ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵇⵍⴻⵄ ⴰⵔⵉⴰⵏⴻ 5 ⵙ ⵙⵉⵏ ⵏ ⵢⵉⴳⴻⵏⵙⴰⵜⴻⵏ

ⴽⵧⵓⵔⵧⵓ– ⵜⴻⵇⵍⴻⵄ ⵜⵎⴻⵥⴷⵉⵜ ⵜⴰⵎⴰⵥⴰⵢⵜ ⵜⵓⵕⵓⴼⵉⵜ ⵏ ⴰⵔⵉⴰⵏⴻ 5 ⴰⵙⵙ ⵏ ⵙⵙⴻⴱⵜ ⵙⴻⴳ ⵡⴰⵎⵎⴰⵙ ⴰⵍⵍⵓⵏⴰⵏ ⵏ ⴳⵓⵢⴰⵏⴰ ⵜⴰⴼⵕⴻⵏⵙⵉⵙⵜ (ⴷⴻⴳ ⴽⵧⵓⵔⵧⵓ) ⵖⴻⴼ ⵜⵉⵙ 6:38 ⵏ ⵜⵎⴻⴷⴷⵉⵜ ⵙ ⵡⴰⴽⵓⴷ ⴰⴷⵉⴳⴰⵏ (ⵎⴰⵃⴰⵍⵍⵉ) (ⵜⵉⵙ 9:38 ⵏ ⵜⵎⴻⴷⴷⵉⵜ ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ).

ⵜⵉⵎⴻⵥⴷⵉⵜ ⵏ ⴰⵔⵉⴰⵏⴻ 5 ⵜⴻⵡⵡⵉ ⵢⵉⴷ-ⵙ ⵙⵉⵏ ⵏ ⵢⵉⴳⴻⵏⵙⴰⵜⴻⵏ (ⴰⵇⵎⴰⵔ ⵚⵉⵏⴰⵄⵉⵢⵢⴰ) ⵏ ⵜⴻⵖⵡⴰⵍⵜ ⵜⴰⵏⴻⵎⴳⴰⴳⵜ. ⵢⵉⵡⴻⵏ ⵙⴻⴳ-ⵙⴻⵏ ⴷ ⴻⵛⵀⵧ ⵙⵜⴰⵔ ⵅⵠⵉⵉⵉ ⵏ ⵜⴻⵕⵎⵉⵙⵜ ⵏ ⴷⵉⵙⵀ ⵏⴻⵜⵡⵧⵔⴽ, ⵎⴰ ⴷ ⵡⴰⵢⴻⴹ ⴷ ⴰⴳⴻⵏⵙⴰ ⵏ ⴱⵔⵉⵙⴰⵜ ⵏ ⵜⴱⴰⵏⴽⴰ ⵜⵉⵏⴷⵓⵏⵉⵙⵉⵜ ⵏ ⵔⴰⴽⵢⴰⵜ ⵉⵏⴷⵧⵏⴻⵙⵉⴰ.

ⴷ ⵜⴰ ⴰⵢ ⴷ ⵜⵉⵎⴻⵥⴷⵉⵜ ⵜⵉⵙ 3 ⵏ ⴰⵔⵉⴰⵏⴻ 5 ⴰⵔⴰ ⵢⴻⵜⵜⵡⴰⵣⵏⴻⵏ ⴰⵙⴻⴳⴳⴰⵙ-ⴰ, ⵢⴻⵔⵏⵓ ⴷ ⵏⴻⵜⵜⴰⵜ ⴰⵢ ⴷ ⵜⵉⵎⴻⵥⴷⵉⵜ ⵜⵉⵙ 230 ⴰⵔⴰ ⵢⴻⵜⵜⵡⴰⵣⵏⴻⵏ ⵙⴻⴳ ⵜⵡⴰⵛⵓⵍⵜ ⵏ ⴰⵔⵉⴰⵏⴻ. ⵎⵉ ⵜⴻⵜⵜⵡⴰⵛⵉⵔ, ⵜⵄⴻⴷⴷⴰ ⵜⵎⴻⵥⴷⵉⵜ-ⴰ ⵖⴻⴼ ⵓⵙⵉⴳⵏⴰ-ⵏⵏⵉ ⴰⵢ ⴷ-ⵢⴻⵙⴱⴻⵔⴱⵔⴻⵏ ⵖⴻⴼ ⵜⴻⵎⵏⴰⴹⵜ, ⵢⴻⵔⵏⵓ ⵢⴻⵣⴳⴰ ⵢⴻⵜⵜⵉⵍⵉ ⵓⵙⵉⴳⵏⴰ ⴷⴻⴳ ⵜⴻⵎⵏⴰⴹⵜ-ⴰ ⴷⴻⴳ ⵜⴰⵍⵍⵉⵜ ⵏ ⵢⵉⴳⴻⴼⵔⴰⵏ. ⴰⵣⴰⵍ ⵏ 1000 ⵏ ⵢⴻⵎⴼⴻⵕⵕⴵⴻⵏ ⴰⵢ ⴷ-ⵢⵓⵙⴰⵏ ⴰⴷ ⵥⵔⴻⵏ ⴰⵛⵉⵔⵉ-ⴰ ⵙⴻⴳ ⵢⵉⴷⴻⴳⴳⴻⵏ ⵏ ⵡⴰⵏⵏⴰⵢ (ⵎⵓⵔⴰⵇⴰⴱⴰ) ⵏ ⵓⵣⴰⴷⵓⵔ (ⵇⴰⵄⵉⴷⴰ) ⴰⵍⵍⵓⵏⴰⵏ ⵏ ⴽⵧⵓⵔⵧⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵜⴰⴼⵕⴻⵏⵙⵉⵙⵜ ⵏ ⴰⴼⵒ.

ⵙⵏⴰⵜ ⵏ ⵜⴻⴷⵇⵉⵇⵉⵏ ⴷ 21 ⵏ ⵜⵙⵉⵏⵉⵏ ⴷⴻⴼⴼⵉⵔ ⵎⴰ ⵜⴻⵇⵍⴻⵄ, ⵜⴻⴱⵔⴰ-ⴷ ⴰⵔⵉⴰⵏⴻ 5 ⵉ ⵜⵎⴻⵥⴷⵉⵢⵉⵏ-ⵏⵏⴻⵙ ⵏ ⵓⵙⵙⴻⵊⵀⴻⴷ ⵢⴻⵔⵏⵓ ⵖⵍⵉⵏⵜ ⴷⴻⴳ ⵓⴳⴰⵔⴰⵡ ⴰⵟⵍⴰⵙⵉ, ⵖⴻⴼ ⵍⴻⵃⵙⴰⴱ ⵏ ⴰⵔⵉⴰⵏⴻⵙⵒⴰⵛⴻ, ⵜⴰⵕⵎⵉⵙⵜ (ⵛⴰⵔⵉⴽⴰ) ⴰⵢ ⵢⴻⵜⵜⵛⵉⵔⵉⵏ ⵜⵉⵎⴻⵥⴷⵉⵜ-ⴰ.

ⵜⵉⵎⴻⵥⴷⵉⵜ-ⴰ ⵢⴻⵙⵙⴻⴼⴽ ⴰⴷ ⵜⴻⵙⵙⴻⵔⵙ ⴷⴻⴳ ⵡⴻⵃⴱⵓ (ⵎⴰⴷⴰⵔ) ⴰⴳⴻⵏⵙⴰ ⵏ ⴻⵛⵀⵧ ⵙⵜⴰⵔ ⵅⵠⵉⵉⵉ 29 ⵏ ⵜⴻⴷⵇⵉⵇⵉⵏ ⴷⴻⴼⴼⵉⵔ ⵓⵛⵉⵔⵉ. ⴰⴳⴻⵏⵙⴰ-ⴰ ⵏ ⵜⵍⵉⵥⵔⵉ ⴷ ⵡⵉⵏ ⴰⵔⴰ ⵢⴻⵙⵙⵉⵡⴹⴻⵏ ⴰⵀⵉⵍⴻⵏ ⵏ ⵜⵍⵉⵥⵔⵉ ⵉ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴰⵍⴰⵙⴽⴰ ⴷ ⵀⴰⵡⴰⵉ ⵉ ⵜⴰⵍⵍⵉⵜ ⵏ 15 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⵓ ⴷ ⵜⴰⵕⵎⵉⵙⵜ ⵜⴰⵎⴰⵔⵉⴽⴰⵏⵉⵜ ⵏ ⴷⵉⵙⵀ ⵏⴻⵜⵡⵧⵔⴽ ⴰⵔⴰ ⵜ-ⵉⵖⴻⵍⵍⵜⴻⵏ.

ⴰⴳⴻⵏⵙⴰ ⵡⵉⵙ ⵙⵉⵏ ⴰⵔⴰ ⵜⴻⵙⵙⴻⵔⵙ ⴰⵔⵉⴰⵏⴻ 5 ⴷⴻⴳ ⵡⴻⵃⴱⵓ ⴷ ⴰⴳⴻⵏⵙⴰ ⵏ ⴱⵔⵉⵙⴰⵜ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ 42 ⵏ ⵜⴻⴷⵇⵉⵇⵉⵏ ⴷⴻⴼⴼⵉⵔ ⵓⵛⵉⵔⵉ, ⵢⴻⵔⵏⵓ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ ⴰⵢⴷⴻⴳ ⴰⵔⴰ ⵢⴻⵜⵜⵡⴰⵣⴻⵏ ⵓⴳⴻⵏⵙⴰ ⵢⴻⵍⵍⴰⵏ ⴷ ⴰⵢⵍⴰ ⵏ ⵜⴱⴰⵏⴽⴰ. ⴱⴰⵏⴽ ⵔⴰⴽⵢⴰⵜ ⵉⵏⴷⵧⵏⴻⵙⵉⴰ ⴷ ⵜⴰⴱⴰⵏⴽⴰ ⵢⴻⵙⵄⴰⵏ 53 ⵏ ⵢⵉⵎⴻⵍⵢⵓⵏⴻⵏ ⵏ ⵢⴻⵎⵙⴰⵖⴻⵏ ⴷⴻⴳ ⵉⵏⴷⵓⵏⵉⵙⵢⴰ, ⵖⴻⴼ ⵍⴻⵃⵙⴰⴱ ⵏ ⴰⵔⵉⴰⵏⴻⵙⵒⴰⵛⴻ.