ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵢⴰⴳⴻⵔ ⵏ ⵜⴰⵜⵍⵉⵜⵉⵜ ⵏ ⵙⵜⴰⵏⵉⵙⵍⴰⵙ: ⵢⴻⵔⴱⴻⵃ ⵎⴰⴽⵀⵍⵧⵓⴼⵉ ⵜⵉⵎⵙⵉⵣⵣⴻⵍⵜ ⵏ 800 ⵏ ⵍⵎⵉⵜⵔⴰⵜ

ⵏⴰⵏⵛⵢ (ⴼⵕⴰⵏⵙⴰ) – ⵢⴻⵔⴱⴻⵃ ⵓⵏⴰⴷⴷⴰⵍ ⴰⴷⵣⴰⵢⵔⵉ ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ ⴰⵎⴽⴰⵏ ⴰⵎⴻⵣⵡⴰⵔⵓ ⵏ ⵜⴻⵎⵙⵉⵣⵣⴻⵍⵜ ⵏ 800 ⵏ ⵍⵎⵉⵜⵔⴰⵜ ⴷⴻⴳ ⵡⴻⵎⵢⴰⴳⴻⵔ ⵏ ⵙⵜⴰⵏⵉⵙⵍⴰⵙ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵙⴰⵔⵉⵔ ⵏ ⵔⴰⵢⵎⵧⵏⴷ-ⵒⴻⵜⵉⵜ ⵏ ⵏⴰⵏⵛⵢ (ⴷⴻⴳ ⵓⴳⴰⴼⴰ [ⵛⴰⵎⴰⵍ] ⵏ ⴼⵕⴰⵏⵙⴰ). ⵉ ⵡⴻⵙⵎⴻⴽⵜⵉ, ⵎⴰⴽⵀⵍⵧⵓⴼⵉ ⴷ ⵏⴻⵜⵜⴰ ⴰⵢ ⴷ ⴰⵍⵖⵓⵖ ⵓⵍⵉⵎⵒⵉ ⵏ ⵜⴻⵎⵙⵉⵣⵣⴻⵍⵜ ⵏ 1500 ⵏ ⵍⵎⵉⵜⵔⴰⵜ.

ⴰⵎⴰⵣⵣⴰⵍ-ⴰ ⴰⴷⵣⴰⵢⵔⵉ ⵢⵓⵣⵣⴻⵏ 800 ⵏ ⵍⵎⵉⵜⵔⴰⵜ ⴷⴻⴳ 1:44.40, ⵢⴻⵔⵏⵓ ⵢⴻⵣⵡⴰⵔ ⴰⵒⵓⵍⵓⵏⵉ ⵍⴻⵡⴰⵏⴷⵧⵡⵙⴽⵉ ⵎⴰⵔⵛⵉⵏ (1:44.91) ⴷ ⵓⴽⴻⵏⵢⴰⵏ ⵎⵓⵜⴰⵉ ⵊⴻⵔⴻⵎⵉⴰⵀ ⴽⵉⵒⴽⵧⵔⵉⵔ (1:45.28).

ⵎⴰⴽⵀⵍⵧⵓⴼⵉ, ⴰⵢ ⵢⵓⵖⴰⵍⴻⵏ ⴷ ⴰⵍⵖⵓⵖ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2012 ⵏ ⵍⵧⵏⴷⵧⵏ, ⵉⴳⴰ ⴰⴽⵓⴷ ⵏ 1:44.91 ⴷⴻⴳ 800 ⵏ ⵍⵎⵉⵜⵔⴰⵜ ⴷⴻⴳ ⵔⵔⴱⴰⵟ (ⵎⴻⵕⵕⵓⴽ).

ⵎⴰ ⴷ ⴰⴷⵣⴰⵢⵔⵉ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵎⵢⴰⴳⴻⵔ ⵏ ⵙⵜⴰⵏⵉⵙⵍⴰⵙ, ⵙⴰⵍⵉⵎ ⴽⴻⴷⴷⴰⵔ, ⵉⴼⵓⴽ ⵜⵉⵎⵙⵉⵣⵣⴻⵍⵜ ⵏ 1500 ⵏ ⵍⵎⵉⵜⵔⴰⵜ ⴷⴻⴳ ⵡⴻⵎⴽⴰⵏ ⵡⵉⵙ 9 ⵙ ⵡⴰⴽⵓⴷ ⵏ 3:40.66.

ⴰⵜⵜⴻⴽⴽⵉ-ⴰ ⴰⵢ ⵢⴻⵜⵜⴻⴽⴽⴰ ⵎⴰⴽⵀⵍⵧⵓⴼⵉ ⴷⴻⴳ ⵡⴻⵎⵢⴰⴳⴻⵔ ⵏ ⵙⵜⴰⵏⵉⵙⵍⴰⵙ ⴷ ⴰⵃⵔⵉⵛ ⵙⴻⴳ ⵓⵙⵙⴻⵡⵊⴻⴷ-ⵏⵏⴻⵙ ⵉ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⴰⵜⵍⵉⵜⵉⵜ (22-26 ⵢⵓⵏⵢⵓ, ⴷⴻⴳ ⵜⴻⴼⵔⵉⵇⵜ ⵏ ⵡⴻⵏⵥⵓⵍ) ⴷ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ (5-21 ⵖⵓⵛⵜ, ⴷⴻⴳ ⴱⵔⵉⵣⵉⵍ).

ⴰⵍⵖⵓⵖ-ⴰ ⴰⴷⵣⴰⵢⵔⵉ ⴰⵢ ⵢⴻⵜⵜⴻⴽⴽⴰⵢⴻⵏ ⴷⴻⴳ ⵜⴻⵎⵙⵉⵣⵣⵍⵉⵏ ⵏ 800 ⴷ 1500 ⵏ ⵍⵎⵉⵜⵔⴰⵜ ⵎⴰⵣⴰⵍ-ⵉⵜ ⵢⴻⵙⵄⴰ ⴰⵙⵡⵉⵔ ⵉⴳⴻⵔⵔⵣⴻⵏ ⴰⵢ ⴷ-ⵢⴻⵡⵡⵉ ⴷⴻⴳ ⵧⵙⵍⵧ (ⵏⵓⵕⵡⵉⵊ) ⴷⴻⴳ ⵜⴻⵎⵖⵓⵏⵜ ⵏ ⵓⴷⴰⵎⴰⵙ, ⴰⵏⴷⴰ ⴰⵢ ⴷ-ⵢⵓⵙⴰ ⴷ ⵡⵉⵙ 3 ⴰⵙⵙ ⵏ ⵍⴻⵅⵎⵉⵙ ⵢⴻⵣⵔⵉ ⵙ ⵡⴰⴽⵓⴷ ⵏ 3:52.24, ⴷⴻⴼⴼⵉⵔ ⵢⵉⴽⴻⵏⵢⴰⵏⴻⵏ ⴰⵙⴱⴻⵍ ⴽⵉⵒⵔⵧⵒ (3:51.48) ⴷ ⴻⵍⵉⵊⴰⵀ ⵎⵧⵜⵧⵏⴻⵉ ⵎⴰⵏⴰⵏⴳⵧⵉ (3:52.04).