ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴼⵉⵏ ⵏ ⵢⵉⵡⴻⵜ ⵏ ⵜⵅⴻⵛⵍⴰⵡⵜ ⵜⴰⴳⵎⴰⵏⴰⵏⵜ ⵜⴰⵎⴻⵥⴷⵓⵜ ⴷⴻⴳ ⵜⴰⵍⵍⵓⵏⵜ ⵜⴰⴳⵔⵉⵜⵔⵉⵜ
ⵡⴰⵛⵉⵏⵜⵓⵏ– ⵓⴼⴰⵏ-ⴷ ⴽⵔⴰ ⵏ ⵢⵉⵎⵓⵙⵙⴰⵏⴻⵏ, ⴷⴻⴳ ⵜⴰⵍⵍⵓⵏⵜ ⵜⴰⴳⵔⵉⵜⵔⵉⵜ, ⵢⵉⵡⴻⵜ ⵏ ⵜⵅⴻⵛⵍⴰⵡⵜ ⵜⴰⴳⵎⴰⵏⴰⵏⵜ (ⴵⵓⵣⴰⵢ’ⴰ ⵄⵓⴹⵡⵉⵢⵢⴰ) ⵜⴰⵎⵥⴷⵓⵜ ⵢⴻⵜⵜⵓⵔⴰⵔⴻⵏ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⵓⴷⴻⵔⵜ, ⵢⴻⵔⵏⵓ ⴷ ⵜⴰ ⴰⵢ ⴷ ⵜⴰⵅⴻⵛⵍⴰⵡⵜ ⵜⴰⵎⴻⵥⴷⵓⵜ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵓⴼⴰⵏ ⴱⴻⵕⵕⴰ ⵉ ⵓⵏⴰⴳⵔⴰⵡ ⴰⴼⵓⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵜⵜⵍⴰⵜⴰ.
ⵜⴰ ⴷ ⵜⴰⵅⴻⵛⵍⴰⵡⵜ ⵜⴰⴽⵉⵕⴰⵍⵉⵜ, ⵓⵔ ⴷ-ⵜⴻⵜⵜⵔⵓⵙⵓ ⵜⵅⴻⵛⵍⴰⵡⵜ ⵏⵉⴹⴻⵏ ⴷⴻⴳ ⵡⴻⵎⴽⴰⵏ-ⵏⵏⴻⵙ, ⵢⴻⵔⵏⵓ ⵜⵛⵓⴱⴰ, ⵙ ⵡⴰⵢⴰ, ⴰⵇⴻⴼⴼⴰⵣ ⵏ ⵓⴼⵓⵙ ⴰⵢⴻⴼⴼⵓⵙ ⵓⵔ ⵢⴻⵣⵎⵉⵔⴻⵏ ⴰⴷ ⵢⴻⵎⵎⴻⵍⵙ ⴷⴻⴳ ⵓⴼⵓⵙ ⴰⵣⴻⵍⵎⴰⴹ, ⵢⴻⵔⵏⵓ ⵜⴰ ⴷ ⵢⵉⵡⴻⵜ ⵙⴻⴳ ⵚⵚⵉⴼⴰⵜ ⵏ ⵜⵅⴻⵛⵍⴰⵡⵉⵏ ⵜⵉⵙⵏⵓⴷⵔⴰⵏⵉⵏ (ⴱⵢⵓⵍⵓⴵⵉⵢⵢⴰ).
ⵓⴼⴰⵏ-ⴷ ⵜⴰⵅⴻⵛⵍⴰⵡⵜ-ⴰ ⴷⴻⴳ ⵢⵉⵡⴻⵏ ⵏ ⵓⵙⵉⴳⵏⴰ ⴷ ⴰⵎⴻⵇⵔⴰⵏ ⵏ ⵓⵖⴻⴱⴱⴰⵔ ⴷ ⵍⴳⴰⵣ ⴰⵢ ⴷ-ⵢⵓⵙⴰⵏ ⵙⴷⴰⵜ ⵜⵍⴻⵎⵎⴰⵙⵜ ⵏ ⵡⴻⴱⵔⵉⴷ ⵏ ⵡⴰⵍⵉⵎ (ⴰⵎⴰⵣⴻⵍⵍⴰⵡ-ⵏⵏⴻⵖ [ⵎⴰⴵⴰⵔⵔⴰ]), ⴷ ⵜⴰⵎⵏⴰⴹⵜ ⵏ ⵜⴰⵍⵍⵓⵏⵜ ⴰⵢⴷⴻⴳ ⴷ-ⵓⴼⴰⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ 180-ⵏⵏⵉ ⵏ ⵜⵅⴻⵛⵍⴰⵡⵉⵏ ⴰⵢ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵜⴰⵍⵍⵓⵏⵜ ⴰⵔ ⴰⵙⵙ-ⴰ.
