ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵔⵔⵉⵜ ⴷⴻⴳ ⵜⵉⵣⵉ ⵡⴻⵣⵣⵓ: ⴰⵎⵢⴰⴳⴻⵔ ⴷ ⵡⴰⵢⵜ ⵢⵉⵙⴻⵏⴼⴰⵔⴻⵏ ⵉ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ
ⵜⵉⵣⵉ ⵡⴻⵣⵣⵓ– ⵢⴻⵙⵙⵓⴷⴷⴻⵙ ⵓⵡⴰⵍⵉ ⴱⵔⴰⵀⵉⵎ ⵎⴻⵔⴰⴷ, ⴰⵙⵙ ⵏ ⵍⴻⵅⵎⵉⵙ, ⵜⵉⵎⵍⵉⵍⵉⵜ ⴷ ⵡⴰⵢⵜ ⵢⵉⵙⴻⵏⴼⴰⵔⴻⵏ ⵏ ⵡⴻⵃⵔⵉⵛ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵉ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⴰⵢ ⵢⴻⵙⵄⴻⴹⵍⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ.
ⴷⴻⴳ ⵡⴻⵎⵢⴰⴳⴻⵔ-ⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ), ⵔⴰⵛⵀⵉⴷ ⴳⵀⴻⴷⴷⵧⵓⵛⵀⵉ, ⴷⴰⴽⴽⴻⵏ 110 ⵏ ⵢⵉⵙⴻⵏⴼⴰⵔⴻⵏ ⵉⵎⴻⵔⵔⴰⵢⴰⵏⴻⵏ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ ⴷⴻⴳ ⵜⵡⵉⵍⴰⵢⵜ, ⴳⴰⵔ-ⴰⵙⴻⵏ 17 ⵍⴰ ⵜⵜⵡⴰⴱⵏⴰⵢⴻⵏ, ⵎⴰ ⴷ 93 ⵡⴻⵔⵄⴰⴷ ⴱⴷⵉⵏ.
ⵙⴻⴳ ⴳⴰⵔ 93 ⵏ ⵢⵉⵙⴻⵏⴼⴰⵔⴻⵏ-ⴰ ⴰⵢ ⵡⴻⵔⵄⴰⴷ ⵢⴻⴱⴷⵉⵏ, 38 ⴹⴹⴼⴻⵏ-ⴷ ⴰⵇⴱⴰⵍ ⵏ ⵓⵎⴻⵏⵣⴰⵢ ⵏ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⵎⴰⵛⴰ ⴰⵍⴰ 4 ⵏ ⵢⴻⵎⵙⴻⴼⵜⵉⵢⴻⵏ ⴰⵢ ⴷ-ⵢⴻⴹⴹⴼⴻⵏ ⵜⵜⴻⵙⵔⵉⵃ ⵏ ⵍⴻⴱⵏⵉ.
ⵉⵙⴻⵏⴼⴰⵔⴻⵏ-ⴰ ⴰⵢ ⵡⴻⵔⵄⴰⴷ ⴱⴷⵉⵏ (ⴷ ⵡⵉⴷ ⴰⵢⴷⴻⴳ ⵍⵍⴰⵏⵜ ⵜⵏⴻⵣⴷⵓⵖⵉⵏ ⵜⵉⵎⴻⵔⵔⴰⵢⴰⵏⵉⵏ, ⵉⵙⴻⵏⵙⴰ ⴷ ⵢⵉⵎⵓⴽⴰⵏ ⵏ ⵡⴻⵙⴳⵓⵏⴼⵓ ⵖⴻⴼ ⵡⴻⴱⵔⵉⴷ) ⴰⴷ ⴷ-ⵙⵏⵓⵍⴼⵓⵏ 2.200 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.
ⴷⴻⴳ ⵡⴻⵎⵢⴰⴳⴻⵔ-ⴰ, ⵢⴻⵙⵙⵓⴽⴽ-ⴷ ⵓⵡⴰⵍⵉ ⵜⵉⵟ ⵖⴻⴼ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⵏ ⵓⵙⵙⴻⴼⵜⵉ. ⵙⵙⴻⴱⴱⴰ ⵜⴰⴳⴻⵊⴷⴰⵏⵜ ⵏ ⵡⴻⵇⴱⴰⵔ ⵏ ⵢⵉⵙⴻⵏⴼⴰⵔⴻⵏ-ⴰ ⴷ ⵜⵜⴻⵙⵔⵉⵃ ⵏ ⵍⴻⴱⵏⵉ ⵓⵔ ⴰⵙⴻⵏ-ⴷ-ⵜⴻⴼⴽⵉ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⴷ ⵍⴻⴱⵏⵉ.
ⵙ ⵡⴰⵢⴰ, ⵜⴻⵜⵜⵓⵏⴻⴼⴽ ⵍⴻⵡⵚⴰⵢⴰ ⵉ ⵜⵎⴻⵀⵍⴰ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⴷ ⵍⴻⴱⵏⵉ ⴰⴽⴽⴻⵏ ⴰⴷ ⴷ-ⵜⴻⴼⴽ ⵜⵜⴻⵙⵔⵉⵃⴰⵜ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⴱⴷⵓⵏ ⵢⴻⵎⵙⴻⴼⵜⵉⵢⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵙⵙⴻⵃⴱⵉⴱⴻⵔ ⵜⵎⴻⵀⵍⴰ-ⴰ ⵖⴻⴼ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⴰⵢ ⵜⴻⴼⴽⴰ ⵉ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ.
