ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵍⴻⵍⵍⵉ ⵏ ⵢⵉⵡⴻⵏ ⵏ ⵓⵎⴷⴰⵏ ⴷⴻⴳ ⵄⵉⵏ ⴱⴻⵏⵢⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⵍⴻⵍⵍⵉⵏ-ⴷ ⵢⵉⵎⴻⵥⵍⴰ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⴷⴻⵍⵢ ⴱⵔⴰⵀⵉⵎ, ⴰⵙⵙ ⵏ ⵜⵜⵍⴰⵜⴰ, ⵢⵉⵡⴻⵏ ⵏ ⵓⵎⴷⴰⵏ ⵅⴻⴹⴼⴻⵏ ⵢⴻⵎⵙⴻⵜⵜⵉⵢⴻⵏ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⴱⴻⵏⵢⴰⵏ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵏⵣⴰⴹ ⴰⵎⴰⵜⵓ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.

ⵉⵖⴰⵍⵍⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵙⵙⴰⵡⴹⴻⵏ, ⴷⴻⴳ ⵢⵉⵡⴻⵏ ⵏ ⵡⴰⴽⵓⴷ ⴰⵡⴻⵣⵍⴰⵏ, ⴰⴽⴽⴻⵏ ⴰⴷ ⵙⵍⴻⵍⵍⵉⵏ ⵜⴰⵖⵜⴻⵙⵜ, ⴷ ⵢⵉⵡⴻⵏ ⵏ ⵡⴻⵔⴳⴰⵣ ⵢⴻⵙⵄⴰⵏ 55 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵍⴻⵄⵎⴻⵔ-ⵉⵙ, ⵙⴻⴳ ⴳⴰⵔ ⵉⴼⴰⵙⵙⴻⵏ ⵏ 4 ⵏ ⵢⵉⵎⵙⴻⵜⵜⵉⵢⴻⵏ, ⴰⴽⴽⴻⵏ ⴽⴰⵏ ⵉ ⵜⵅⴻⴹⴼⴻⵏ ⵢⴻⵙⵙⴰⵡⴻⴹ-ⴰⵖ-ⴷ ⵜⴰⵍⵖⵓⵜ ⵎⵎⵉ-ⵙ, ⵉ ⴷ-ⵢⴻⵙⵙⴻⴷⴷⵉ ⵢⵉⵡⴻⵏ ⵏ ⵡⴻⵍⵖⵓ.

ⵖⴻⴼ ⵡⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ, ‘’ⵡⵉⵏ ⵉ ⵓⵎⵉ ⵜⵜⵉⵏⵉⵏ ⴽ. ⴽⵀⴰⵍⴻⴷ, ⵎⵎⵉ-ⵙ ⵏ ⵡⵉⵏ ⵢⴻⵜⵜⵡⴰⵅⴻⴹⴼⴻⵏ, ⵢⵓⵙⴰ-ⴷ ⴰⵙⵙ ⵏ ⵜⵜⵍⴰⵜⴰ ⵖⴻⴼ ⵜⵉⵙ 08 :00, ⵖⴻⵔ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⴷéⵍⵢ ⴱⵔⴰⵀⵉⵎ ⴰⴽⴽⴻⵏ ⴰⴷ ⴰⵖ-ⴷ-ⵢⵉⵏⵉ ⴱⴻⵍⵍⵉ ⵙⵙⴰⵡⵍⴻⵏ-ⴰⵙ-ⴷ ⵙ ⵜⵉⵍⵉⴼⵓⵏ ⵏ ⴱⴰⴱⴰ-ⵙ ⴰⴽⴽⴻⵏ ⴰⴷ ⵜ-ⵙⵙⴻⵍⵖⵓⵏ ⵙ ⵓⵅⴹⴰⴼ-ⵉⵙ ⴰⴽⴽⴻⴷ ⵓⵙⵓⵜⴻⵔ ⵏ ⵓⵅⴻⵍⵍⴻⵚ ⵏ 50 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⴰⵏⵜⵉⵎⴻⵏ’’.

’ⴷⵉⵏⴷⵉⵏ ⵙⵙⴻⴽⵔⴻⵏ ⴰⵏⴰⴷⵉ ⵢⵉⵎⵙⴻⵙⵜⴰⵏⴻⵏ ⵙ ⵓⵄⵉⵡⴻⵏ ⵏ ⵜⵔⴻⴱⴱⵓⵢⴰⵄ ⵏ ⵓⵏⴰⴷⵉ ⵏ ⵛⴻⵔⵔⴰⴳⴰ ⴰⴽⴽⴻⴷ ⵜⴳⴻⵣⵎⵉⵜ ⵏ ⵜⵖⴻⵍⵍⵉⵙⵜ ⴰⴽⴽⴻⴷ ⵓⵏⴻⴽⵛⵓⵎ (ⵙⵙⵉ) ⵉ ⵢⴻⵙⵙⴰⵡⴹⴻⵏ ⵙ ⴰⵙⵉⴷⴻⴳ, ⵖⴻⴼ ⵜⵉⵙ 11 :00, ⵏ ⵓⵎⴹⵉⵇ (ⵄⵉⵏ ⴱⴻⵏⵢⴰⵏ) ⴰⵏⴷⴰ ⵢⴻⵍⵍⴰ ⵢⴻⵜⵜⵡⴰⵟⵟⴻⴼ ⵡⴻⵔⴳⴰⵣ-ⵏⵏⵉ ⵙⴰⴽⵉⵏ ⵙⵍⴻⵍⵍⵉⵏ-ⵜ-ⵉⴷ’’ ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ.

ⵜⵜⵡⴰⵟⵟⴼⴻⵏ ⵢⴻⵎⵙⴻⵜⵜⵉⵢⴻⵏ ⴷⵉ 4 ⵢⵉⴷ-ⵙⴻⵏ, ⵙⵉⵏ ⴷⴻⴳ ⵜⴽⴻⵔⵔⵓⵙⵜ ⵙⵉⵏ ⴷⴻⴳ ⵜⴽⴻⵔⵔⵓⵙⵜ ⵏⵏⵉⴹⴻⵏ.