« ⵜⴰ ⴷ ⵢⵉⵡⴻⵜ ⵙⴻⴳ ⵜⵅⴻⵛⵍⴰⵡⵉⵏ ⵜⵉⵎⴻⵥⴷⴰ (ⵎⵓⵄⴰⵇⵇⴰⴷⴰ) ⴰⴽⴽ ⴰⵢ ⴷ-ⵓⴼⴰⵏ ⴰⵔ ⴰⵙⵙ-ⴰ ⴷⴻⴳ ⵜⴰⵍⵍⵓⵏⵜ ⵜⴰⴳⵔⵉⵜⵔⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⵔⴰⵏⴷⵧⵏ ⵛⴰⵔⵔⵧⵍⵍ, ⴷ ⴰⵎⵏⴰⴷⵉ ⴷⴻⴳ ⵓⵙⵓⴷⵓ ⵏ ⵜⴻⵙⵏⴰⵜⵡⵉⵍⵜ ⵏ ⴽⴰⵍⵉⴼⵓⵕⵏⵢⴰ (ⵛⴰⵍⵜⴻⵛ) ⴷⴻⴳ ⵒⴰⵙⴰⴷⴻⵏⴰ (ⴽⴰⵍⵉⴼⵓⵕⵏⵢⴰ), ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⵎⴻⵙⴽⴰⵔⴻⵏ ⵉⴳⴻⵊⴷⴰⵏⴻⵏ ⵏ ⵜⴻⴳⵔⵓⵜ-ⴰ.
ⵡⴰⵍⴰⵏ ⵢⵉⵎⴻⵙⵏⴰⵍⵍⵓⵏⴻⵏ, ⵢⴰⴳⵉ, ⵜⵉⵅⴻⵛⵍⴰⵡⵉⵏ ⵜⵉⴽⵉⵕⴰⵍⵉⵢⵉⵏ ⴷⴻⴳ ⵜⵓⴹⵓⵜⵉⵏ (ⵏⴰⵢⴰⵣⵉⴽ) ⴷ ⵢⴻⵙⵎⵉⵍⴻⵏ (ⵎⵓⴷⴰⵏⵏⴰⴱⴰⵜ) ⵏ ⵓⵏⴰⴳⵔⴰⵡ-ⵏⵏⴻⵖ ⴰⴼⵓⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵏⴰⴷⵉⵢⴻⵏ-ⴰ.
ⵜⴰⴳⵔⵓⵜ-ⴰ (ⵉⴽⵜⵉⵛⴰⴼ) ⴰⵢ ⴷ-ⵢⴻⵍⵍⴰⵏ ⵙ ⵢⵉⵡⴻⵏ ⵏ ⵓⵕⴰⴷⵢⵓⵜⵉⴽⵉⵙⴽⵓⵒ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴻⴹⴹⴻⴼ ⴰⵏⵀⴻⵣⵣⵉ ⵏ ⵜⵅⴻⵛⵍⴰⵡⵉⵏ, ⵇⴻⴷⴷⵎⴻⵏ-ⵜⵜ-ⵉⴷ ⴷⴻⴳ ⵓⵙⴰⵔⴰⴳ ⵏ ⵜⵉⴷⴷⵓⴽⵍⴰ ⵜⴰⵎⴰⵔⵉⴽⴰⵏⵉⵜ ⵏ ⵜⴻⵙⵏⴰⵍⵍⵓⵏⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴷⵓⵕⵜ-ⴰ ⴷⴻⴳ ⵙⴰⵏ ⴷⵉⴻⴳⵧ (ⴽⴰⵍⵉⴼⵓⵕⵏⵢⴰ). ⵙⵙⵓⴼⴼⵖⴻⵏ-ⴷ ⵢⴻⵎⵏⴰⴷⵉⵢⴻⵏ-ⴰ ⴰⵏⴰⴷⵉ-ⵏⵙⴻⵏ ⴷⴻⴳ ⵡⵓⴹⴹⵓⵏ ⴰⵏⴻⴳⴳⴰⵔⵓ ⵏ ⵜⴻⵙⵖⵓⵏⵜ ⵜⴰⵎⴰⵔⵉⴽⴰⵏⵉⵜ ⵏ ⵙⵛⵉⴻⵏⵛⴻ.
