ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⴻⵔⴱⴰⵣ ⴰⵣⵣⴰⵢⵔⵉ ⵢⴻⴱⵏⴰ ⵖⴻⴼ ⵜⴳⴻⵊⴷⴰ ⵏ ⵡⴰⵖⵍⴰⵏ ⵙ ⵓⵡⴻⵍⵍⴰⵀ ⴰⵜⵔⴰⵔⴰⵢⴰⵏ
ⵙⴰⵉⴷⴰ- ⴰⵏⴰⴱⴰⴹ ⵢⵓⵍⴻⵙ-ⴷ ⴰⵡⴻⴽⴽⴻⴷ ⵖⴻⴼ ⵜⴳⴻⵊⴷⴰ ⵏ ⵡⴰⵖⵍⴰⵏ ⴰⵔⴰ ⵢⵉⵍⵉⵏ ⵉ ⵍⴻⴱⴷⴰ ⴷ ⴰⵥⴰⵕ ⵏ ⵓⵖⴻⵔⴱⴰⵣ ⴰⵣⵣⴰⵢⵔⵉ, ⵢⴻⵏⵜⴰ ⵍⵙⴰⵙ-ⵉⵙ ⵖⴻⴼ ⵜⵉⵏⵏⴻⵙⵍⴻⵎⵜ, ⵜⴰⵄⵕⴰⴱⵜ ⴰⴽⴽ ⴷ ⵜⵎⴰⵣⵉⵖⵜ ⵎⴰ ⴷ ⴰⵡⴻⵍⵍⴰⵀ-ⵉⵏⴻⵙ ⴷ ⴰⵜⵔⴰⵔⴰⵢⴰⵏ ⵙ ⵡⴰⵣⴰⵍ-ⵉⵙ.
ⵓⵙⵙⴰⵏ ⵓⵇⴱⴻⵍ ⴰⵏⴻⴽⵛⵓⵎ ⴰⵖⵓⵔⴱⵉⵣ 2016/2017, ⵎⴱⴰⵄⴷ ⴰⵙⴻⴳⴳⴰⵙ ⵢⴻⵃⵎⴰⵏ ⴷⴻⴳ ⵡⴻⵃⵔⵉⵛ-ⴰⴳⵉ ⵓⵙⴻⴳⵎⵉ ⴰⵖⴻⵍⵏⴰⵡ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵙⵙⴰⵡⴻⵍ ⵍⴰⴷⵖⴰ,ⴰⵙⵙ ⵏ ⵍⴰⵔⴻⴱⵄⴰ ⵙⵉ ⵜⵡⵉⵍⴰⵢⵜ ⵏ ⵙⵄⵉⴷⴰ, ⴰⴽⴽⴻⵏ ⴰⴷ ⵙⴱⴰⵄⴷⴻⵏ ⴰⵖⴻⵔⴱⴰⵣ ⵙⴻⴳ ⵓⵙⴰⵅⵍⵓⵍⴻⴹ ⴰⵙⴻⵔⵜⴰⵏ.
"ⴰⵖⴻⵔⴱⴰⵣ ⵎⴰⵞⵉ ⴷ ⵙⵙⵓⵇ ⵓⵙⴰⵅⵍⵓⵍⴻⴹ ⴰⵙⴻⵔⵜⴰⵏ", ⵉⴷ-ⵢⴻⵏⵏⴰ, ⵙ ⵓⵙⴰⵃⵕⴻⵚ ⵖⴻⴼ ⵍⴻⴱⵖⵉ ⵏ ⴷⴷⴻⵡⵍⴰ ⵢⴻⵔⵣⴰⵏ ⵖⴻⴼ ⵍⴻⴱⵏⵉ ⵏ ⵓⵖⴻⵔⴱⴰⵣ ⵉⴱⴻⴷⴷⴻⵏ ⵖⴻⴼ ⵜⴳⴻⵊⴷⴰ ⵏ ⵜⵎⵓⵔⵜ ⵢⴻⵔⵣⴰⵏ ⵜⵉⵏⴻⵙⵍⴻⵎⵜ, ⵜⴰⵄⵕⴰⴱⵜ ⴰⴽⴽ ⴷ ⵜⵎⴰⵣⵉⵖⵜ ⵓ ⴷ ⵡⵉⵏ ⵢⴻⵔⵔⴰⵏ ⴰⵡⴻⵍⵍⴰⵀ-ⵉⵏⴻⵙ ⵖⴻⵔ ⵜⴻⵜⵔⴰⵔⵜ", ⴰⵢⴰⴳⵉ ⴷ ⵜⵉⵔⵉⵔⵉⵜ ⵖⴻⴼ ⵓⵙⴰⵅⵍⵓⵍⴻⴹ ⴷ-ⵢⴻⵍⵍⴰⵏ ⵓⵙⵙⴰⵏ-ⴰⴳⵉ ⵖⴻⴼ ⵓⵙⴻⵍⵎⴻⴷ ⵏ ⵜⴰⵏⴳⴰ "ⴰⵙⴻⵍⵎⴻⴷ ⵉⵙⵍⴰⵎⴰⵏ" ⴰⴽⴽ ⴷ ⵓⴽⴰⵢⴰⴷ ⵏ ⴱⴰⴽⴰⵍⵓⵕⵢⴰ.
ⵢⴻⵏⵏⴰ ⵖⴻⴼ ⵡⴰⵢⴰⴳⵉ ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⴼⵔⴰ ⴰⴽⴽ ⵓⴳⵓⵔⴻⵏ ⵏ ⵜⵓⵜⵍⴰⵢⵜ ⵙ ⵜⵎⴻⵏⴷⴰⵡⵜ ⵜⴰⵎⴰⵢⵏⵓⵜⵜ, ⵜⵓⵜⵜⵔⵉⵡⵉⵏ ⵏ ⵜⵓⵜⵍⴰⵢⵉⵏ, ⴷⴷⵉⵏ ⵏⴻⵖ ⵜⵉⵏⴻⴽⴽⵉⵜ, ⵢⴻⴽⴼⴰ ⵓⵙⴰⵅⵍⴻⴹ ⴷ ⴰⵢⴻⵏ ⵢⴻⵔⵣⴰⵏ ⵜⵓⵔⴰ ⵉⵙⵏⴰⵡⴰⵏⵉⵢⴻⵏ ⴷⵉ ⵍⴼⴰⵢⴷⴰ ⵏ ⵡⴻⵖⵔⴻⴼ".
