ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⴼⴼⵖⴰ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵙⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴷ ⵜⴻⵏⴼⴻⵄ ⵉⵎⴻⵏⵖⵉ ⴰⵚⴻⵃⵔⴰⵡⵉ
ⵍⵧⵏⴷⵧⵏ – ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵍⵧⵏⴷⵧⵏ, ⴰⵍⵉ ⵎⵧⵀⴰⵎⴻⴷ ⵍⵉⵎⴰⵎ, ⴷⴰⴽⴽⴻⵏ ⵜⵓⴼⴼⵖⴰ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵙⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ « ⵜⴻⵣⵎⴻⵔ ⴰⴷ ⵜⴻⵙⵙⵉⴼⵙⴻⵙ ⵍⵃⴻⵕⵙ ⴰⵢ ⴷ-ⵢⴻⵍⵍⴰⵏ ⴰⵙⵙ-ⴰ ⵖⴻⴼ ⵎⴻⵕⵕⵓⴽ, ⵢⴻⵔⵏⵓ ⴰⴷⴷⵓⴷ ⴰⴱⵔⵉⵟⴰⵏⵉ ⵢⴻⵣⵎⴻⵔ ⴰⴷ ⵢⵓⵖⴰⵍ ⵉ ⵍⴼⴰⵢⴷⴰ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ ».
ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⴰⵢ ⵉⴳⴰ ⴷ ⵓⴷⴻⴳ ⵏ « ⴰⵍ-ⵙⴰⵀⵔⴰⵡⵉ », ⵢⴻⵏⵏⴰ-ⴷ ⵎⴰⵙⵙ ⵍⵉⵎⴰⵎ ⴷⴰⴽⴽⴻⵏ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⵚⴻⵃⵔⴰⵡⵉ ⵜⵜⵇⴰⴷⴰⵔⴻⵏ ⵕⵕⴰⵢ ⵏ ⵡⴻⵖⵔⴻⴼ ⴰⴱⵔⵉⵟⴰⵏⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴼⴼⵖⴰ ⵏ ⵜⵎⵓⵔⵜ-ⵏⵙⴻⵏ ⵙⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵍⴻⵇⵡⴰⵏⵉⵏ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵓⵔ ⴷ-ⵎⴰⵣⴰⵍ ⴰⴷ ⴽⵏⵓⵏ ⴷⴷⴰⵡ ⵍⴻⵇⵡⴰⵏⵉⵏ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵢⴻⵔⵏⵓ ⵉⵎⵉ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵓⵔ ⵜⴻⵙⵄⵉ ⵉⵙⵙⴻⴼⵜⵉⵢⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⴰⴷⴷⵓⴷ ⵏ ⵜⵎⵓⵔⵜ-ⴰ ⴰⴷⴻⵏⵏⵉⵜ ⴰⴷ ⵢⵓⵖⴰⵍ ⵢⴻⵊⵀⴻⴷ, ⵍⴰⴷⵖⴰ ⴷⴻⴳ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⵍⵉⵎⴰⵎ ⴷⴰⴽⴽⴻⵏ « ⴰⴷⴷⵓⴷ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ, ⴰⵙⵙ-ⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴷ ⵡⵉⵏ ⵢⵉⴼⴻⵏ ⴰⴷⴷⵓⴷ ⵏ ⵜⵎⵓⵔⴰ ⵏⵉⴹⴻⵏ ⵢⴻⵙⵄⴰⵏ ⵜⴰⵣⵔⵉⵔⵜ (ⵜⴰ’ⵜⵉⵔ), ⵎⴰⵛⴰ ⵓⵔ ⵢⴻⵍⵍⵉ ⴷ ⴰⴷⴷⵓⴷ ⵉⵊⴻⵀⴷⴻⵏ ⴰⵟⴰⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⵜ ⴷⴻⴳ ⵡⴻⵄⵔⴰⴹ ⴰⵢ ⵍⴰ ⵜⵄⴻⵔⵔⴻⴹ ⵎⴻⵕⵕⵓⴽ ⴰⴷ ⵜⴻⵙⵙⴻⴹⵄⴻⴼ ⴰⴷⴷⵓⴷ-ⴰ.
ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵎⴰⵙⵍⴰⴹⵜ ⵢⴻⵣⴳⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴷ ⵜⴻⴳⵔⴰⵡⵜ ⵏ ⵢⵉⵎⴻⴷⴷⵓⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵜⴻⵙⵄⴰ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⴰⵣⴰⵍ ⵎⴻⵖⵖⵔⴻⵏ ⴷⴻⴳ ⵓⵅⴻⴷⴷⵉⵎ ⴰⴷⵉⵒⵍⵓⵎⴰⵜⵉ ⵉ ⵍⵎⴻⵏⴷ ⵏ ⵡⴻⵙⴷⵓⴽⴽⴻⵍ ⵏ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⵉ ⵍⴼⴰⵢⴷⴰ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⵍⴰⴷⵖⴰ ⵜⵉⴷ ⵢⴻⵙⵄⴰⵏ ⴰⵎⴽⴰⵏ ⵏ ⵓⵎⴰⵙⵍⴰⴹ ⵢⴻⵣⴳⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ). ⴰⴷⴷⵓⴷ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ, ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵢⴻⴷⴷⴰ ⵎⵍⵉⵃ ⵖⴻⵔ ⵙⴷⴰⵜ ⵖⴻⴼ ⵍⴻⵃⵙⴰⴱ ⵏ ⵡⵉⵏ ⵏ ⵜⵎⵓⵔⴰ ⵏⵉⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⴰⴷⴷⵓⴷ ⵓⵏⵚⵉⴱ ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵢⴻⵍⵍⴰ-ⴷ « ⵙ ⴷⴷⵓⵕ ⴰⵢ ⵜⵓⵔⴰⵔ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ) ⵉ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵎⵓⵙⵙⵓ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵡⴻⵖⵔⴻⴼ ⴰⵚⴻⵕⵀⴰⵡⵉ, ⴷ ⵜⵉⴳⴰⵡⵜ ⴷ ⵡⵓⵙⵙⵉⵙⴻⵏ ⵏ ⵜⵏⴰⵔⵉⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵍⵧⵏⴷⵧⵏ ⵢⴻⵍⵍⴰⵏ ⴷ ⵢⵉⵡⴻⵜ ⵙⴻⴳ ⵜⵏⴰⵔⵉⵢⵉⵏ ⵜⵉⵇⴱⵓⵔⵉⵏ ⴰⴽⴽ ⵏ ⵜⴻⵔⵏⵉ ⴷⴻⴳ ⵜⵓⵕⵓⴼⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
