ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ: 4 ⵏ ⵜⵣⴰⵍⵖⵉⵡⵉⵏ ⵉ ⵍⴷⵣⴰⵢⴻⵔ ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ

ⵔⵉⵧ ⴷⴻ ⵊⴰⵏⴻⵉⵔⵧ– ⵜⴻⵡⵡⵉ-ⴷ ⵍⴷⵣⴰⵢⴻⵔ 4 ⵏ ⵜⵣⴰⵍⵖⵉⵡⵉⵏ, ⴳⴰⵔ-ⴰⵙⴻⵏⵜ 2 ⵏ ⵡⴻⵥⵔⴻⴼ ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ (7-18 ⵛⵜⴻⵎⴱⴻⵕ) ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ ⴷⴻⴳ ⴱⵔⵉⵣⵉⵍ.

ⵜⵉⵣⴰⵍⵖⵉⵡⵉⵏ ⵏ ⵡⴻⵥⵔⴻⴼ ⵔⴻⴱⵃⴻⵏ-ⵜⴻⵏⵜ ⵍⴰⵀⵧⵓⴰⵔⵉ ⴱⴰⵍⵀⴰⵣ ⴷ ⵏⴰⵙⵙⵉⵎⴰ ⵙⴰⵉⴼⵉ ⴷⴻⴳ ⵜⴰⵜⵍⵉⵜⵉⵜ, ⵎⴰ ⴷ ⵏⴰⴷⵉⴰ ⵎⴻⴷⵊⵎⴻⴷⵊ ⴷ ⴰⴱⴷⴻⵍⵍⴰⵧⵓⵉ ⵛⵀⴻⵔⵉⵏⴻ ⵔⴻⴱⵃⴻⵏ-ⴷ ⵜⵉⵣⴰⵍⵖⵉⵡⵉⵏ ⵏ ⵡⴻⴱⵕⵓⵏⵣ.

ⴷⴻⴳ ⵡⴻⵎⵙⵉⵣⵡⴻⵔ ⵏ ⵓⵣⴻⵍⵍⵉ ⵏ ⵍⵎⵉⵣⴰⵏ (ⵜⴰⵙⴻⵔⵎⴻⵏⵜ ⵏ ⴼ32), ⴷ ⴱⴰⵀⵍⴰⵣ ⴰⵢ ⴷ ⴰⵎⴻⵣⵡⴰⵔⵓ ⴰⵢ ⴷ-ⵉⵔⴻⴱⵃⴻⵏ ⵜⴰⵣⴰⵍⵖⵉ ⵉ ⵍⴷⵣⴰⵢⴻⵔ ⴷⴻⴳ ⵡⵓⵔⴰⵔⴻⵏ-ⴰ ⵙ ⵓⵣⴻⵍⵍⵉ ⵏ 9,40 ⵏ ⵢⵉⵎⵉⵜⵔⴻⵏ, ⵢⴻⵔⵏⵓ ⵉⴳⴰ-ⴷ ⵙ ⵡⴰⵢⴰ ⴰⴽⵍⵉⵙ (ⵔⴰⵇⵎ ⵇⵉⵢⴰⵙⵉ) ⴰⵎⴰⵢⵏⵓ ⵉ ⵜⴻⴼⵔⵉⵇⵜ. ⴰⵎⵙⵉⵣⵡⴻⵔ-ⴰ ⵢⴻⵔⴱⴻⵃ-ⵉⵜⵜ ⵡⴻⴳⵔⵉⴳⵉ ⴽⵧⵏⵙⵜⴰⵏⵜⵉⵏⵉⴷⵉⵙ ⴰⵜⵀⴰⵏⴰⵙⵉⵧⵙ ⵙ 10,39 ⵏ ⵢⵉⵎⵉⵜⵔⴻⵏ (ⴰⴽⵍⵉⵙ ⴰⵎⴰⵢⵏⵓ ⵏ ⵓⵎⴰⴹⴰⵍ), ⵎⴰ ⴷ ⵡⵉⵙ ⵙⵉⵏ ⴷ ⴰⴳⵔⵉⴳⵉ ⵣⵉⵙⵉⴷⵉⵙ ⴷⵉⵎⵉⵜⵔⵉⵧⵙ (9,24 ⵏ ⵢⵉⵎⵉⵜⵔⴻⵏ).

