ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵡⴻⵎⵄⴰⵡⴻⵏ ⵉ ⵓⵀⴻⵢⵢⵉ ⵏ ⵜⴳⴻⵔⵜⵉⵍⵜ ⵜⴰⵎⴻⵔⵔⴰⵢⴰⵏⵜ ⵏ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴳⵔⴻⵏ-ⴷ ⴽⵔⴰ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵉⴷⵣⴰⵢⵔⵉⵢⴻⵏ ⵜⵉⵖⵔⵉ, ⴰⵙⵙ ⵏ ⵙⵙⴻⴱⵜ, ⵉ ⵡⴻⵎⵄⴰⵡⴻⵏ ⴳⴰⵔ ⵢⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⴷ ⵜⴻⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ ⵉ ⵓⵀⴻⵢⵢⵉ ⵏ ⵜⴳⴻⵔⵜⵉⵍⵜ ⵜⴰⵎⴻⵔⵔⴰⵢⴰⵏⵜ ⴰⵔⴰ ⵉⵏⴻⴼⵄⴻⵏ ⵍⴻⵣⵣⴰⵢⴻⵔ ⴰⵎⴰ ⴷⴻⴳ ⵡⴻⵙⵡⵉⵔ ⴰⵖⴻⵍⵏⴰⵡ, ⴰⵎⴰ ⴷⴻⴳ ⵡⴻⵙⵡⵉⵔ ⴰⴳⵔⴰⵖⵍⴰⵏ.
ⴷⴻⴳ ⵢⵉⵡⴻⵏ ⵏ ⵡⴻⵏⵎⴰⴳⴻⵔ ⴰⵢ ⴷ-ⵜⴳⴰ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵏⴻⵖⵎⴰⵙⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷⴻⴳ ⵍⴻⵇⵚⴻⵔ ⵏ ⵕⵕⴻⵢⵢⴰⵙ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵉ ⵍⵎⴻⵏⴷ ⵏ ⵓⴱⴻⴷⴷⵓ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ ⵏ 2916, ⵄⴻⵔⴹⴻⵏ ⵢⴻⵎⵜⵜⴻⴽⴽⵉⵢⴻⵏ ⴰⴷ ⴷ-ⴼⴽⴻⵏ ⵜⵉⵔⵉⵔⵉⵢⵉⵏ ⵖⴻⴼ ⵡⴰⵢⴻⵏ ⴰⵢ ⵃⴻⵎⵎⵍⴻⵏ ⵢⵉⵡⴻⵔⴷⴰⵏⵉⵢⴻⵏ ⴰⴷ ⵔⵣⵓⵏ ⴼⴻⵍⵍ-ⴰⵙ ⴷⴻⴳ ⵍⴻⵣⵣⴰⵢⴻⵔ.
ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⵓⴽⵍⵉⵡⵉⵏ ⵏ ⵜⵏⴻⴳⴳⵉⵡⵉⵏ ⵏ ⵜⵎⴻⵔⵔⵉⵜ ⴷ ⵓⵙⵙⵉⴽⴻⵍ, ⵏⴰⴷⵊⴰⵀ ⴱⵧⵓⵊⴻⵍⵧⵓⴰ ⴷⴰⴽⴽⴻⵏ ⵍⵍⴰⵏ ⵢⵉⵄⴻⵡⵡⵉⵇⴻⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵓⵀⴻⵢⵢⵉ ⵏ ⵜⵙⴻⵏⵜⴰ ⵜⵉⵜⵡⵉⵍⴰⵏⵉⵏ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵙⵙⴻⴱⴱⴰ ⵏ ⵡⴰⵢⴰ ⴷ ⵍⵇⴻⵍⵍⴰ ⵏ ⵡⴻⵃⴽⴰⵎ ⴷⴻⴳ ⵜⴻⵙⵇⴰⵎⵉⵏ (ⵜⴰⴽⴰⵍⵉⴼ) ⴰⴽⴽⴻⵏ ⴰⴷ ⴷ-ⵎⵢⴻⵣⴳⴻⵏⵜ ⴷ ⵓⵙⵙⵓⴷⴻⵔ (ⵉⵙⵜⵉⵀⵍⴰⴽ) ⴰⴷⵉⴳⴰⵏ.
ⵢⴻⵙⵜⴻⵄⵕⴻⴼ ⴷⴰⵖ ⴷⴰⴽⴽⴻⵏ ⴰⵎⵄⴰⵡⴻⵏ ⴳⴰⵔ ⵢⵉⵎⴻⴳⴳⵉⵢⴻⵏ (ⴼⴰⵄⵉⵍⵉⵏ) ⵏ ⵜⵎⴻⵔⵔⵉⵜ ⴷ ⵡⴻⵖⵍⵉⴼ ⵏ ⵜⵎⴻⵔⵔⵉⵜ ⴷⴻⴳ 3-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⴰⴽⴽⴻⵏ ⴰⴷ ⵙⵇⴻⵏⵄⴻⵏ ⴰⵎⴻⵔⵔⴰⵢ ⴰⴷⵣⴰⵢⵔⵉ ⴰⴷ ⵢⴻⵔⵣⵓ ⵖⴻⴼ ⵍⴻⵣⵣⴰⵢⴻⵔ ⴷⴻⴳ ⵡⴻⴱⴷⵉⵍ ⵏ ⵜⵎⵓⵔⴰ ⵜⵉⵡⴻⵔⴷⴰⵏⵉⵢⵉⵏ ⵓⵔ ⵢⴻⵙⵙⴰⵡⴻⴹ ⵖⴻⵔ ⵢⴻⵙⵡⵉ-ⵏⵏⴻⵙ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵡⵉⴷ ⴰⵢ ⵢⴻⵜⵜⴰⵖⴻⵏ ⵉⵜⵉⴽⵉⵢⴻⵏ ⵏ ⵓⵙⵙⵉⴽⴻⵍ ⵙⴻⴳ ⵢⵉⵅⴻⴷⴷⴰⵎⴻⵏ.
ⵎⴰ ⴷ ⵙⴰⵀⵏⵧⵓⵏⴻ ⵧⵜⵀⵎⴰⵏⴻ, ⴷ ⴰⵎⴰⵣⵣⴰⵢ ⴷⴻⴳ ⵜⵎⴻⵔⵔⵉⵜ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵄⴰ « ⵜⴰⵎⵓⵖⵍⵉ ⴷ ⵜⵓⵃⵕⵉⵙⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴻⵔⵔⵉⵜ », ⵢⴻⵔⵏⵓ ⵜⴻⵇⵇⴻⵏ ⴽⴰⵏ ⵖⴻⵔ ⵓⵎⵎⴰⴳⴻⵔ ⵢⴻⵍⵀⴰⵏ, ⵎⴰⵛⴰ ⵓⵔ ⵜⴻⵜⵜⵡⴰⵍⵉ ⵖⴻⵔ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⴰⵢ ⵉⵣⴻⵎⵔⴻⵏ ⴰⴷ ⵙⵙⴻⵍⵀⵓⵏ ⴰⵙⵡⵉⵔ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⴻⵔⵔⵉⵜ.
