ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵎⵙⴻⴼⵀⴰⵎ ⵍⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵡⴰⵣⴰⵍ ⵏ ⵜⵓⴳⴷⵓⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵎⵙⴻⴼⵀⴰⵎⴻⵏ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵜⴰⵢⴻⴱ ⵍⵧⵓⵀ, ⴷ ⵓⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵔⵉⴽⴰⵏⵉ ⵉ ⵜⵓⴳⴷⵓⴷⵜ, ⵜⵧⵎ ⵎⴰⵍⵉⵏⵧⵡⵙⴽⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴻⵃⵔⴰⵣ ⵏ ⵜⵓⴳⴷⵓⵜ ⴷ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) ⴷ ⵜⵉⴹⴹⵓⵔⴼⴰ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵙⴻⵏ, ⵢⴻⵏⵏⴰ-ⴷ ⵎⴰⵙⵙ ⵍⵧⵓⵀ ⴷⴰⴽⴽⴻⵏ « ⵍⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵎⵙⴻⴼⵀⴰⵎⴻⵏ ⵖⴻⴼ ⴽⵔⴰ ⵏ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ ⵢⴻⵔⵏⵓ ⵓⵔ ⴷ-ⵢⴻⵜⵜⵉⵍⵉ ⵡⴰⵢⴰ ⴰⵍⴰ ⵙ ⵡⴻⵃⵔⴰⵣ ⵏ ⵓⵡⴰⵏⴰⴽ (ⴷⴰⵡⵍⴰ) ⵏ ⵍⵇⴰⵏⵓⵏ ⴷ ⵜⴻⵖⴷⴻⵎⵜ ⴷ ⵓⵙⵙⴻⵊⵀⴻⴷ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ».
ⵢⴻⵙⵎⴻⴽⵜⵉ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵙⴻⵊⵀⴻⴷ ⵏ ⵓⵡⴰⵏⴰⴽ ⵏ ⵍⵇⴰⵏⵓⵏ ⴷ ⵡⴻⵃⵔⴰⵣ ⵏ ⵢⵉⵎⴻⵏⵣⴰⵢⴻⵏ-ⵏⵏⴻⵙ ⴷ ⴰⵃⵔⵉⵛ ⵙⴻⴳ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⴰⵢ ⵜⴻⴹⴼⴻⵔ ⵍⴷⵣⴰⵢⴻⵔ ⴷⴻⴳ ⵜⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⴰⵢ ⴷ-ⵢⴻⴱⴷⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵔⵏⵓ ⴱⵏⴰⵏⵜ ⵖⴻⴼ ⵓⵙⵙⴻⵊⵀⴻⴷ ⵏ ⵓⴷⴰⴱⵓ ⴰⵖⴻⴷⵎⴰⵏ ⴷ ⵓⵣⴰⵔⵓⴳ-ⵏⵏⴻⵙ, « ⵉⵎⵉ ⴷ ⴰⵢⴰ ⴰⵢ ⴷ ⴹⴹⴰⵎⴻⵏ ⵏ ⵜⵍⴻⵍⵍⵉⵢⵉⵏ ⴷ ⵢⵉⵣⴻⵔⴼⴰⵏ ⵏ ⵍⵍⵙⴰⵙ ⵏ ⵓⵖⴻⵔⵎⴰⵏ ».
ⵢⴻⵍⵍⴰ-ⴷ ⴷⴰⵖ ⵡⴰⵡⴰⵍ ⴳⴰⵔ ⵙⵉⵏ-ⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵖⴻⴼ « ⵢⴻⴱⵔⵉⴷⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵡⴻⵎⵄⴰⵡⴻⵏ ⴰⵙⵉⵏⴷⵉⵙ ⴷ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⴷ ⵡⴻⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵢⴻⵛⵇⵉⵔⵔⵡⴻⵏ ⵓⵛⵔⵉⴽⴻⵏ, ⵍⴰⴷⵖⴰ ⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵍⵧⵓⵀ.
« ⵜⴰⵔⴻⵎⵎⵉⵖⵜ ⴷ ⴰⵅⴻⵚⵚⴰⵔ ⴰⵢ ⵢⴻⴳⴳⵣⴻⵏ (ⵢⵓⵀⴰⴷⴷⵉⴷ) ⵜⵓⴳⴷⵓⵜⵉⵏ ⵏ ⵓⵎⴰⴹⴰⵍ ⴰⴽⴽⴻⵏ ⵎⴰ ⵢⴻⵍⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ.