ⴷⴻⴳ ⵜⴳⴰⵔⴰ ⵏ ⵡⴰⵙⵙ, ⵜⴻⵔⴱⴻⵃ-ⴷ ⵏⴰⵙⵙⵉⵎⴰ ⵙⴰⵉⴼⵉ ⵜⴰⵣⴰⵍⵖⵉ ⵏ ⵡⴻⵥⵔⴻⴼ ⵜⵉⵙ ⵙⵏⴰⵜ ⵉ ⵍⴷⵣⴰⵢⴻⵔ ⴷⴻⴳ ⵡⴻⵎⵙⵉⵣⵡⴻⵔ ⵏ ⵓⵣⴻⵍⵍⵉ ⵏ ⵍⵎⵉⵣⴰⵏ (ⵜⴰⵙⴻⵔⴽⴻⵎⵜ ⵏ ⴼ57) ⵙ ⵓⵣⴻⵍⵍⵉ ⵏ 10,77 ⵏ ⵢⵉⵎⵉⵜⵔⴻⵏ, ⵢⴻⵔⵏⵓ ⵓⵍⴰ ⴷ ⵏⴻⵜⵜⴰⵜ ⵜⴳⴰ-ⴷ ⴰⴽⵍⵉⵙ ⴰⴼⵔⵉⵇⵉ ⴰⵎⴰⵢⵏⵓ.

ⵎⴰ ⴷ ⵏⴰⴷⵉⴰ ⵎⴻⴷⵊⵎⴻⴷⵊ (ⴼ56) ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵡⴻⴱⵕⵓⵏⵣ ⴷⴻⴳ ⵓⵣⴻⵍⵍⵉ ⵏ ⵍⵎⵉⵣⴰⵏ ⵙ 9,92 ⵏ ⵢⵉⵎⵉⵜⵔⴻⵏ ⵢⴻⵔⵏⵓ ⵜⴳⴰ-ⴷ, ⵙ ⵡⴰⵢⴰ, ⵓⵍⴰ ⴷ ⵏⴻⵜⵜⴰⵜ, ⴰⴽⵍⵉⵙ ⵏ ⵓⵎⴰⴹⴰⵍ ⴰⵎⴰⵢⵏⵓ ⴷⴻⴳ ⵜⵙⴻⵔⴽⴻⵎⵜ-ⵏⵏⴻⵙ.

ⴷⴻⴳ ⵓⵊⵓⴷⵧ, ⵜⴻⵙⵙⴰⵡⴻⴹ ⵛⵀⴻⵔⵉⵏⴻ ⴰⴱⴻⴷⴷⴰⵍⵍⴰⵧⵓⵉ (18 ⵏ ⵢⵉⵙⴻⴳⴳⴰⵙⴻⵏ) ⴰⴷ ⴷ-ⵜⴰⵙ ⴷⴻⴳ ⵡⴻⵎⴽⴰⵏ ⵡⵉⵙ 3 ⵢⴻⵔⵏⵓ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵡⴻⴱⵕⵓⵏⵣ ⵎⵉ ⵜⴻⵔⵏⴰ ⵜⴰⴱⵔⵉⵣⵉⵍⵉⵜ ⴼⴻⵔⵔⴻⵉⵔⴰ ⵎⵉⵛⵀⴻⵍⴻ.

« ⵓⵎⴰⵔⴻⵖ ⴰⵟⴰⵙ ⵙ ⵡⴰⵔⵔⴰⵣ-ⴰ. ⵍⵍⵉⵖ ⵣⴻⵎⵔⴻⵖ ⴰⴷ ⴳⴻⵖ ⵓⴳⴰⵔ ⵍⴻⵎⵎⴻⵔ ⵓⵔ ⴳⵉⵖ ⵜⵓⵛⵛⴹⵉⵡⵉⵏ. ⵓⵎⴰⵔⴻⵖ ⴰⵟⴰⵙ ⵢⴻⵔⵏⵓ ⴰⴷ ⵉⵢⵉ-ⵢⴻⵙⵙⴻⴱⵖⴻⵙ ⵡⴰⵢⴰ ⴰⴽⴽⴻⵏ ⴰⴷ ⴳⴻⵖ ⵓⴳⴰⵔ ⵏ ⵡⵓⵙⵙⵉⵙⴻⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵖ ⴰⵙⵡⵉⵔ-ⵉⵏⵓ ⵙⴻⴳ-ⴰ ⵖⴻⵔ ⵙⴷⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵛⵀⴻⵔⵉⵏⴻ.