ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⴻⵔⵔⴰⵣⵜ: ⴰⵀⵉⵍ ⵏ ⵡⴻⵙⵏⴻⴼⵍⵉ ⵏ ⵜⵎⵓⵔⵜ ⵢⴻⵙⵙⴰⵡⴻⴹ ⵖⴻⵔ ⵓⵙⵙⴻⴹⵔⵓ ⵏ ⵢⵉⵙⴻⵏⴼⴰⵔⴻⵏ ⵙ ⵡⴰⵣⴰⵍ-ⵏⵙⴻⵏ (ⴰⵖⵍⵉⴼ)

ⵜⵓⴱⵉⵔⴻⵜ – ⵢⴻⵏⵏⴰ-ⴷ ⵡⴻⵖⵍⵉⴼ ⵏ ⵜⴽⴻⵔⵔⴰⵣⵜ ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⴷⴰⴽⴽⴻⵏ ⴰⵙⵙⴻⴼⵄⴻⵍ ⵏ ⵡⴰⵀⵉⵍⴻⵏ ⵏ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⵏ 2009 ⴷ 2015 ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⴹⵔⵓ (ⵉⵏⴵⴰⵣ) ⵏ ⵢⵉⵙⴻⵏⴼⴰⵔⴻⵏ ⵙ ⵡⴰⵣⴰⵍ-ⵏⵙⴻⵏ ⴷⴻⴳ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ.

ⴳⴰⵔ ⵢⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵍⵍⴰⵏ, ⵢⴻⵍⵍⴰ ⵓⵙⴻⵏⴼⴰⵔ ⵏ ⵜⵓⵥⵓⵜ ⵏ 231.626 ⵏ ⵢⵉⵇⴻⵟⵟⴰⵔⴻⵏ ⵏ ⵜⵥⴻⴳⵡⴰ ⴷ ⵓⵃⵓⴷⴷⵓ ⵏ ⵜⴻⵎⵏⴰⴹⵉⵏ ⵏ ⵜⴽⴻⵙⵙⴰⵡⵜ (3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⵏ ⵜⴻⵎⵏⴰⴹⵉⵏ ⵜⵉⵏⵣⴰⵡⴰⵖⵉⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⴷⴻⴳ ⵓⵕⴰⴱⵓⵍ-ⵏⵏⴻⵙ ⴰⵢ ⴷ-ⵢⴻⴼⴽⴰ ⴰⵙⵙ ⵏ ⵙⵙⴻⴱⵜ ⵉ ⵜⵖⴻⵎⵙⴰ ⵉ ⵍⵎⴻⵏⴷ ⵏ ⵜⴻⵔⵣⵉ ⵏ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵛⵀⴻⵍⴳⵀⵧⵓⵎ ⴰⴱⴷⴻⵙⵍⴰⵎ, ⵖⴻⴼ ⵜⵓⴱⵉⵔⴻⵜ.

ⴰⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵡⴻⵙⵏⴻⴼⵍⵉ ⵏ ⵜⵎⵓⵔⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⵏ 2009-2015 ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵡⴻⵙⵏⵓⵍⴼⵓ ⵏ ⵡⵓⵔⵎⵉⴷⴻⵏ ⵙ ⵜⵓⵥⵓⵜ ⵏ 129.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⵓⵔⵜⴰⵏ, ⴳⴰⵔ-ⴰⵙⴻⵏ 85.000 ⵏ ⵢⵉⵇⴻⵟⵟⴰⵔⴻⵏ ⴷ ⵢⵉⵄⴻⵔⵇⵢⴰⴱ ⵏ ⵓⵣⴻⵎⵎⵓⵔ, ⴷ ⵜⵓⵥⵓⵜ ⵏ 21.000 ⵏ ⵢⵉⵇⴻⵟⵟⴰⵔⴻⵏ ⴷ ⵉⵎⵖⴰⵏ ⵏ ⵜⴽⴻⵙⵙⴰⵡⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⵡⴻⴹ ⵡⴰⵢⴰ ⵖⴻⵔ ⵜⵓⴽⴽⵙⴰ ⵏ ⵡⴻⵄⵣⴰⵍ ⵏ ⵢⵉⵎⴻⵣⴷⴰⵖⴻⵏ ⵙ ⵓⵀⴻⵢⵢⵉ ⵏ 12.416 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵜⴻⵣⵔⵉⴱⵉⵏ ⵏ ⵜⵎⵓⵔⵜ ⵉ ⵓⵙⵙⵉⴼⵙⴻⵙ ⵏ ⵡⴰⵡⵡⴰⴹ ⵖⴻⵔ ⵜⴻⵎⵏⴰⴹⵉⵏ ⵏ ⵜⴽⴻⵔⵔⴰⵣⵜ, ⵓⵔⵜⴰⵏ ⴷ ⵢⵉⵖⴻⵔⵎⴰⵏ.

ⴰⵀⵉⵍ-ⴰ ⴷ ⵡⵉⵏ ⴰⵢⴷⴻⴳ ⵜⵜⵡⴰⴷⵉⵡⴰⵏ ⵢⴻⵎⵖⴰⵏ ⴷⴻⴳ ⵜⵊⵓⵎⵎⴰ ⵏ 154.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ. ⵜⵜⵡⴰⴷⵉⵡⴰⵏ ⴷⴰⵖ ⵢⵉⵙⴻⴽⵍⴰ ⴷⴻⴳ ⵜⵊⵓⵎⵎⴰ ⵏ 170.000 ⵏ ⵢⵉⵇⴻⵟⵟⴰⵔⴻⵏ ⵏ ⵜⵥⴻⴳⵡⴰ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵜⵥⴻⴳⵡⴰ-ⴰ. ⵜⵜⵡⴰⵖⴻⵍⵍⵜⴻⵏ 820.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏ ⵡⴻⵙⵖⴰⵔ ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵍⵍⴰ ⵍⵖⴻⵍⵍⴰ ⵏ 370.000 ⵏ ⵢⵉⵇⴻⵏⵟⴰⵔⴻⵏ ⵏ ⵢⵉⴼⴻⵔⴽⵉ, ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵣⴰⵍ ⵏ 400.000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵍⵉⵜ-ⴰ ⴷⴻⴳ ⵢⴻⵔⵎⵓⴷⴻⵏ-ⴰ ⵢⴻⵎⴳⴻⵔⵔⴰⴷⴻⵏ ⵏ ⵡⴰⵀⵉⵍ ⵏ ⵡⴻⵙⵏⴻⴼⵍⵉ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵕⴰⴱⵓⵍ-ⴰ.