ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⴷⴷⴻⵏ ⴽⵔⴰⴹ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴰⴽⴽⴻⴷ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴷⴻⴳ ⵛⵍⴻⴼ ⴰⴽⴽⴻⴷ ⵜⵉⵣⵉ ⵡⴻⵣⵣⵓ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵀⵓⴷⴷⴻⵏⵜ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵛⵍⴻⴼ ⴰⴽⴽⴻⴷ ⵜⵉⵣⵉ ⵡⴻⵣⵣⵓ, ⴽⵔⴰⴹ (3) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ, ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⵢⵉⵡⴻⵏ ⵏ ⵓⵎⵔⵓⴷ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ. ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵀⵓⴷⴷⴻⵏⵜ ⴰⵙⵙ ⵏ 30 ⵖⵓⵛⵜ 2016, ⴽⵔⴰⴹ (3) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ, ⵢⵉⵡⴻⵏ (1) ⵏ ⵓⵎⵔⵓⴷ, ⴽⵓⵥ (4) ⵏ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⵢⵉⵡⴻⵜ (1) ⵏ ⵍⴱⵓⵎⴱⴰ ⵏ ⵓⵛⵉⵔⵉ, ⴷⴻⴳ ⵛⵍⴻⴼ ⴰⴽⴽⴻⴷ ⵜⵉⵣⵉ ⵡⴻⵣⵣⵓ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ)’’, ⵉ ⴷ-ⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵜⴻⵟⵟⴻⴼ ⴷⴻⴳ ⵍⵡⴰⴷ ⵡⴻⵣⵣⵓ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⵢⵉⵡⴻⵏ (1) ⵏ ⵓⵎⵙⴻⵜⵜⵉ ⵜⴻⴽⴽⴻⵙ-ⴰⵙ ⵙⵉⵏ (2) ⵏ ⵢⵉⴽⴰⵎⵢⵓⵏⴻⵏ ⵉⵄⴻⴱⴱⴰⵏ 3.396 ⵏ ⵜⵇⴻⵔⵄⵓⵏⵉⵏ ⵏ ⵜⵉⵙⵙⵉⵜ ⵢⴻⵎⵎⴻⵥⵍⴻⵏ ⴷⴻⴳ ⵜⵙⴻⴽⴽⵉⵡⵉⵏ’’, ⵔⵏⴰⵏ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ‘’ⵟⵟⴼⴻⵏ ⵙⵉⵏ (2) ⵢⴻⵎⵙⴻⵜⵜⵉⵢⴻⵏ ⴷⴻⴳ ⵎⴻⵖⵏⵉⵢⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⴽⴽⵙⴻⵏ-ⴰⵙ 298 ⵏ ⵄⴻⵇⵇⴰⵛⵉⵏ ⵏ ⴷⴷⵡⴰ’’.