ⵉⵎⴻⵅⵍⵓⵇⴻⵏ ⵉⵎⵓⴷⴷⵉⵔⴻⵏ ⵏ ⵡⴰⴽⴰⵍ ⵙⵄⴰⵏ ⵜⵉⴳⵔⴰⵡⵉⵏ ⵏ ⵜⵅⴻⵛⵍⴰⵡⵉⵏ ⵢⴻⴱⴹⴰⵏ ⵖⴻⴼ ⵜⵅⴻⵛⵍⴰⵡⵉⵏ « ⵜⵉⵎⵢⴻⴼⴼⵓⵙⵉⵏ » ⴷ ⵜⵅⴻⵛⵍⴰⵡⵉⵏ « ⵜⵉⵎⵣⴻⵍⵎⴰⴹⵉⵏ », ⴰⵎ ⵢⵉⴼⴰⵙⵙⴻⵏ.
ⵜⵉⵅⴻⵛⵍⴰⵡⵉⵏ ⵜⵉⴽⵉⵕⴰⵍⵉⵢⵉⵏ ⵜⵜⴻⵎⵛⴰⴱⵉⵏⵜ ⴰⴽⴽ ⴷⴻⴳ ⵚⵚⵉⴼⴰⵜ-ⵏⵙⴻⵏⵜ ⵜⵉⴼⵉⵣⵉⴽⴰⵏⵉⵏ, ⴰⵎⴰ ⴷ ⵜⵉⵎⵢⴻⴼⴼⵓⵙⵉⵏ ⵏⴻⵖ ⴷ ⵜⵉⵎⵣⴻⵍⵎⴰⴹⵉⵏ, ⵎⴰⵛⴰ ⵉⵎⴻⵅⵍⵓⵇⴻⵏ ⵉⵎⵓⴷⴷⵉⵔⴻⵏ ⵙⵙⴻⵇⴷⴰⵛⴻⵏ ⵢⵉⵡⴻⵜ ⴽⴰⵏ ⵏ ⵜⵙⴻⵏⴼⴻⵍⵜ ⵙⴻⴳ ⵜⵅⴻⵛⵍⴰⵡⵉⵏ-ⴰ ⴷⴻⴳ ⵢⵉⴽⴰⵍⴰⵜⴻⵏ-ⵏⵙⴻⵏ ⵉⵙⵏⵓⴷⵔⴰⵏⴻⵏ.
ⵙ ⵡⴰⵢⴰ, ⴽⵔⴰ ⵏ ⵜⵅⴻⵛⵍⴰⵡⵉⵏ ⵏ ⵢⵉⵎⴻⵅⵍⵓⵇⴻⵏ ⵉⵎⵓⴷⴷⵉⵔⴻⵏ, ⴰⵎ ⵢⵉⵎⴰⵖⵓⵙⴻⵏ ⴰⵎⵉⵏⵉⵢⴻⵏ (ⴰⵃⵎⵉⴹⴰ ⴰⵎⵉⵏⵉⵢⵢⴰ) ⵓⵔ ⵍⵍⵉⵏⵜ ⵙ ⵚⵚⵉⴼⴰ ⵜⴰⵎⵣⴻⵍⵎⴰⴹⵜ, ⵎⴰ ⴷ ⵜⵉⵅⴻⵛⵍⴰⵡⵉⵏ ⵏ ⵢⵉⵙⴻⴽⵕⴻⵏ ⵏ ⵡⴰⴷⵉⵢⴰⵏ ⴷ ⵜⵉⵅⴻⵛⵍⴰⵡⵉⵏ ⵜⵉⵎⵢⴻⴼⴼⵓⵙⵉⵏ ⴰⴽⴽⴻⵏ ⵎⴰ ⵍⵍⴰⵏⵜ.
ⴰⵔ ⴰⵙⵙ-ⴰ, ⵓⵔ ⵏⴻⵥⵔⵉ ⵙⴻⴳ ⵡⴰⵏⵙⵉ ⴰⵢ ⴷ-ⵜⵓⵙⴰ ⵚⵚⵉⴼⴰ-ⴰ ⵏ « ⵜⴽⵉⵕⴰⵍⵉⵜ » ⴷⴻⴳ ⵜⴻⵎⵚⵓⴽⵜ (ⵀⴰⵢⴽⴰⵍ) ⵏ ⵜⵓⴷⴻⵔⵜ.
