ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴻⵔⴱⴰⵣ ⵓⵔ ⵢⴻⵍⵍⵉ ⴷ ⴰⴷⴻⴳ ⵏ ’’ⵓⵣⴻⴳⴳⴻⴷ ⵏ ⵡⴰⵡⴰⵍ’’ ⴰⴽⴽⴻⴷ ‘’ⵜⵓⵔⴰⵔⵜ’’ ⵜⴰⵙⴻⵔⵜⴰⵏⵜ

ⵙⵄⵉⴷⴰ - ⴰⵖⴻⵔⴱⴰⵣ ⵓⵔ ⵢⴻⵍⵍⵉ ⴰⵔⴰ ⴷ ⴰⴷⴻⴳ ⵏ ’’ⵓⵣⴻⴳⴳⴻⴷ ⵏ ⵡⴰⵡⴰⵍ’’ ⴰⴽⴽⴻⴷ ‘’ⵜⵓⵔⴰⵔⵜ’’ ⵜⴰⵙⴻⵔⵜⴰⵏⵜ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵙⵄⵉⴷⴰ, ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵣⵣⵉⵔⴻⴳ-ⴷ ⴷⴰⴽⴽⴻⵏ ⵜⵉⵎⴻⵣⴳⵉⵡⵉⵏ ⵏ ⵓⵖⵍⴰⵏ ⴷ ⵏⵉⵜⴻⵏⵜⵉ ⵉ ⴷ ’’ⵍⵙⵉⵙⴰⵏ ⵏ ⵓⵖⴻⵔⴱⴰⵣ-ⵏⵏⴻⵖ’’. ⴰⵖⴻⵔⴱⴰⵣ ⵓⵔ ⵢⴻⵍⵍⵉ ⴷ ⴰⴷⴻⴳ ⵏ ⵓⵣⴻⴳⴳⴻⴷ ⵏ ⵡⴰⵡⴰⵍ ⴰⴽⴽⴻⴷ ⵜⵓⵔⴰⵔⵜ ⵜⴰⵙⴻⵔⵜⴰⵏⵜ’’, ⵉ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ ⵉ ⵜⵖⴰⵎⵙⴰ ⵖⴻⵔ ⵜⴰⵎⴰ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷⴻⴳ ⵜⵡⵉⵍⴰⵢⵜ ⵏ ⵙⵄⵉⴷⴰ. ⵏⴻⴱⵖⴰ ⵢⵉⵡⴻⵏ ⵏ ⵓⵖⴻⵔⴱⴰⵣ ⵢⴻⵥⵥⴰⵏ ⴷⴻⴳ ⵜⵉⵏⵏⴻⵙⵍⴻⵎⵜ, ⵜⵉⵄⵄⴻⵔⴱⵉⵜ ⴰⴽⴽⴻⴷ ⵜⵉⵎⵎⵓⵣⵖⴰ ⵉⵡⴻⵀⵀⴰⵏ ⵖⴻⵔ ⵜⴻⵜⵔⴰⵔⴰ ⴰⴽⴽⴻⴷ ⵓⵙⵡⵉⵔ ⴰⴼⴻⵍⵍⴰⵏ’’, ⵉ ⵢⴻⵔⵏⴰ ⵢⴻⵏⵏⴰ-ⴷ.

ⵜⴻⵙⵍⴰⵍⵍⵉ ⵍⴻⵣⵣⴰⵢⴻⵔ ⵙ ⵜⵎⴻⵏⴹⴰⵡⵜ-ⵉⵙ, ⵉ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ, ‘’ⵜⵓⵜⵜⵔⵉⵡⵉⵏ ⵢⴻⵔⵣⴰⵏ ⵜⵓⵜⵍⴰⵢⵜ, ⴰⵙⵖⴰⵏ (ⴷⴷⵉⵏ) ⴰⴽⴽⴻⴷ ⵜⵎⴰⴳⵉⵜ, ⵙⴻⴳ ⵓⵎⵔⵓⵊ ⴰⵙⴻⵔⵜⴰⵏ ⴰⴽⴽⴻⵏ ⴰⴷ ⵜⴻⵏⵜ-ⵙⵙⴰⵍⵉ ⵙ ⴰⵙⵡⵉⵔ ⴰⴼⴻⵍⵍⴰⵏ ⵓⵙⵙⵏⴰⵏ ⴰⴽⴽⴻⴷ ⵡⵉⵏ ⵏ ⵜⴽⴰⴷⵉⵎⵉⵜ ⴰⵏⴷⴰ ⵉ ⴷ-ⵍⵀⴰⵏ ⵢⵉⴷ-ⵙⴻⵏⵜ ⵢⵉⵎⵓⵣⵣⴰⴳ ⵙ ⵜⵎⵓⵖⵍⵉ ⵜⵓⵖⴷⵉⵎⵜ, ⵜⵓⵙⵙⵏⴰⵏⵜ ⵉ ⵍⴼⴰⵢⴷⴰ ⵏ ⵜⵎⵓⵔⵜ ⴰⴽⴽⴻⴷ ⵜⴷⵓⴽⵍⵉ ⵏ ⵓⵖⵔⴻⴼ’’.

ⵢⴻⵔⵏⴰ ⵢⴻⵏⵏⴰ-ⴷ, ‘’ⴰⵖⴻⵔⴱⴰⵣ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵢⵉⵍⵉ ⴷ ⴰⴷⴻⴳ ⵏ ⵓⵎⴻⵏⵏⵓⵖ ⴰⵙⵏⴰⴽⵜⴰⵏ’’, , ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ, ‘’ⵢⴻⴽⴽⴻⵔ ⵙⵙⵓⵇ ⵖⴻⴼ ⵜⵓⵜⵍⴰⵢⵜ ⵏ ⵓⵙⴻⵍⵎⴻⴷ, ⴰⵙⴻⴳⴳⴰⵙ-ⴰ ⵖⴻⴼ ⵜⵓⵙⵙⵏⵉⵡⵉⵏ ⵜⵉⵙⵍⴰⵎⴰⵏⵉⵏ’’.