ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴻⵎⵙⴰ ⵜⴰⴷⵣⴰⵢⵔⵉⵜ « ⵜⴻⵊⵀⴻⴷ » ⵢⴻⵔⵏⵓ ⴷ « ⵜⵉⵍⴻⵍⵍⵉⵜ » (ⴰⵎⴰⵙⴰⵢ ⴰⵎⴰⵔⵉⴽⴰⵏⵉ)

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴰⵍⴰⵍ ⵏ ⵓⴷⵓⵎⴰⵔⵓ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ ⵉ ⵜⵓⴳⴷⵓⵜ ⴷ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⵜⵧⵎ ⵎⴰⵍⵉⵏⵧⵡⵙⴽⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⴰⵖⴻⵎⵙⴰ « ⵜⴻⵊⵀⴻⴷ » ⵢⴻⵔⵏⵓ ⴷ « ⵜⵉⵍⴻⵍⵍⵉⵜ » ⴷⴻⴳ ⵍⴷⵣⴰⵢⴻⵔ.

ⵉⵡⴻⴽⴽⴻⴷ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵎⴰⵔⵉⴽⴰⵏⵉ ⴰⵢⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⴱⵖⴻⵙ ⵜⵖⴻⵎⵙⴰ « ⵉⵊⴻⵀⴷⴻⵏ » ⴷ « ⵜⵍⴻⵍⵍⵉⵜ » ⴰⴽⴽⴻⵏ ⴰⴷ ⵉⵍⵉⵏ ⵢⵉⵡⴰⵏⴰⴽⴻⵏ (ⴷⵓⵡⴰⵍ) « ⵊⴻⵀⴷⴻⵏ ⵓⴳⴰⵔ » ⴰⵎ ⵡⴰⴽⴽⴻⵏ ⴰⵔⴰ « ⵀⴻⵏⵏⵉⵏⵜ » ⵜⵎⴻⵜⵜⵉⵢⵉⵏ.

ⵎⴰ ⴷ ⵎⴰⵙⵙ ⴳⵔⵉⵏⴻ, ⵢⴻⵙⵙⵓⴽⴽ-ⴷ ⵜⵉⵟ ⴷ ⵎⴰⵙⵙ ⵎⴰⵍⵉⵏⵧⵡⵙⴽⵉ ⵖⴻⴼ ⵜⵜⴻⵊⵕⵉⴱⴰⵜ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵍⴷⵣⴰⵢⴻⵔ ⴷⴻⴳ ⵜⵖⴻⵎⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⵜⴻⵎⴳⴻⵔⵔⴰⴷ ⵖⴻⴼ ⵜⵉⵏ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵉⵎⵉ ⵜⵜⴻⵊⵕⵉⴱⴰ ⵜⴰⵎⴰⵔⵉⴽⴰⵏⵉⵜ ⵜⴻⵙⵄⴰ 2 ⵏ ⵍⴻⵇⵔⵓⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ, ⵎⴰ ⴷ ⵍⴷⵣⴰⵢⴻⵔ ⵜⴻⵙⵄⴰ ⴰⵍⴰ 30 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵜⴻⵔⵥⴻⵎ ⴰⵏⵔⴰⵔ ⵉ ⵜⴻⵥⵔⵓⴳⴳⵜⴰ (ⵜⴰⵄⴰⴷⴷⵓⴷ).

« ⵉⵡⵓⴼⴻⵇ ⵎⴰⵙⵙ ⵎⴰⵍⵉⵏⵧⵡⵙⴽⵉ ⴷⴰⴽⴽⴻⵏ ⵜⴻⵍⵍⴰ ⵜⵍⴻⵍⵍⵉ ⵎⴻⵖⵖⵔⴻⵏ ⵏ ⵜⵖⴻⵎⵙⴰ ⴷⴻⴳ ⵍⴷⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴳⵔⵉⵏⴻ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴷⴻⴳ ⵡⴰⴽⵓⴷ ⴰⵢ ⵢⴻⴽⴽⴰ ⴷⴻⴳ ⵍⴷⵣⴰⵢⴻⵔ, ⵉⴼⵓⵕⴻⵙ ⵜⵉⵍⴻⵍⵍⵉ-ⴰ, ⵎⴰⵛⴰ, « ⵉⴱⴰⵏ ⴷⴰⴽⴽⴻⵏ ⵎⴰⵛⵉ ⴽⵓⵍⵍⴻⵛ ⵉⴼⴰⵣ ⵢⴻⵔⵏⵓ ⵜⴰⵖⴻⵎⵙⴰ (ⵜⴰⴷⵣⴰⵢⵔⵉⵜ) ⵎⴰⵣⴰⵍ ⵍⴰ ⵜⴻⵜⵜⴻⴷⴷⵓ ⵖⴻⵔ ⵙⴷⴰⵜ ».

« ⵙⵙⴰⵔⴰⵎⴻⵖ ⴷⴰⴽⴽⴻⵏ ⵙⴻⴳ-ⴰ ⵖⴻⴼ ⴽⵔⴰ ⵏ ⵢⵉⵙⴻⴳⴳⴰⵙⴻⵏ, ⴰⴷ ⵏⴻⵙⵙⵉⵡⴻⴹ ⵖⴻⵔ ⵡⴻⵙⵡⵉⵔ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴷ ⵡⴻⵜⵡⴰⵍ ⴰⵢ ⵏⴻⵙⵙⴰⵔⴰⵎ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵜⵉⵍⵉ ⵜⵍⴻⵍⵍⵉ ⵜⴰⵎⴻⵇⵔⴰⵏⵜ ⵏ ⵜⵖⴻⵎⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴳⵔⵉⵏⴻ ⵉ ⵎⴰⵙⵙ ⵎⴰⵍⵉⵏⵧⵡⵙⴽⵉ ⴷⴰⴽⴽⴻⵏ ⵜⴻⵍⵍⴰ ⵜⴻⵥⵔⵓⴳⴳⵜⴰ ⴷⴻⴳ ⵜⵖⴻⵎⵙⴰ ⵢⴻⵔⵏⵓ ⵓⵔ ⵢⴻⵍⵍⵉ ⴰⴽⴽ ⵡⴻⴷⵔⴰⵙ (ⵔⴰⵇⴰⴱⴰ) ⴰⵎⴰ ⵖⴻⴼ ⵓⵏⴻⵖⵎⴰⵙ, ⴰⵎⴰ ⵖⴻⴼ ⵜⵖⴻⵎⵙⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴰⵡⴻⵍ ⵎⴰⵙⵙ ⴳⵔⵉⵏⴻ ⴷⴰⵖ ⴷ ⵎⴰⵙⵙ ⵎⴰⵍⵉⵏⵧⵡⵙⴽⵉ ⵖⴻⴼ ⵓⵙⵙⵉⵍⴻⵖ (ⵜⴰⴽⵡⵉⵏ), ⵍⴻⴱⵏⵉ ⵏ ⵕⵕⴰⵢ, ⵜⴰⵙⴻⴽⵍⴰ ⴷ ⵙⵙⵉⵏⵉⵎⴰ.