ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴷⴻⵍⵎⴰⵍⴻⴽ ⴱⵓⴷⵉⴰⴼ : ⴰⵙⵙⴻⵎⴹⴻⵏ ⵏ ⵢⴻⵙⴱⵉⵟⴰⵔⴻⵏ ⴰⴷ ⴷ-ⵢⵉⵍⵉ ⵛⵡⵉⵟ, ⵛⵡⵉⵟ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⴰⴱⴷⴻⵍⵎⴰⵍⴻⴽ ⴱⵓⴷⵉⴰⴼ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵉⵙⴱⵉⵟⴰⵔⴻⵏ ⵏ ⵜⵎⵓⵔⵜ ⴰⴷ ⵜⵜⵡⴰⵙⵎⴻⴹⵏⴻⵏ ⵛⵡⵉⵟ, ⵛⵡⵉⵟ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵓⵙⵙⴻⴼⵔⴻⴽ-ⵏⵙⴻⵏ ⴷ ⵡⴻⴱⴷⴰⴷ ⵉⵡⴰⵜⴰⵏ ⵉ ⵢⵉⵎⵓⴹⵉⵏⴻⵏ.
ⵎⵉ ⵢⴻⵔⵣⴰ ⵖⴻⴼ ⵜⴻⴽⵍⵉⵏⵉⵜ ⵏ ⵓⵖⴰⵔⴰⵎ ⵏ « ⵍⴻⵙ ⵙⵧⵓⵔⵛⴻⵙ » ⴰⵢ ⵢⴻⵍⵍⴰⵏ ⴷ ⵜⴰⴽⵍⵉⵏⵉⵜ ⵜⴰⵎⴻⵣⵡⴰⵔⵓⵜ ⵢⴻⵜⵜⵡⴰⵙⵎⴻⴹⵏⴻⵏ ⴷⴻⴳ ⵍⴷⵣⴰⵢⴻⵔ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⴰⵥⴻⴹⴹⴰ ⵏ ⵉⵏⵜⵔⴰⵏⴻⵜ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵎⴰⵜⵓ ⵉ ⵡⴰⴽⴽ ⵉⵙⴱⵉⵟⴰⵔⴻⵏ ⵏ ⵜⵎⵓⵔⵜ ⵉ ⵓⵙⵙⵉⴼⵙⴻⵙ ⵏ ⵡⴻⴱⴷⴰⴷ ⵉ ⵢⵉⵎⵓⴹⵉⵏⴻⵏ ⴷ ⵡⴻⴹⴼⴰⵔ-ⵏⵙⴻⵏ ⵉ ⵍⵎⴻⵏⴷ ⵏ ⵓⵙⵙⴻⴼⵔⴻⴽ ⵍⵖⴰⵛⵉ ⴰⵢ ⴷ-ⵢⴻⵜⵜⴰⵙⴻⵏ ⴰⴷ ⴷⴰⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴷⴻⴳ ⵜⴻⴽⵍⵉⵏⵉⵜ-ⴰ ⵢⴻⵜⵜⵡⴰⵚⴻⴳⴳⵎⴻⵏ ⴰⵔⴰ ⵉⵔⴻⵥⵎⴻⵏ ⴰⵙⵙ ⵏ ⵍⵃⴻⴷⴷ, ⵢⴻⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵎⵓⴹⵉⵏ ⴰⴷ ⵢⴻⵜⵜⵡⴰⵄⵇⴻⵍ ⴷⴻⴳ-ⵙ « ⴰⴽⴽⴻⵏ ⴽⴰⵏ ⴰⵔⴰ ⵢⴰⴷⴻⴼ ⵖⴻⵔ ⵜⴻⴽⵍⵉⵏⵉⵜ ⵢⴻⵔⵏⵓ ⵓⵍⴰ ⴷ ⵜⴰⵡⴻⵔⵇⴻⵜ ⵏ ⵢⵉⵙⴰⴼⴰⵔⴻⵏ ⴰⴷ ⵜⵜ-ⵉⴷ-ⵢⴰⵡⵉ ⵓⵎⵓⴹⵉⵏ ⴷⴻⴳ ⵓⵎⵎⴰⴳⴻⵔ ».
ⴰⵙⵙⴻⵎⴹⴻⵏ-ⴰ ⴷ ⵡⵉⵏ ⴰⵢⴷⴻⴳ ⴰⵔⴰ ⵢⵉⵍⵉ ⵓⵎⴻⵣⵔⵓⵢ ⵏ ⵓⵄⴻⴷⴷⵉ ⵏ ⵓⵎⵉⴹⵉⵏ ⵖⴻⴼ ⵜⴻⴽⵍⵉⵏⵉⵜ ⵏⴻⵖ ⴰⵙⴱⵉⵟⴰⵔ ⵢⴻⵔⵏⵓ « ⴷ ⵜⵉⵏ ⴰⵢⴷⴻⴳ ⵓⵔ ⵢⴻⵜⵜⵡⴰⵙⵙⴻⵇⴷⴰⵛ ⴰⴽⴽ ⵍⴽⴰⵖⴻⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ.
ⵢⴻⵔⵣⴰ ⴷⴰⵖ ⵓⵏⴻⵖⵍⴰⴼ ⵖⴻⴼ ⵡⴰⵎⵎⴰⵙ ⵏ ⵓⴷⴰⵡⵉ ⵏ ⵍⴻⵄⵏⴰⵚⴻⵔ ⴷ ⵡⵉⵏ ⵏ ⴽⴰⵍⵉⵜⵓⵙ ⵓⵎⵉ ⵄⴰⵡⴷⴻⵏ ⵢⴻⵔⵏⵓ ⵜⴻⵡⵡⵍⴻⵏ-ⵜⴻⵏ ⵙ ⵜⵜⴰⵡⵉⵍ ⴰⵎⴰⵢⵏⵓ, ⵓⵇⴱⴻⵍ ⵎⴰ ⵢⴻⵔⵣⴰ ⵖⴻⴼ ⵡⴻⵙⴱⵉⵟⴰⵔ ⵏ ⵍⴰⴰⴷⵉ-ⴼⵍⵉⵛⵉ ⵏ ⵍⵇⴻⵟⵟⴰⵔ ⴷ ⵡⴻⵙⴱⵉⵟⴰⵔ ⵏ ⴰⵍⵉ-ⴰⵉⵜ-ⵉⴷⵉⵔ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⵙⵏⴰⵊⵢⴰ ⵏ ⵡⴰⵙⵓⵔⴻⵏ (ⴰⵄⵚⴰⴱ).
