ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵛⵉⵔⵉ ⵏ ⵜⵎⴻⵥⴷⵉⵜ ⵏ ⴰⵔⵉⴰⵏⴻ 5 ⵢⴻⵜⵜⵡⴰⵡⴻⵅⵅⴻⵔ ⵉ ⵡⴰⵙⵙ ⵏ ⵍⵊⴻⵎⵄⴰ

ⵒⴰⵔⵉⵙ– ⴰⵛⵉⵔⵉ ⵏ ⵜⵎⴻⵥⴷⵉⵜ (ⵚⴰⵔⵓⵅ) ⵏ ⴰⵔⵉⴰⵏⴻ 5, ⴰⵢ ⵙⵙⴻⴼⵔⴰⵏ ⵏⴰⵇⴰⵍ ⴰⴷ ⴷ-ⵢⵉⵍⵉ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴳⵓⵢⴰⵏⴰ ⵜⴰⴼⵕⴻⵏⵙⵉⵙⵜ, ⵢⴻⵜⵜⵡⴰⵡⴻⵅⵅⴻⵔ ⵙ 24 ⵏ ⵜⵙⴰⵄⵜⵉⵏ, ⴷⴻⴼⴼⵉⵔ ⵎⴰ ⵓⴼⴰⵏ-ⴷ ⵢⵉⵡⴻⵏ ⵏ ⵍⵄⵉⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵔⵉⴰⵏⴻⵙⵒⴰⵛⴻ.

ⵎⵉ ⵍⵍⴰⵏ ⵜⵜⴱⴻⴷⴷⵉⵍⴻⵏ-ⴰⵙ ⴰⵎⴽⴰⵏ ⵉ ⵜⵎⴻⵥⴷⵉⵜ-ⵏⵏⵉ, ⵉⴱⴰⵏ-ⴷ ⵢⵉⵡⴻⵏ ⵏ ⵍⵄⵉⴱ « ⴷⴻⴳ ⵜⵓⵇⵇⵏⴰ ⵢⴻⵍⵍⴰⵏ ⴷⴻⴳ ⵡⴻⵃⵔⵉⵛ ⵓⵏⵏⵉⴳ ⵏ ⵜⵎⴻⵥⴷⵉⵜ-ⵏⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵔⵉⴰⵏⴻⵙⵒⴰⵛⴻ.

« ⵙ ⵡⴰⵢⴰ, ⵜⴻⵖⵜⴻⵙ (ⵇⴰⵔⵔⴰⵔⴰⵜ) ⴰⵔⵉⴰⵏⴻⵙⵒⴰⵛⴻ ⴰⴷ ⵜⵡⴻⵅⵅⴻⵔ ⴰⵛⵉⵔⵉ ⵏ ⵜⵎⴻⵥⴷⵉⵜ-ⴰ ⵙ 24 ⵏ ⵜⵙⴰⵄⵜⵉⵏ ⴰⴽⴽⴻⵏ ⴰⴷ ⵜⴻⴽⴽⴻⵙ ⴰⵙⴳⴰⵍⴻⴼ-ⵏⵏⵉ (ⵜⴰⴵⵀⵉⵣ) ⴰⵢⴷⴻⴳ ⵢⴻⵍⵍⴰ ⵍⵄⵉⴱ ⵢⴻⵔⵏⵓ ⴰⴷ ⴷ-ⵜⴻⵔⵔ ⴷⴻⴳ ⵡⴻⵎⴽⴰⵏ-ⵏⵏⴻⵙ ⵡⴰⵢⴻⴹ ⵢⴻⵔⵏⵓ ⴰⴷ ⵜ-ⵜⴻⵙⵙⴻⴼⵇⴻⴷ ⴰⴽⴽⴻⵏ ⵉⵡⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵕⵎⵉⵙⵜ-ⴰ.

ⴰⵛⵉⵔⵉ-ⴰ ⴰⴷ ⴷ-ⵢⵉⵍⵉ, ⵙ ⵡⴰⵢⴰ, ⴰⵙⵙ ⵏ ⵍⵊⴻⵎⵄⴰ 17 ⵢⵓⵏⵢⵓ ⴳⴰⵔ ⵜⵉⵙ 5:30 ⴷ ⵜⵉⵙ 6:40 ⵏ ⵜⵎⴻⴷⴷⵉⵜ ⴷⴻⴳ ⴽⵧⵓⵔⵧⵓ (ⴳⴰⵔ ⵜⵉⵙ 8:30 ⴷ 9:40 ⵏ ⵢⵉⴹ ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ, ⴳⴰⵔ ⵜⵉⵙ 10:30 ⴷ 11:40 ⵏ ⵢⵉⴹ ⵙ ⵡⴰⴽⵓⴷ ⵏ ⵒⴰⵔⵉⵙ).

ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵢⴷⴻⴳ ⴰⵔⴰ ⵢⴻⵜⵜⵡⴰⵡⴻⵅⵅⴻⵔ ⵓⵛⵉⵔⵉ ⵏ ⵜⵎⴻⵥⴷⵉⵜ-ⴰ, ⵉⵎⵉ ⴰⵢ ⵙⵙⴻⴼⵔⴰⵏ, ⵏⴰⵇⴰⵍ, ⴰⴷ ⵜⵜ-ⵛⵉⵔⴻⵏ ⴰⵙⵙ ⵏ 8 ⵢⵓⵏⵢⵓ, ⵎⴰⵛⴰ ⵓⴼⴰⵏ-ⴷ ⴷⴻⴳ-ⵙ ⵍⵄⵉⴱ ⴷⴻⴳ ⵡⴻⵙⴳⴰⵍⴻⴼ ⵏ ⵜⵓⵇⵇⵏⴰ.

ⵓⵍⴰ ⵎⴰ ⴱⴻⴷⴷⵍⴻⵏ-ⴷ ⴰⵙⴳⴰⵍⴻⴼ-ⵏⵏⵉ, ⵢⴻⵔⵏⵓ ⵙⵙⴻⴼⵔⴰⵏ ⴰⴷ ⵛⵉⵔⴻⵏ ⵜⵉⵎⴻⵥⴷⵉⵜ-ⴰ ⴰⵙⵙ ⵏ 16 ⵢⵓⵏⵢⵓ, ⵉⵄⴰⵡⴻⴷ ⵉⴱⴰⵏ-ⴷ ⵍⵄⵉⴱ ⵏⵉⴹⴻⵏ.

ⵎⵉ ⴰⵔⴰ ⵜⴻⵜⵜⵡⴰⵣⴻⵏ ⵜⵎⴻⵥⴷⵉⵜ-ⴰ, ⴰⴷ ⵜⴻⵙⵙⴻⵔⵙ ⴷⴻⴳ ⵡⴻⵃⴱⵓ (ⵎⴰⴷⴰⵔ) ⵙⵉⵏ ⵏ ⵢⵉⴳⴻⵏⵙⴰⵜⴻⵏ (ⴰⵇⵎⴰⵔ ⵚⵉⵏⴰⵄⵉⵢⵢⴰ). ⵢⵉⵡⴻⵏ ⵙⴻⴳ-ⵙⴻⵏ ⴷ ⴰⴳⴻⵏⵙⴰ ⵏ ⵜⵍⵉⵥⵔⵉ ⵏ ⵜⴻⵕⵎⵉⵙⵜ ⵜⴰⵎⴰⵔⵉⴽⴰⵏⵉⵜ ⵏ ⴷⵉⵙⵀ ⵏⴻⵜⵡⵧⵔⴽ, ⵎⴰ ⴷ ⵡⵉⵙ ⵙⵉⵏ ⴷ ⴰⴳⴻⵏⵙⴰ ⵏ ⵜⴻⵖⵡⴰⵍⵜ ⵏ ⵜⴱⴰⵏⴽⴰ ⵜⵉⵏⴷⵓⵏⵉⵙⵉⵜ ⵏ ⴱⵔⵉ.