ⵉⵎⵓⵙⵙⴰⵏⴻⵏ ⵙⵙⴰⵔⴰⵎⴻⵏ ⴷⴰⴽⴽⴻⵏ ⵜⴰⴳⵔⵓⵜ-ⴰ ⴰⴷ ⵜⴻⵏ-ⵜⴻⴵⴵ ⴰⴷ ⴼⴻⵀⵎⴻⵏ ⴰⵢⴰ ⵓⴳⴰⵔ, ⴰⵛⴽⵓ ⴰⵙⵉⴳⵏⴰ ⴰⴳⵔⵉⵜⵔⵉ ⵢⴻⵙⵄⴰ ⴰⴽⴽ ⵉⴼⴻⵔⴷⵉⵙⴻⵏ ⵏ ⵍⵍⵙⴰⵙ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵍⴰⵍⵉⵜ ⵏ ⵓⵏⴰⴳⵔⴰⵡ-ⵏⵏⴻⵖ ⴰⴼⵓⴽⴰⵏ.
« ⴷ ⵜⴰ ⴰⵢ ⴷ ⵜⴰⵅⴻⵛⵍⴰⵡⵜ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵏⵓⴼⴰ ⴷⴻⴳ ⵜⴰⵍⵍⵓⵏⵜ ⵢⴻⵔⵏⵓ ⵜⴻⵙⵄⴰ ⵚⵚⵉⴼⴰ ⵏ ⵜⴽⵉⵕⴰⵍⵉⵜ, ⵢⴻⵔⵏⵓ ⵢⴻⵣⵎⴻⵔ ⴰⴷ ⴰⵖ-ⵢⴻⴵⴵ ⵡⴰⵢⴰ ⴰⴷ ⵏⴻⴼⵀⴻⵎ ⵜⴰⵍⴰⵍⵉⵜ ⵏ ⵜⵅⴻⵛⵍⴰⵡⵉⵏ-ⴰ ⵜⵉⵣⴰⵔⵓⴷⵔⴰⵏⵉⵏ ⴷⴻⴳ ⵓⵎⴻⵖⵔⴰⴷ (ⴽⴰⵡⵏ) ⴷ ⴷⴷⵓⵕ ⴰⵢ ⵣⴻⵎⵔⴻⵏⵜ ⴰⴷ ⵜ-ⵓⵔⴰⵔⴻⵏⵜ ⴷⴻⴳ ⵍⴰⵚⴻⵍ ⵏ ⵜⵓⴷⴻⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⵔⴻⵜⵜ ⵎⵛⴳⵓⵉⵔⴻ, ⴷ ⴰⵎⵙⴻⴽⵔⴰⵔ (ⴽⵉⵎⵢⴰ’ⵉ) ⵙⴻⴳ ⵓⵙⴰⵏⴰⵢ ⴰⵖⴻⵍⵏⴰⵡ ⵏ ⵜⵕⴰⴷⵢⵓⵙⵏⴰⵍⵍⵓⵏⵜ (ⵏⵔⴰⵧ) ⵏ ⵛⵀⴰⵔⵍⵧⵜⵜⴻⵙⵠⵉⵍⵍ ⴷⴻⴳ ⵠⵉⵔⴳⵉⵏⵉⴰ, ⵢⵉⵡⴻⵏ ⵙⴻⴳ ⵢⵉⵎⴻⵙⴽⴰⵔⴻⵏ ⵏ ⵜⴻⵣⵔⴰⵡⵜ-ⴰ.
ⵜⴰⵅⴻⵛⵍⴰⵡⵜ-ⴰ ⵜⴰⴽⵉⵕⴰⵍⵉⵜ ⵓⴼⴰⵏ-ⵜⵜ-ⵉⴷ ⴷⴻⴳ ⵜⴰⵏⵉⴳⵜ (ⵓⴽⵙⵉⴷ) ⵏ ⵡⴻⵒⵕⵓⵒⵉⵍⴰⵏ. ⵉⵎⵉⵔ-ⴰ, ⵉⵎⵏⴰⴷⵉⵢⴻⵏ ⴰⴷ ⵏⴰⴷⵉ ⴰⴷ ⵥⵔⴻⵏ ⵎⴰ ⵜⴻⵍⵍⴰ ⴷ ⵜⴰⵅⴻⵛⵍⴰⵡⵜ ⵜⴰⵎⵣⴻⵍⵎⴰⴹⵜ ⵏⴻⵖ ⴷ ⵜⴰⵎⵢⴻⴼⴼⵓⵙⵜ.
