ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵊⵎⵉⵍⵜ ⵉ ⵛⵔⵉⴼⴰ, ⵜⵉⴳⴻⵊⴷⵉⵜ ⵏ ⵛⵛⵏⴰ ⵏ ⵜⴻⵇⴱⴰⵢⵍⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵍⵍⴰ-ⴷ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵜⵙⴻⵀⵕⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵜⵏⴰⵥⵓⵔⵜ ⵜⴰⵎⴻⵕⵃⵓⵎⵜ ⵛⵔⵉⴼⴰ (ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ ⴷⴻⴳ 2014), ⵢⴻⵍⵍⴰⵏ ⴷ ⵜⵉⴳⴻⵊⴷⵉⵜ ⵏ ⵛⵛⵏⴰ ⵏ ⵜⴻⵇⴱⴰⵢⵍⵉⵜ.

ⵢⴻⵍⵍⴰ-ⴷ ⵓⴱⴰⵔⴰⵣ-ⴰ (ⵃⴰⴼⵍ) ⴷⴻⴳ ⵜⵣⴻⵇⵇⴰ ⵏ ⴻⵍ-ⵎⵧⵓⴳⴳⴰⵔ ⵢⴻⵔⵏⵓ ⵢⴻⵙⵙⵓⴷⴷⴻⵙ-ⵉⵜ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⴻⴷⵍⴻⵙ ⴷ ⵓⵙⵙⴻⵍⵖⵓ ⴷⴻⴳ ⵓⴽⴰⵜⴰⵔ ⵏ ⵜⵙⴻⵀⵕⵉⵡⵉⵏ ⵏ ⵔⴻⵎⴹⴰⵏ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵢⵉⵏⴰⵥⵓⵔⴻⵏ ⵉⴷⵣⴰⵢⵔⵉⵢⴻⵏ. ⵢⴻⵍⵍⴰ-ⴷ ⵡⴰⵢⴰ ⴷ ⵜⴰⴳⵏⵉⵜ ⵉ ⵜⵛⴻⵏⵏⴰⵢⵉⵏ ⴰⵎ ⵀⴰⵙⵙⵉⴱⴰ ⴰⵎⵔⵧⵓⵛⵀⴻ ⴷ ⵏⵧⵓⵔⵉⴰ ⴰⴽⴽⴻⵏ ⴰⴷ ⵔⵔⴻⵏⵜ ⵜⴰⵊⵎⵉⵍⵜ ⵉ ⵢⵉⵡⴻⵏ ⵙⴻⴳ ⵡⵓⴷⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵛⵛⵏⴰ ⴰⵇⴱⴰⵢⵍⵉ.

ⴰⵟⴰⵙ ⵏ ⵍⵖⴰⵛⵉ ⴰⵢ ⴷ-ⵢⵓⵙⴰⵏ ⴰⴷ ⵏⴻⵣⵣⵀⴻⵏ ⵉ ⵜⴻⵣⵍⴰⵜⵉⵏ ⵏⵏⴰ ⵛⵔⵉⴼⴰ ⵙ ⵜⴰⵖⴻⵛⵜ ⵏ ⵀⴰⵙⵙⵉⴱⴰ ⴰⵎⵔⵧⵓⵛⵀⴻ ⴰⵎ « ⴰ ⴰⵣⴻⵕⵣⵓⵕ » ⴷ ⵜⵉⵢⴰⴹ.

ⵎⴰ ⴷ ⵜⴰⵛⴻⵏⵏⴰⵢⵜ ⵏⵧⵓⵔⵉⴰ, ⴰⵢ ⴷ-ⵢⴻⵍⵙⴰⵏ ⵜⴰⵇⴻⵏⴷⵓⵔⵜ ⵏ ⵍⴻⵇⴱⴰⵢⴻⵍ, ⵜⴻⵛⵏⴰ-ⴷ ⴽⵔⴰ ⵙⴻⴳ ⵜⴻⵣⵍⴰⵜⵉⵏ ⵎⴻⵛⵀⵓⵕⴻⵏ ⴰⴽⴽ ⵏ ⵛⵔⵉⴼⴰ, ⴳⴰⵔ-ⴰⵙⴻⵏⵜ « ⴱⵇⴰⵄⵍⴰⵅⵉⵔ ⴰ ⴰⵇⴱⵓ » ⴷ « ⴰⵎⴰⵏ ⵏ ⵓⴽⴻⵕⵎⵓⵙ ».

ⵜⴻⵡⵡⵉ-ⴷ ⴷⴰⵖ ⴰⵛⴻⵡⵡⵉⵇ ⴷ ⵜⴰⵊⵎⵉⵍⵜ ⵉ ⵛⵔⵉⴼⴰ ⴰⵢ ⴷ-ⵢⴻⴵⴵⴰⵏ ⵜⵉⴳⴻⵎⵎⵉ ⵏ ⵛⵛⵏⴰ ⴰⵢⵙⴻⴳ ⴷ-ⵜⵜⴰⴳⵎⴻⵏ ⴰⵟⴰⵙ ⵏ ⵢⵉⵏⴰⵥⵓⵔⴻⵏ.

