ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵔⵎⴻⵙ ⵎⴰⵙⵙ ⵙⴻⵍⵍⴰⵍ ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⴰⵖⴻⵍⵍⴰ ⵜⵓⵖⴷⴰⴹⵜ ⵏ ⵜⵓⴷⴷⵙⴰ ⴷⴻⴳ ⵎⴰⵍⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵎⴻⵙ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⴰⵖⴻⵍⵍⴰ ⵏ ⵜⵓⵖⴷⴰⴹⵜ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ) ⴷⴻⴳ ⵎⴰⵍⵉ (ⵎⵉⵏⵓⵙⵎⴰ), ⵎⴰⵀⴰⵎⴰⵜ ⵙⴰⵍⴰⵀ ⴰⵏⵏⴰⴷⵉⴼ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴷⴻⴳ ⵜⴻⵎⵍⵉⵍⵉⵜ, ‘’ⵢⴻⵍⵍⴰ-ⴷ ⵓⵎⴱⵉⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵍⵉⵃⴰⵍⴰ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ-ⵏⵏⴻⵖ ⴰⴽⴽⴻⴷ ⵜⴻⵙⵡⴰⵙⵜ ⵏ ⵓⵙⴻⴹⵔⵓ ⵏ ⵓⵎⵜⴰⵡⴰ ⵏ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ’’, ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ.
ⵉ ⵙⵉⵏ ⵢⴻⵃⵔⵉⵛⴻⵏ ‘’ⵓⵍⵙⴻⵏ-ⴷ ⵉ ⴱⴻⵖⵖⵓ ⵏ ⵍⴻⵣⵣⴰⵢⴻⵔ ⴰⴽⴽⴻⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⴰⴽⴽⴻⵏ ⴰⴷ ⵄⵉⵡⵏⴻⵏ ⵓⵙⵙⵉⵙⴻⵏ ⵏ ⵓⵏⴰⴱⴰⴹ ⴰⵎⴰⵍⵉ ⴰⴽⴽⴻⴷ ⵢⴻⵃⵔⵉⵛⴻⵏ-ⵏⵏⵉⴹⴻⵏ ⵉⵎⴰⵍⵉⵢⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵢⵉⵡⴻⵜ ⵏ ⵍⵉⵃⴰⵍⴰ ⵉⵔⴻⴽⴷⴻⵏ ⴰⵔⴰ ⵢⴰⵏⴼⴻⵏ ⵉ ⵜⴻⵎⵏⴰⴹⵜ-ⴰ ⴰⴷ ⵜⵓⵖⴰⵍ ⵖⴻⵔ ⵓⵙⵏⴻⴼⵍⵉ ⴰⴷⴰⵎⵙⴰⵏ ⴰⴽⴽⴻⴷ ⵓⵏⵎⴻⵜⵜⴰⵏ’’, ⵉ ⴷ-ⵜⴻⵣⵣⵉⵔⴻⴳ ⵜⴻⵖⴱⴰⵍⵓⵜ-ⵏⵏⵉ
ⵜⴻⵍⵍⴰⴷ ⵜⴻⵎⵍⵉⵍⵉⵜ ⵙ ⵜⵉⵀⴰⵡⵜ ⵏ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ (ⵜⵉⵖⴰⵙⵉⵡⵉⵏ) ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.
