ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵓⴱⵔⵉⴷ : ⵎⵎⵓⵜⴻⵏ 10 ⵏ ⵢⵉⵎⴷⴰⵏⴻⵏ ⴰⴽⴽⴻⴷ 11 ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ 24 ⵢⵉⵙⵔⴰⴳⴻⵏ ⵢⴻⵣⵔⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵎⵓⵜⴻⵏ ⵎⵔⴰⵡ (10) ⵏ ⵢⵉⵎⴷⴰⵏⴻⵏ ⴰⴽⴽⴻⴷ ⵎⵔⴰⵡ ⴷ ⵢⵉⵡⴻⵏ (11) ⴷ ⵉⵎⴻⵊⵔⴰⵃ ⴷⴻⴳ ⵜⵣⴰ (9) ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ ⵉ ⵙⴽⴻⵍⵙⴻⵏ ⴷⴻⴳ ⵜⵡⴰⵍⴰ ⵢⴻⵔⵣⴰⵏ ⴰⵙⵙ ⵏ 30 ⵖⴻⵔ 31 ⵖⵓⵛⵜ ⴷⴻⴳ ⵢⴰⴽⴽ ⵜⴰⵎⵓⵔⵜ, ⵖⴻⴼ ⵡⴰⴽⴽⴻⵏ ⵉ ⵢⵓⵔⴰ ⴷⴻⴳ ⵜⴻⵛⵔⴰⵡⵜ ⵉⴳⴰ ⴰⵙⵙ ⵏ ⵍⴰⵔⴻⴱⵄⴰ ⵓⵎⴻⵙⵜⴻⵏ ⴰⵖⴰⵔⵉⵎ.

ⴰⵙⴻⵀⵡⵓ ⴰⵡⴻⵄⵔⴰⵏ ⵢⴻⴹⵔⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵡⴻⴷⵔⴰⵔ ⵉ ⴷ-ⵢⴻⴳⵍⴰⵏ ⵙ ⵙⵉⵏ (20) ⵍⵎⴻⵢⵜⵉⵏ ⴰⴽⴽⴻⴷ ⵙⵉⵏ (2) ⵏ ⵢⵉⵎⴻⵊⵔⴰⵃ, ⵙⴻⴳ ⵎⵢⵉⵡⵡⴰⵜⴻⵏⵜ ⵙⵏⴰⵜ (2) ⵜⴽⴻⵔⵔⵓⵙⵉⵏ ⴷⴻⴳ ⵓⴱⵔⵉⴷ ⵉⵛⵓⴷⴷⴻⵏ ⵜⵉⵏⴻⵔⴽⵓⴽ ⴰⴽⴽⴻⴷ ⵍⴱⴻⵢⵢⴻⴹ, ⵜⴰⵖⵉⵡⴰⵏⵜ ⴰⴽⴽⴻⴷ ⵓⵙⵓⵏ ⵏ ⵜⵉⵏⴻⵔⴽⵓⴽ, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⵎⵎⵓⵜⴻⵏ ⴽⵔⴰⴹ (3) ⵢⵉⵎⴷⴰⵏⴻⵏ ⵙ ⵓⵖⵔⴰⵇ ⴷⴻⴳ ⵢⵉⵍⵍⴻⵍ ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ, ⵏ ⵜⵉⵣⵉ ⵡⴻⵣⵣⵓ ⴰⴽⴽⴻⴷ ⴱⵓⵎⴻⵔⴷⴰⵙ ⵢⴻⵔⵏⴰ ⵢⴻⵎⵎⵓⵜ ⵢⵉⵡⴻⵏ ⵏ ⵓⵏⵓⴱⵉ ⵢⴻⵙⵄⴰⵏ ⴷⴻⴳ ⵍⴻⵄⵎⴻⵔ-ⵉⵙ 15 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵢⴻⵖⵔⴻⵇ ⴷⴻⴳ ⵢⵉⵡⴻⵏ ⵏ ⵓⵎⵔⵓⴵ ⵏ ⵡⴰⵎⴰⵏ, ⴷⴻⴳ ⵜⵡⵉⵍⴰⵢⵜ ⵏ ⴱⴻⵛⵛⴰⵔ.

ⵉⵎⵙⵓⴽⴽⵙⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ, ⵙⵙⴻⵏⵙⴻⵏ ⵎⵔⴰⵡ ⴷ ⵙⴻⵎⵎⵓⵙ (15) ⵏ ⵢⵉⵎⴻⴹⵇⴰⵏ ⴷ-ⵢⴻⵣⴳⴰⵏ ⴷⴻⴳ ⵜⴻⵥⴳⵉ ⵉⴷⴻⴳ ⵜⵓⵖ ⵜⵎⴻⵙⵙ, ⵉ ⴷ-ⵉⵙⴻⴳⵔⴰ ⵡⴻⵍⵖⵓ.