ⵜⵍⵓⵍ ⵛⵔⵉⴼⴰ ⴷⴻⴳ ⵢⵉⵍⵎⴰⵢⴻⵏ (ⵍⴱⵓⵕⵊ ⴱⵓⵄⵕⵉⵕⵉⵊ) ⴷⴻⴳ 1926 ⵢⴻⵔⵏⵓ ⵉⵙⴻⵎ-ⵏⵏⴻⵙ ⵏ ⵜⵉⴷⴻⵜ ⴷ ⵧⵓⴰⵔⴷⵉⴰ ⴱⵧⵓⵛⵀⴻⵎⵍⴰⵍ. ⵙⴻⴳ ⵡⴰⵙⵎⵉ ⴰⵢ ⵜⴻⵍⵍⴰ ⵎⴻⵥⵥⵉⵢⴻⵜ ⵜⵃⴻⵎⵎⴻⵍ ⵛⵛⵏⴰ.

ⴰⵙⵎⵉ ⴰⵢ ⵜⴻⵙⵄⴰ 18 ⵏ ⵢⵉⵙⴻⴳⴳⴰⵙⴻⵏ, ⵜⴻⴷⴷⴰ ⵖⴻⵔ ⵍⴻⵣⵣⴰⵢⴻⵔ ⴰⵏⴷⴰ ⴰⵢ ⴷ-ⵜⴻⴼⵔⵓⵔⵉ ⴷⴻⴳ ⵕⵕⴰⴷⵢⵓ ⵏ ⵍⴻⵣⵣⴰⵢⴻⵔ.

ⴷⴻⴳ ⵜⴻⵔⴳⴰ ⵜⵉⵙ ⵙⵏⴰⵜ ⵏ ⵕⵕⴰⴷⵢⵓ (ⵢⴻⵙⵙⴰⵡⴰⵍⴻⵏ ⵙ ⵜⵎⴰⵣⵉⵖⵜ), ⵜⵡⴻⴽⴽⴻⴷ-ⴷ ⵛⵔⵉⴼⴰ ⴰⵥⵡⴰⵔ-ⵏⵏⴻⵙ ⴷⴻⴳ ⵛⵛⵏⴰ ⵏ ⵜⴻⵇⴱⴰⵢⵍⵉⵜ, ⵍⴰⴷⵖⴰ ⴷⴻⴳ ⵢⵉⵛⴻⵡⵡⵉⵇⴻⵏ ⴰⵢ ⴷ-ⵜⵜⴰⵡⵉⵏⵜ ⵜⵙⴻⴷⵏⴰⵏ.

ⵜⴰⵛⴻⵏⵏⴰⵢⵜ-ⴰ ⵓⵎⵉ ⵙⴻⵎⵎⴰⵏ « ⵜⴰⵖⴻⵛⵜ ⵏ ⵜⵙⴻⴷⵏⴰⵏ », ⵜⴻⴵⴵⴰ-ⴷ ⵜⵉⴳⴻⵎⵎⵉ ⵏ ⵡⵓⴳⴰⵔ ⵏ 1000 ⵏ ⵜⴻⵣⵍⴰⵜⵉⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏⵜ ⵜⴻⴽⵍⴻⵙ-ⵉⵜⴻⵏⵜ-ⵉⴷ ⴷⴻⴳ ⵕⵕⴰⴷⵢⵓ ⵢⴻⵔⵏⵓ ⵓⵔ ⴷ-ⴼⴼⵉⵖⴻⵏⵜ ⴷⴻⴳ ⵢⵉⴹⴻⴱⵙⵉⵢⴻⵏ.

ⵜⴰⵎⴻⵕⵃⵓⵎⵜ-ⴰ ⴰⵢ ⵢⴻⴼⴽⴰⵏ ⵜⵓⴷⴻⵔⵜ-ⵏⵏⴻⵙ ⴰⴽⴽ ⵉ ⵛⵛⵏⴰ, ⵜⴻⵜⵜⴻⴽⴽⴰ ⴷⴻⴳ ⵓⵙⵙⵉⵡⴻⴹ ⵏ ⵜⴳⴻⵎⵎⵉ ⵏ ⵓⵛⴻⵡⵡⵉⵇ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵢⴻⴷⵍⴻⵙ ⴰⵇⴱⵓⵔ ⵏ ⵜⵎⵓⵔⵜ ⵏ ⵍⴻⵇⴱⴰⵢⴻⵍ.

ⴷⴻⴳ ⵓⵎⴻⵛⵡⴰⵕ-ⵏⵏⴻⵙ ⴰⵥⵓⵔⴰⵏ (ⴼⴰⵏⵏⵉ), ⵜⴻⴵⴵⴰ-ⴷ ⴰⵟⴰⵙ ⵏ ⵜⴻⵣⵍⴰⵜⵉⵏ ⵎⴻⵛⵀⵓⵕⴻⵏ ⴰⵎ « ⴰ ⴰⵣⴻⵕⵣⵓⵕ » ⴷ « ⴱⵇⴰⵄⵍⴰⵅⵉⵔ ⴰ ⴰⵇⴱⵓ » ⴰⵢ ⵄⴰⵡⴷⴻⵏ ⵛⵏⴰⵏ-ⵜⴻⵏⵜ ⴰⵟⴰⵙ ⵏ ⵢⵉⵏⴰⵥⵓⵔⴻⵏ ⵏⵉⴹⴻⵏ. ⵜⴻⵡⵡⴻⴹ ⵛⵔⵉⴼⴰ ⵍⴻⵄⴼⵓ ⵏ ⵕⴻⴱⴱⵉ ⴷⴻⴳ 2014 ⵖⴻⵔ 88 ⵏ ⵢⵉⵙⴻⴳⴳⴰⵙⴻⵏ.