ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵙⴻⵍⵍⴰⵍ ⵢⴻⵔⵎⴻⵙ ⴰⵏⴻⵖⵍⴰⴼ ⴰⵏⵉⵊⵉⵔⵉ ⵏ ⵓⴳⴻⵏⵙⵓ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵎⴻⵙ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ, ⴰⵏⴻⵖⵍⴰⴼ ⵏ ⵓⵡⴰⵏⴻⴽ ⴰⵏⵉⵊⵉⵔⵉ, ⴰⵏⴻⵖⵍⴰⴼ ⵏ ⵓⴳⴻⵏⵙⵓ (ⴷⴰⵅⵉⵍⵉⵢⴰ), ⵏ ⵜⵖⴻⵍⵍⵉⵙⵜ ⵜⴰⵏⴰⴳⴷⵓⴷⵜ, ⵏ ⵓⴽⵙⴰⵎⵎⴰⵙ ⴰⴽⴽⴻⴷ ⵢⵉⵡⴻⵥⵍⴰ (ⵎⴰⵚⴰⵍⵉⵃ) ⵏ ⵡⴰⵏⵙⴰⵢⴻⵏ (ⵜⴰⵇⴰⵍⵉⴷ) ⴰⴽⴽⴻⴷ ⵓⵙⵖⴰⵏ (ⴷⴷⵉⵏ), ⵎⵧⵀⴰⵎⴻⴷ ⴱⴰⵣⵧⵓⵎ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵡⴻⵍⵖⵓ ⵏ ⵢⵉⵡⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴷⴻⴳ ⵜⴻⵎⵍⵉⵍⵉⵜ-ⴰ, ‘’ⵙⴻⴽⵜⴰⵣⵍⴻⵏ ⴰⵙⵙⴰⵖⴻⵏ ⵓⵛⵔⵉⴽⴻⵏ, ⴰⵙⵏⴻⴼⵍⵉ ⴰⴷⵉⴳⴰⵏ ⴰⴽⴽⴻⴷ ⵡⴰⵙⵙⴰⵖⴻⵏ ⵢⴻⵔⵣⴰⵏ ⵜⵉⵍⵉⵙⴰ ⵙ ⵢⵉⵡⴻⵏ ⵏ ⵢⵉⵙⵡⵉ ⵏ ⵓⵙⴻⴵⵀⴻⴷ-ⵏⵙⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ, ⵜⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵉ ⵙⵉⵏ ⵢⴻⵃⵔⵉⵛⴻⵏ ⵓⴷⵔⴻⵏ-ⴷ ’’ⵉⵙⵏⴻⴼⵍⵉⵢⴻⵏ ⵉ ⴷ-ⵢⴻⴹⵔⴰⵏ ⴷⴻⴳ ⵓⵎⴻⵏⵥⴰⵡ (ⵇⴰⵔⵔⴰ) ⴰⴽⴽⴻⴷ ⵜⴻⵎⵏⴰⴹⵜ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵏⵏⴰ-ⴷ ⴱⴻⵖⵖⵓ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ‘’ⴰⴷ ⵜⴻⵙⵙⴻⴵⵀⴻⴷ ⴰⵎⴻⴷⵀⴻⵍ-ⴰ, ⴷⵖⴰ ⴷⴻⴳ ⵜⴰⵖⵓⵍⵜ ⵏ ⵓⵙⵉⵍⴻⵖ ⴰⴽⴽⴻⴷⴻ ⵓⵎⴱⵉⴷⴷⴻⵍ ⵢⴻⵎⴳⴰⵔⴷⴻⵏ ⵉ ⵍⴼⴰⵢⴷⴰ ⵏ ⵢⵉⵖⴻⵔⴼⴰⵏ’’.
ⵢⴻⴹⵔⴰ-ⴷ ⵓⴷⵉⵡⴻⵏⵏⵉ ⵙ ⵜⵉⵀⴰⵡⵜ ⵏ ⵓⵏⴻⵖⵍⴰⴼ ⵏ ⵓⴳⴻⵏⵙⵓ (ⵏ ⴷⴰⵅⴻⵍ) ⴰⴽⴽⴻⴷ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ.
