ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵟⵟⴻⴼ ⵢⵉⵡⴻⵏ ⵏ ⵓⵔⴻⵎⵎⴰⵖ, ⵙⴳⴻⵔⵡⴻⵏ-ⴷ ⵉⵎⵔⵉⴳⴻⵏ ⴰⴽⴽⴻⴷ ⵢⵉⴽⴰⵔⵟⵓⵛⴻⵏ ⴷⴻⴳ ⵜⴱⴰⵜⴻⵏⵜ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵟⵟⴻⴼ ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ, ⵢⵉⵡⴻⵏ ⵏ ⵓⵔⴻⵎⵎⴰⵖ ⵉ ⵓⵎⵉ ⴽⴽⵙⴻⵏ ⵢⵉⵡⴻⵜ ⵏ ⵜⵎⴻⴽⵃⴻⵍⵜ ⵏ ⵓⵏⵟⴰⴳ ⵜⴰⵡⵓⵔⵎⴰⵏⵜ ⵙⴻⴳ ⵜⵙⴻⴽⴽⴰ ⵏ ⴽⴰⵍⴰⵛⵀⵏⵉⴽⵧⵠ, ⵢⵉⵡⴻⵜ ⵏ ⵍⴱⵓⵎⴱⴰ ⴰⴽⴽⴻⴷ ⴷⴷⴻⵇⵙ ⵏ ⵢⵉⴽⴰⵔⵟⵓⵛⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

‘’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ, ⵙⴻⴳ ⵏⴷⵉⵏ ⵜⴰⵏⴷⴰⵢⵜ ⴷⴻⴳ ⵓⴷⴻⴳ ⵉ ⵓⵎⵉ ⵜⵜⵉⵏⵉⵏ ⴳⵓⴻⴷⵊⴰⵜⵉ ⴷⴻⴳ ⵓⵏⵥⵓⵍ ⴰⴳⵎⵓⴹⴰⵏ ⵏ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5), ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵜⴻⵟⵟⴻⴼ ⵢⵉⵡⴻⵏ (1) ⵏ ⵓⵔⴻⵎⵎⴰⵖ, ⵉⴹⴻⵍⵍⵉ ⴰⵙⵙ ⵏ 23 ⵖⵓⵛⵜ 2016 ⵖⴻⴼ ⵓⵙⵔⴰⴳ ⵡⵉⵙ 21 :45. ⵜⴻⴳⵍⴰ-ⴷ ⵜⴻⵎⵣⴻⵍⵜ-ⴰ ⴷⴰⵖⴻⵏ ⵙ ⵓⵙⴻⴳⵔⴻⵡ ⵏ ⵢⵉⵡⴻⵜ (1) ⵏ ⵜⵎⴻⴽⵃⴻⵍⵜ ⵏ ⵓⵏⵟⴰⴳ ⵜⴰⵡⵓⵔⵎⴰⵏⵜ ⵙⴻⴳ ⵜⵙⴻⴽⴽⴰ ⵏ ⴽⴰⵍⴰⵛⵀⵏⵉⴽⵧⵠ, ⵢⵉⵡⴻⵜ ⵏ ⵍⴱⵓⵎⴱⴰ ⴰⴽⴽⴻⴷ ⴷⴷⴻⵇⵙ ⵏ ⵢⵉⴽⴰⵔⵟⵓⵛⴻⵏ’’, ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ.

ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵙⵖⴻⵍⵍⴻⵙ ⵏ ⵜⵍⵉⵙⴰ ⵏ ⵜⵎⵓⵔⵜ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵜⵉⵙⴻⵏⵙⵉⵔⵉⵏ ⵜⵓⵛⵔⵉⴽⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ‘’ⵟⵟⴼⴻⵏⵜ ⴷⴻⴳ ⵜⵎⴻⵏⵖⴰⵙⵜ ⴰⴽⴽⴻⴷ ⵄⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ⴽⵔⴰⴹ ⵏ ⵜⴻⵎⵔⴰⵡⵉⵏ ⴷ ⵙⵉⵏ (32) ⵏ ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⴽⴽⵙⴻⵏ ⵢⵉⵡⴻⵜ (1) ⵏ ⵜⵎⴻⴽⵃⴻⵍⵜ ⵏ ⵓⵏⵟⴰⴳ ⵙⴻⴳ ⵜⵙⴻⴽⴽⴰ ⵏ ⴽⴰⵍⴰⵛⵀⵏⵉⴽⵧⵠ, ⴷⴷⴻⵇⵙ ⵏ ⵢⵉⴽⴰⵔⵟⵓⵛⴻⵏ, ⵢⵉⵡⴻⵏ (1) ⵏ ⵓⴽⴰⵎⵢⵓⵏ, ⵙⴻⵎⵎⵓⵙⴻⵜ (5) ⵜⴽⴻⵔⵔⵓⵙⵉⵏ, ⵎⵔⴰⵡ ⴷ ⵙⴻⵎⵎⵓⵙ (15) ⵏ ⵢⵉⵟⵓⵏⴻⵏ ⵏ ⵜⴳⴻⵍⵍⴰ ⴰⴽⴽⴻⴷ ⵙⵏⴰⵜ (2) ⵜⵎⴰⵛⵉⵏⵉⵏ ⵢⴻⵜⵜⵏⴰⴷⵉⵏ ⵓⵣⵣⴰⵍ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.