ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⴰⵔ ⵏ 900 ⵏ ⵢⵉⵎⴻⴳⴳⵉⵢⴻⵏ ⵏ ⵓⵙⵙⴻⴼⵇⴻⴷ ⴷⴻⴳ ⵍⴻⵙⵡⴰⵇ ⵏ ⵢⵉⵛⴻⴹⴹⵉⴹⴻⵏ ⴷ ⵜⴻⵎⵥⵉⴷⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴳⴰⵔ ⵏ 900 ⵏ ⵢⵉⵎⴻⴳⴳⵉⵢⴻⵏ (ⴰⵄⵡⴰⵏ) ⴰⵢ ⵜⴻⵙⵙⴻⴱⴳⴻⵙ ⵜⵎⴻⵀⵍⴰ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵉ ⵓⵙⵙⴻⴼⵇⴻⴷ ⵏ ⵙⵙⵓⵇ ⵏ ⵢⵉⵛⴻⴹⴹⵉⴷⴻⵏ, ⵉⵔⴽⴰⵙⴻⵏ ⴷ ⵢⵉⵍⴻⵍⵍⴰⵛ ⴰⵢⴷⴻⴳ ⴷ-ⵜⴻⵜⵜⵉⵍⵉ ⵜⵏⴻⵣⵣⵓⵜ ⵜⴰⵎⴻⵇⵔⴰⵏⵜ ⴷⴻⴳ ⵡⵓⵙⵙⴰⵏ ⵉⵏⴻⴳⴳⵓⵔⴰ ⵏ ⵔⴻⵎⴹⴰⵏ.
ⵢⴻⵏⵏⴰ-ⴰⵖ-ⴷ ⵢⵉⵖⴻⴼ ⵏ ⵓⵎⴻⵥⵍⵓ (ⵎⴰⵚⵍⴰⵃⴰ) ⵏ ⵜⵖⴰⵔⴰ ⴷ ⵢⵉⵎⴻⵏⵖⵉ ⵎⴳⴰⵍ ⵡⴻⴷⵖⴰⵍ, ⴰⴱⴷⴻⵍⵡⴰⵀⴰⴱ ⵀⴻⵔⴽⴰⵙ, ⴷⴰⴽⴽⴻⵏ « ⵉⵎⴻⴳⴳⵉⵢⴻⵏ ⵏ ⵓⵙⵙⴻⴼⵇⴻⴷ ⵙⵙⵓⴳⴳⵓⵜⴻⵏ, ⴷⴻⴳ ⴷⴷⵓⵕⵜ-ⴰ ⵜⴰⵏⴻⴳⴳⴰⵔⵓⵜ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵜⵓⴼⴼⵖⵉⵡⵉⵏ-ⵏⵙⴻⵏ ⵖⴻⵔ ⵍⴻⵙⵡⴰⵇ ⵏ ⵢⵉⵛⴻⴹⴹⵉⴹⴻⵏ, ⵏ ⵢⴻⵔⴽⴰⵙⴻⵏ ⴷ ⵢⵉⵍⴻⵍⵍⴰⵛ, ⵡⴰⵔ ⵎⴰ ⵜⵜⵓⵏ, ⵜⵉⵃⵓⵏⴰ ⵢⴻⵙⵏⵓⵣⵓⵢⴻⵏ ⵉⴼⴰⵔⵉⵙⴻⵏ ⵏ ⵓⵙⵙⵓⴷⴻⵔ (ⵉⵙⵜⵉⵀⵍⴰⴽ) ⴰⵎⴻⵇⵔⴰⵏ, ⵍⴰⴷⵖⴰ ⵉⴼⴰⵔⵉⵙⴻⵏ ⵏ ⵜⴻⵎⵥⵉⴷⵉⵏ ⴰⵢⵖⴻⴼ ⵢⴻⴳⴳⴻⵜ ⵓⵙⵙⵓⵜⴻⵔ ⴷⴻⴳ ⵜⴰⵍⵍⵉⵜ-ⴰ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⵙⴻⴽⵜⴰⵢⴻⵏ ⴰⵢ ⴷ-ⴳⵔⴻⵏ ⴷⴻⴳ ⵍⴻⵃⵙⴰⴱ ⵉ ⵓⵙⵙⴻⴼⵇⴻⴷ ⵏ ⵢⵉⵛⴻⴹⴹⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵉⵍⵉⵏ ⵢⵉⵛⴻⴹⴹⵉⴷⴻⵏ ⵢⴻⵜⵜⵏⵓⵣⵓⵏ ⵙⵄⴰⵏ ⵜⴰⵎⴻⵕⴽⴰ, ⵛⵛⴰⵛ-ⵏⵙⴻⵏ ⴰⴷ ⵢⵉⵍⵉ ⵢⴻⵍⵀⴰ ⵢⴻⵔⵏⵓ ⵜⵜⵇⴰⴷⴰⵔⴻⵏ ⵜⵉⴳⵏⴰ (ⵎⴰⵄⴰⵢⵉⵔ) ⵜⵉⵜⵡⵉⵍⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴻⵎⵎⴻⵔ ⵓⵔ ⵉⵙⴻⵄⵄⵓ ⵓⵛⴻⴹⴹⵉⴹ ⵜⴰⵎⴻⵕⴽⴰ, ⴰⵢⴰ ⴰⴷ ⵢⵉⵍⵉ ⴷ ⵜⵜⴱⵓⵜ ⴷⴰⴽⴽⴻⵏ ⵓⵔ ⵉⵇⵓⴷⴻⵔ ⵍⵇⴰⵏⵓⵏ.
ⵡⵉⵏ ⴰⵢ ⵍⴰ ⵢⴻⵙⵏⵓⵣⵓⵢⴻⵏ ⵉⵛⴻⴹⴹⵉⴹⴻⵏ ⵏ ⵜⵎⴻⵕⴽⴰ ⵓⵔ ⵢⴻⵜⵜⵡⴰⴽⴻⵍⵙⴻⵏ (ⵎⵓⵙⴰⴵⴵⴰⵍⴰ) ⴰⴷ ⵜⴻⵛⵛⴻⵜⴽⵉ ⴼⴻⵍⵍ-ⴰⵙ ⵜⵎⴻⵀⵍⴰ ⵏ ⵜⵏⴻⵣⵣⵓⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵎⴰ ⵏ ⵢⵉⵛⴻⴹⴹⵉⴹⴻⵏ ⵏ ⵢⵉⴳⴻⵔⴷⴰⵏ, ⵢⴻⵏⵏⴰ-ⴷ ⵎⴰⵙⵙ ⵀⴻⵔⴽⴰⵙ ⴷⴰⴽⴽⴻⵏ ⵜⴻⵍⵍⴰ ⵜⵍⴻⵍⵍⵉ ⴷⴻⴳ ⵜⵓⴽⵛⵉ ⵏ ⵙⵙⵓⵎⴰⵜ ⵢⴻⵔⵏⵓ ⴰⵢⴰ ⵢⴻⵇⵇⴻⵏ ⵖⴻⵔ ⵓⵍⵓⴳⴻⵏ ⵏ ⵓⵙⵙⵓⵎⴻⵔ ⴷ ⵓⵙⵙⵓⵜⴻⵔ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵜⵏⵓⵣⵓⵏ ⴷⴻⴳ ⵙⵙⵓⵇ ⵢⵉⵛⴻⴹⴹⵉⴹⴻⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⴷ ⵡⵉⴷ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵜⵎⵓⵔⵜ.
