ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Azal n umelyun n yiḥeṛbiyen ay yettwaḍḍfen deg Sḍif (taɣellist n twilayt)

ⵙⴹⵉⴼ – ⵢⴻⵜⵜⵡⴰⴹⴹⴻⴼ ⴰⵣⴰⵍ ⵏ ⵓⵎⴻⵍⵢⵓⵏ ⵏ ⵢⵉⵃⴻⵕⴱⵉⵢⴻⵏ ⴷ ⵜⵎⴻⵥⴷⵉⵢⵉⵏ ⴷⴻⴳ ⵍⴻⵛⵖⴰⵍ ⵢⴻⵎⴳⴻⵔⵔⴰⴷⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵃⴻⵎⵎⴰⵎ ⵙⴻⵅⵏⴰ (ⴷⴻⴳ ⵡⴻⵏⵥⵓⵍ-ⵓⵜⵔⵉⵎ ⵏ ⵙⴹⵉⴼ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵢⵉⵖⴻⴼ ⵏ ⵜⴻⴱⵏⵉⵇⵜ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ ⵏ ⵙⴹⵉⴼ, ⴰⴳⴻⵏⵙⴻⵙ ⴰⴱⴷⴻⵍⵡⴰⵀⴰⴱ ⴰⵉⵙⵙⴰⵏⵉ.

ⵜⴰⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ ⵏ ⵃⴻⵎⵎⴰⵎ ⵙⴻⵅⵏⴰ ⵜⴻⵙⵙⴰⴳⴳⴻⴷ ⴰⵅⴻⴷⴷⵉⵎ ⴷⴻⴳ ⵢⵉⵣⴻⵏⵇⴰⵏ ⵢⴻⵜⵜⴰⵡⵉⵏ ⵖⴻⵔ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 75 ⵢⴻⵇⵇⵏⴻⵏ ⵙⴹⵉⴼ ⴷ ⵜⴱⴰⵜⴻⵏⵜ, ⵢⴻⵔⵏⵓ ⵢⴻⵙⵙⴰⵡⴻⴹ ⵡⴰⵢⴰ ⵖⴻⵔ ⵜⵓⴹⴹⴼⴰ ⵏ 998.000 ⵏ ⵢⵉⵃⴻⵕⴱⵉⵢⴻⵏ ⴷ ⵜⵎⴻⵥⴷⵉⵢⵉⵏ ⴷⴻⴳ 6 ⵏ ⵍⴻⵛⵖⴰⵍ ⵏ ⵓⵙⵙⴻⴼⵇⴻⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴻⵙ ⴰⵉⵙⵙⴰⵏⵉ.

ⵢⴻⵍⵍⴰ-ⴷ ⵛⵛⵖⴻⵍ-ⴰ ⴷⴻⴳ ⵓⵙⵙⴻⴼⵇⴻⴷ ⵏ ⵜⴽⴻⵕⵕⵓⵙⵉⵏ ⴷⴻⴳ ⵜⴻⵏⵇⵉⴹⵉⵏ ⵏ ⵓⵏⴰⴷⵉ ⴰⵢ ⴷ-ⵢⴻⵔⵙⴻⵏ ⴷⴻⴳ ⵡⴻⴱⵔⵉⴷ ⵡⴰⵔ ⴰⵄⴻⵢⵢⴻⵏ ⴷⴻⴳ ⵢⴻⴱⵔⵉⴷⴻⵏ ⴰⵢ ⵏⵏⵓⵎⵎⴻⵏ ⵜⵜⴰⵖⴻⵏ-ⵜⴻⵏ ⵢⴻⵎⵙⴻⵜⵜⵉⵢⴻⵏ (ⵎⵓⵀⴰⵔⵔⵉⴱⵉⵏ), ⵢⴻⵔⵏⵓ ⵜⵜⵡⴰⴹⴹⴼⴻⵏ ⴷⴰⵖ 6 ⵏ ⵢⴻⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⵉⵡⴻⴹ ⵏ ⵙⵙⴻⵍⵄⴰ-ⴰ.

ⵛⵛⵖⴻⵍ-ⴰ ⴷ ⴰⵃⵔⵉⵛ ⵙⴻⴳ ⵓⵖⴰⵡⴰⵙ ⵏ ⵢⵉⵎⴻⵏⵖⵉ ⵎⴳⴰⵍ ⵍⴻⵛⵖⴰⵍ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⵢ ⴷ-ⵢⴻⴱⴷⴰⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵍⴰⴷⵖⴰ ⵉⵎⵉ ⴷⴻⴳ ⵜⴰⵍⵍⵉⵜ-ⴰ ⴰⵢⴷⴻⴳ ⵍⴰ ⴷ-ⵢⴻⵜⵜⵇⴻⵔⵔⵉⴱ ⵍⵄⵉⴷ, ⵉⵔⴻⵏⵏⵓ ⵓⵙⵙⴻⵜⵜⵉ ⵏ ⵙⵙⴻⵍⵄⴰ ⴱⴻⵕⵕⴰ ⵉ ⵍⵇⴰⵏⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵢⴻⵏⵏⴰ-ⴷ ⴷⴰⵖ ⵓⴳⴻⵏⵙⴻⵙ ⴰⵉⵙⵙⴰⵏⵉ ⴷⴰⴽⴽⴻⵏ ⵜⴻⵍⵍⴰ-ⴷ, ⴷⴷⵓⵕⵜ ⵢⴻⵣⵔⵉⵏ, ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⴷⴻⴳ ⵜⴷⴰⵢⵕⴰ ⵏ ⵚⴰⵍⴻⵃ ⴱⴰⵢ (ⴷⴻⴳ ⵡⴻⵏⵥⵓⵍ ⵏ ⵙⴹⵉⴼ), ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵓⴹⴹⴼⴰ ⵏ ⵜⴻⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵢⵉⵃⴻⵕⴱⵉⵢⴻⵏ ⴷ ⵜⵎⴻⵥⴷⵉⵢⵉⵏ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 28 ⵢⴻⵇⵇⵏⴻⵏ ⵙⴹⵉⴼ ⵖⴻⵔ ⵎⵙⵉⵍⴰ.