ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵓⵔ ⵜⴻⵃⵡⴰⴵ ⵢⵉⵡⴻⵏ ⴰⴽⴽⴻⵏ ⴰⴷ ⵉⵙⴻⴽⵜⴰⵣⴻⵍ ⵉⵡⴻⵥⵍⴰ-ⵙ ⵏ ⴷⴷⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⵢⴻⵏⵏⴰ-ⴷ ⴰⵙⵙ ⵍⴵⴻⵎⵄⴰ ⴷⴻⴳ ⵜⵎⴰⵏⴻⵖⵜ ⴷⴰⴽⴽⴻⵏ ‘’ⵍⴻⵣⵣⴰⵢⴻⵔ ⵓⵔ ⵜⴻⵃⵡⴰⴵ ⵢⵉⵡⴻⵏ ⴰⴷ ⵉⵙⴻⴽⵜⴰⵣⴻⵍ ⵏⴻⵖ ⴰⴷ ⴰⵙ-ⴷ-ⵢⴻⴼⴽ ⵜⵉⵎⵙⵉⵔⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵡⴻⵥⵍⴰ-ⵙ ⵏ ⴷⴷⵉⵏ’’.
ⵓⵔ ⵏⴻⵃⵡⴰⴵ ⴰⵔⴰ ⵡⵉⵏ ⴰⵔⴰ ⴰⵖ-ⵉⵣⴻⵔⴼⴻⵏ ⵏⴻⵖ ⴰⵔⴰ ⴰⵖ-ⵉⵙⴻⴽⵜⴰⵣⵍⴻⵏ ⵏⴻⵖ ⴰⵔⴰ ⴰⵖ-ⴷ-ⵢⴻⴼⴽⴻⵏ ⵜⵉⵎⵙⵉⵔⵉⵏ’’, ⵉ ⴷ-ⵉⴷⴻⵔⵔⴻⵔ ⵓⵏⴻⵖⵍⴰⴼ ⴷⴻⴳ ⵜⵔⵉⵔⵉⵜ-ⵉⵙ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵢⴻⵔⵣⴰⵏ ⵜⴰⵎⵓⵖⵍⵉ-ⵙ ⵖⴻⴼ ⵓⵔⴰⴱⵓⵍ ⵏ ⵓⴳⴻⵣⴷⵓ ⵏ ⵓⵡⴰⵏⴻⴽ ⴰⵎⴰⵔⵉⴽⴰⵏⵉ ⵖⴻⴼ ⵓⵙⴻⵏⵜⴻⵍ ⵏ ⵜⵍⴻⵍⵍⵉ ⵜⴰⵎⴰⵙⵖⴰⵏⵜ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ ⵏ 2015, ⵢⴻⵏⵏⴰ-ⴷ ⴰⵢⴰ ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵙⵉⵍⴻⵖ ⵉ ⵍⴼⴰⵢⴷⴰ ⵏ ⵢⵉⵎⵃⵓⴵⴻⵏ (ⵍⵃⴻⴵⴵⴰⴵ).
ⵙⴻⴳ ⵉ ⴷ-ⵢⴻⵣⵣⵡⴻⵔ ⴷⴰⴽⴽⴻⵏ ⵍⵍⴰⵏ ⴰⵟⴰⵙ ⵏ ‘’ⵜⵏⴻⵇⵇⵉⴹⵉⵏ ⵢⴻⵍⵀⴰⵏ’’, ⵎⴰⵙⵙ ⵎⵧⵀⴰⵎⴻⴷ ⴰⵉⵙⵙⴰ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵏⴻⵇⵇⵉⴹⵉⵏ ⵏ ⴷⵉⵔ ⵉ ⴷ-ⵢⴻⵔⵙⴻⵏ ⴷⴻⴳ ⵓⵔⴰⴱⵓⵍ ⴽⴽⴰⵏⵜ-ⴷ ⵙⴻⴳ ‘’ⵡⴰⴽⴽⴻⵏ ⵓⵔ ⵡⵣⵉⵏⴻⵏ ⴰⵔⴰ ⵢⵉⵎⴰⵔⵉⴽⴰⵏⵉⵢⴻⵏ ⴰⵣⴰⵍ-ⵉⵙ ⴰⴽⴽⴻⵏ ⵢⴻⵙⵙⴻⴼⴽ’’, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵣⵣⴰⵢⴻⵔ ⴷ ⴰⴽⴰⵍ ⵏ ⵢⵉⵙⵍⴰⵎ, ⵓⵔ ⵏⴻⵍⵍⵉ ⴷ ⵜⵉⵎⵉⵖⴻⴼ, ⵏ ⵓⴷⵉⵡⴻⵏⵏⵉ ⴳⴰⵔ ⵜⵖⴻⵔⵎⵉⵡⵉⵏ.
