴻⵊⴷⴰ (ⵜⵓⴱⵉⵔⴻⵜ) ⵉ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016 (ⴳⴰⵔ 5 ⴷ 21 ⵖⵓⵛⵜ).