ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴹⴰⵔ ⵏ ⵓⵎⵓⴹⵉⵏ ⵏ ⵙⵙⴽⴻⵕ: ⵓⴳⴰⵔ ⵏ 11.000 ⵏ ⵢⴻⵎⴷⴰⵏⴻⵏ ⵓⵎⵉ ⵜⵜⵡⴰⴱⴱⵉⵏ ⵢⵉⴹⴰⵔⵔⴻⵏ ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⵙⵓⴳⴰ ⴷ ⵢⵉⵎⴻⵔⵏⵉⵢⴻⵏ ⵏ ⵢⵉⵎⴻⵄⴷⴰⵕ (ⵧⵏⴰⴰⵒⵀ), ⴼⴰⵜⴰⵀ ⴷⵊⴰⵍⴰⵍ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ 11.200 ⵏ ⵢⴻⵎⴷⴰⵏⴻⵏ ⵙⴻⴳ ⴳⴰⵔ 14.000 ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵢⵉⵙⵓⴳⴰ (ⴰⴵⵀⵉⵣⴰ) ⴷⴻⴳ 5-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵖⴻⴼ ⵍⴵⴰⵍ ⵏ ⵜⵓⴱⴱⵢⴰ ⴰⵢ ⴰⵙⴻⵏ-ⴱⴱⵉⵏ ⵉⴹⴰⵔⵔⴻⵏ-ⵏⵙⴻⵏ ⵖⴻⴼ ⵍⴵⴰⵍ ⵏ ⵡⴰⴹⴹⴰⵏ ⵏ ⵙⵙⴽⴻⵕ.

ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵢⴻⵅⴷⴻⵎ-ⴷ ⵓⴷⵉⵡⴰⵏ ⵉⵙⵓⴳⴰ ⵉ 14.000 ⵏ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏ 11.200 ⵏ ⵢⵉⵎⵓⴹⵉⵏⴻⵏ ⵏ ⵙⵙⴽⴻⵕ ⵓⵎⵉ ⵜⵜⵡⴰⴱⴱⵉⵏ ⵢⵉⴹⴰⵔⵔⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵊⴰⵍⴰⵍ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ ⴷ ⵡⴻⵙⵃⵓⵍⴼⵓ ⵖⴻⴼ ⵡⴻⴱⴷⴰⴷ ⵉ ⵢⵉⵎⵓⴹⵉⵏⴻⵏ ⵏ ⵙⵙⴽⴻⵕ ⴰⵢ ⴷ-ⵢⴻⵙⵙⵓⴷⴷⴻⵙ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ (ⵛⵏⴰⵙ).

ⵉⵅⴻⴷⴷⴻⵎ-ⴷ ⵓⴷⵉⵡⴰⵏ-ⴰ ⵉⵙⵓⴳⴰ ⵉ ⵡⴰⵣⴰⵍ ⵏ 900 ⴰⵔ 950 ⵏ ⵢⵉⵎⵓⴹⵉⵏⴻⵏ ⵏ ⵙⵙⴽⴻⵕ ⵉ ⵓⵙⴻⴳⴳⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵊⴰⵍⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵢⴻⴱⴷⴰ-ⴷ ⵡⴻⵅⴷⴰⵎ ⵏ ⵢⵉⵡⴻⵏ ⵏ ⵡⴻⵔⴽⴰⵙ ⴷ ⴰⴼⵉⵎⴰⵏ (ⵎⵓⵔⵉⵃ) ⵢⴻⵔⵏⵓ ⵢⴻⵜⵜⵇⴰⴷⴰⵔ ⵜⵉⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ ⵉ ⵡⵉⴷ ⵢⵓⴹⵏⴻⵏ ⵙⵙⴽⴻⵕ. ⵉⵔⴽⴰⵙⴻⵏ-ⴰ ⴷ ⵡⵉⴷ ⴰⵔⴰ ⵢⴻⵙⵏⴻⵇⵙⴻⵏ ⵜⵓⴱⴱⵢⴰ ⵏ ⵢⵉⴹⴰⵔⵔⴻⵏ ⵢⴻⵔⵏⵓ ⴰⴷ ⴷ-ⵢⴻⵏⵇⴻⵙ, ⵙ ⵡⴰⵢⴰ, ⵓⵎⴻⵚⵔⴻⵓⴼ ⴰⵢ ⵢⴻⵜⵜⵚⴻⵔⵔⵉⴼ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ ⵖⴻⴼ ⵜⴰⵍⵓⴼⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ, ⵀⴰⵙⵙⴰⵏ ⵜⵉⴷⵊⴰⵏⵉ ⵀⴰⴷⴷⴰⵎ, ⵢⴻⵛⴽⴻⵕ-ⴷ ⴰⵙⵙⵓⴷⴷⴻⵙ ⵏ ⵡⴻⵎⵢⴰⴳⴻⵔ-ⴰ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵏⴷⵓⵇ-ⴰ ⵢⴻⵍⵀⴰ-ⴷ ⵙ 100% ⵙ ⵢⵉⵎⵓⴹⵉⵏⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴷⵔⵉⵎⴻⵏ ⴰⵢ ⵃⵡⴰⵊⴻⵏ ⴰⴽⴽⴻⵏ ⴰⴷ ⴰⵙⴻⵏ-ⴷ-ⴳⴻⵏ ⵉⵙⵓⴳⴰ-ⴰ.

ⵉⵇⴻⴷⴷⴻⵎ-ⴷ ⴷⴰⵖ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⵜⴰⵙⵓⴷⴷⴻⵙⵜ ⵏ ⵓⵙⴻⵏⴷⵓⵇ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴱⴷⴰⴷ ⵉ ⵓⵎⵓⴹⵉⵏ ⵉ ⵓⵙⵙⴻⵇⵔⴻⴱ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵓⵙⴻⵏⴷⵓⵇ-ⴰ ⵖⴻⵔ ⵓⵎⵓⴹⵉⵏ.