ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⴱⴷⴰ-ⴷ ⵍⴰⵎⴰⵎⵔⴰ ⵜⵉⵔⵣⵉ ⵏ ⵓⵅⴻⴷⴷⵉⵎ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵎⴰⵍⵉ
ⴱⴰⵎⴰⴽⵓ – ⵢⴻⴱⴷⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵍⵃⴻⴷⴷ, ⵜⵉⵔⵣⵉ ⵏ ⵓⵅⴻⴷⴷⵉⵎ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⴱⴰⵎⴰⴽⵧ (ⵎⴰⵍⵉ), ⴷ ⵜⵉⵏ ⴰⵢⴷⴻⴳ ⴰⵔⴰ ⵢⴻⵙⵙⴻⵍⵡⵉ, ⵖⴻⵔ ⵢⵉⴷⵉⵙ ⵏ ⵡⴻⵎⵜⵉⵍ-ⵏⵏⴻⵙ ⴰⵎⴰⵍⵉ, ⴰⴱⴷⵧⵓⵍⴰⵢⴻ ⴷⵉⵧⵒ, ⵜⴰⴷⵡⵉⵍⵜ ⵜⵉⵙ 11 ⵏ ⵓⵙⴻⵇⵇⴰⵎⵓ ⴰⵙⵉⵏⴷⵉⵙⴰⵏ ⴰⵙⵓⴷⴷⵙⴰⵏ ⴰⴷⵣⴰⵢⵔⵉ-ⴰⵎⴰⵍⵉ ⵉ ⵓⴳⴰⴼⴰ ⵏ ⵎⴰⵍⵉ.
ⵎⵉ ⵢⴻⵡⵡⴻⴹ ⵎⴰⵙⵙ ⵍⴰⵎⴰⵎⵔⴰ ⵖⴻⵔ ⴱⴰⵎⴰⴽⵧ, ⴷ ⴰⵏⴻⵖⵍⴰⴼ ⵏ ⵢⵉⵎⴰⵍⵉⵢⴻⵏ ⵏ ⵡⴻⵣⵖⴰⵔ, ⴰⴱⴷⴻⵔⴰⵎⴰⵏⴻ ⵙⵢⵍⵍⴰ, ⴰⵢ ⵜ-ⵢⴻⵎⵎⵓⴳⴳⵔⴻⵏ ⵖⴻⵔ ⵢⵉⴷⵉⵙ ⴽⵔⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵢⵉⵎⵓⵙⵙⴰ ⵉⵙⴻⵔⵜⴰⵏⴻⵏ-ⵉⵙⴻⵔⴷⴰⵙⴰⵏⴻⵏ ⵏ ⵓⴳⴰⴼⴰ ⵏ ⵎⴰⵍⵉ.
ⵜⴰⴷⵡⵉⵍⵜ-ⴰ ⴰⴷ ⴷ-ⵜⴻⵖⵍⵉ ⴷⴻⴳ ⵡⴰⵙⵙ ⵏ ⵓⵎⵓⵍⵍⵉ ⵏ ⵓⴼⴰⴽⵉ ⵏ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⵏ ⵎⴰⵍⵉ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵎⴰ ⵢⴻⵇⵍⴻⵄ ⵖⴻⵔ ⴱⴰⵎⴰⴽⵧ, ⵉⵡⴻⴽⴽⴻⴷ-ⴷ ⵎⴰⵙⵙ ⵍⴰⵎⴰⵎⵔⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴼⴼⵉⵔ ⵡⴻⵎⵢⴰⴳⴻⵔ-ⵏⵏⴻⵙ ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ, ⴱⵉⵍⴰⵍ ⴰⴳ ⵛⵀⴻⵔⵉⴼ, ⴷⴰⴽⴽⴻⵏ « ⴰⵎⵓⵍⵍⵉ ⴰⵎⴻⵣⵡⴰⵔⵓ ⵏ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⴷⴻⴳ ⵎⴰⵍⵉ ⴰⴷ ⵢⵉⵍⵉ ⴷ ⴰⴱⴻⴷⴷⵓ ⴰⵎⴰⵢⵏⵓ ⵙ ⵕⵕⵓⵃ-ⵏⵏⵉ ⵏ ⵍⴻⴱⵏⵉ ⵢⴻⵍⵍⴰⵏ ⵢⴰⴳⵉ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵡⴰⴽⴽ ⵛⵛⵓⵔⵓⴹ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ».
ⴰⴷ ⵢⴻⵎⵍⵉⵍ ⵎⴰⵙⵙ ⵍⴰⵎⴰⵎⵔⴰ, ⴷⴻⴳ ⵜⴻⵔⵣⵉ-ⴰ, ⴷ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵙⴻⵇⵇⴰⵎⵓ ⵏ ⵡⴻⴹⴼⴰⵔ ⵏ ⵡⴻⵎⵜⴰⵡⴰ ⴰⵢ ⵜⴻⵙⵙⴻⵍⵡⵉ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵓⵇⴻⵢⵢⴻⵎ ⵏ ⵜⴻⴳⵏⵉⵜ ⵡⵓⵖⵓⵔ ⵢⴻⵡⵡⴻⴹ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ-ⴰ ⴷ ⵓⵙⵙⴻⴼⵔⵓ ⵏ ⵜⵜⴰⵡⵉⵍⴰⵜ ⵏ ⵓⵙⵙⴻⵊⵀⴻⴷ ⵏ ⵓⵙⵙⴻⴼⵄⴻⵍ-ⴰ.
