ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵕⵎⵉⵙⵜ ⴱⵍⵓⴻ ⵧⵔⵉⴳⵉⵏ ⵜⴻⴽⴽⴻⵙ ⵜⴰⴷⵓⵍⵉ ⵖⴻⴼ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵓⵙⴻⴹⵔⵓ ⵏ ⵜⵎⴻⵥⴷⵉⵜ ⵎⵎ ⵜⴻⵣⵎⴻⵔⵜ ⵜⴰⵎⴻⵇⵇⵔⴰⵏⵜ

ⵡⴰⵙⵀⵉⵏⴳⵜⵧⵏ – ⵜⴰⵕⵎⵉⵙⵜ ⵏ ⵜⴻⵎⴳⵓⵔⵉ ⵏ ⵜⴻⵙⵏⴰⴼⴻⴳⵜ ⴱⵍⵓⴻ ⵧⵔⵉⴳⵉⵏ ⵜⴻⵜⵜⵀⴻⵢⵢⵉ ⴰⴷ ⵜⴻⴱⵏⵓ ⵢⵉⵡⴻⵜ ⵏ ⵜⵎⴻⵥⴷⵉⵜ ⵢⴻⵙⵄⴰⵏ ⵜⴰⵣⵎⴻⵔⵜ ⵜⴰⵎⴻⵇⵇⵔⴰⵏⵜ, ⵜⴻⵖⵣⴻⴼ-ⵉⵙ ⴰⵏⵏⴻⵛⵜ ⵏ ⵙⴰⵜⵓⵔⵏ ⵠ ⵏ ⵡⴰⵀⵉⵍ ⴰⵒⵧⵍⵍⵧ ⵏ ⵓⵙⵍⴰⴽ ⵏ ⵡⴰⵢⵢⵓⵔ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵖⴻⵍⵍⴰ-ⵙ ⵊⴻⴼⴼ ⴱⴻⵣⵧⵙ.

ⵜⵉⵎⴻⵥⴷⵉⵜ ⵏⴻⵡ ⴳⵍⴻⵏⵏ --ⴷ ⵜⴰⵊⵎⵉⵍⵜ ⵉ ⵊⵧⵀⵏ ⴳⵍⴻⵏⵏ, ⴰⵎⴰⵔⵉⴽⴰⵏⵉ ⴰⵎⴻⵣⵡⴰⵔⵓ ⵉ ⵢⴻⵃⴱⴰⵏ ⵖⴻⴼ ⵡⴰⴽⴰⵍ-- ⴰⴷ ⵜⴻⵙⵄⵓ ⵙⵉⵏ ⵏⴻⵖ ⴽⵔⴰⴹ ⵡⴰⵏⵏⴰⴳⴻⵏ, ⵜⴰⵙⴻⴽⵜⴰ ⵏ ⵡⴻⴽⴷⵓ-ⵙ ⴷⴻⴳ-ⵙ ⵙⴰ (7) ⵏ ⵢⵉⵎⵉⵜⵔⴻⵏ, ⵜⴰⵣⵎⴻⵔⵜ ⵏ ⵓⵇⴻⵍⵍⴻⵄ-ⵉⵙ ⴷⴻⴳ-ⵙ 1.700 ⵏ ⵢⵉⵟⵓⵏⴻⵏ ⴰⵔⴰ ⴷ-ⵢⴻⴽⴽⴻⵏ ⵙⴻⴳ ⵙⴰ (7) ⵏ ⵢⵉⵎⵙⴻⴷⴷⵓⵢⴻⵏ (ⴱⴻ-4) ⵉ ⵢⴻⵙⵙⴻⵔⵖⴰⵢⴻⵏ ⵓⵔⵔⵉⴳ ⴰⴳⴰⵎⴰⵏ ⴰⴽⴽⴻⴷ ⵡⵓⴽⵙⵉⵊⵉⵏ ⴰⵃⵍⵓⵍⴰⵏ. ⵉⵙⵡⵉ ⵉ ⵏⴻⴼⴽⴰ ⵉ ⵡⴰⵏⵏⴰⴳ ⴰⵎⴻⵣⵡⴰⵔⵓ ⴷ ⴰⵙⴻⵅⴷⴻⵎ-ⵉⵙ ⵢⴰⵍ ⵜⵉⴽⴽⴻⵍⵜ.

ⵎⴰⵙⵙ ⴱⴻⵣⵧⵙ ⵢⵓⵍⴻⵙ-ⴷ ⵉ ⴱⴻⵖⵖⵓ-ⵙ ⴰⴽⴽⴻⵏ ⴰⴷ ⵢⵓⵔⴰⵔ ⵜⴰⵎⵍⵉⵍⵜ ⵙ ⵡⴰⵣⴰⵍ-ⵉⵙ ⴷⴻⴳ ⵓⵃⵔⵉⵛ-ⴰ ⵏ ⵜⴻⵎⴳⵓⵔⵉ ⵏ ⵜⴻⵙⵏⴰⴼⴻⴳⵜ ⴰⴽⴽⴻⴷ ⵜⴰⵍⵍⵓⵏⴰⵏⵜ.

ⵜⵉⵎⴻⵥⴷⵉⵜ ⵏⴻⵡ ⴳⵍⴻⵏⵏ ⴰⴷ ⵜⴻⵣⵎⴻⵔ ⴰⴷ ⵜⵄⴻⴱⴱⵉ ⵉⴳⴻⵏⵙⴰⵜⴻⵏ ⴰⴽⴽⴻⴷ ⵢⵉⵎⴷⴰⵏⴻⵏ, ⴰⴽⴽⴰ ⴰⴷ ⵃⴰⵔⴻⴼ ⵜⵉⵕⵎⵉⵙⵉⵏ ⵜⵉⵎⴰⵔⵉⴽⴰⵏⵉⵢⵉⵏ ⵙⵒⴰⵛⴻⵅ ⴰⴽⴽⴻⴷ ⴱⵧⴻⵉⵏⴳ ⵉ ⵍⴰ ⵢⴻⵙⵏⴻⴼⵍⴰⵢⴻⵏ ⵉⵙⴻⵏⴼⴰⵔⴻⵏ ⴰⵎ ⵡⴰⵢⵍⴰ-ⵙ ⵏⴻⵖ ⵔⵏⵓ-ⴷ ⴷⴰⵖⴻⵏ ⵜⴰⵕⵎⵉⵙⵜ ⵜⴰⴼⵔⴰⵏⵙⵉⵜ ⴰⵔⵉⴰⵏⴻ ⵙⵒⴰⵛⴻ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵔⵓⵙⵉ ⴷⴻⴳ ⵓⵃⴱⵓ ⵏ ⵢⵉⴳⴻⵏⵙⴰⵜⴻⵏ.

ⵜⴰⵙⵡⵉⵄⵜ-ⴰ, ⴱⵍⵓⴻ ⵧⵔⵉⴳⵉⵏ ⵜⵛⴰⵔ ⵏⴻⵡ ⵙⵀⴻⵒⴰⵔⴷ, ⴷ ⵜⵉⵎⴻⵥⴷⵉⵜ ⵎⴻⵥⵥⵉⵢⴻⵏ ⴷⴻⴳ-ⵙ ⵙⵏⴰⵜ ⵜⴻⵎⵔⴰⵡⵉⵏ ⵏ ⵢⵉⵎⵉⵜⵔⴻⵏ ⴷⴻⴳ ⵜⴻⵖⵣⴻⴼ-ⵉⵙ. ⵜⴻⵣⵎⴻⵔ ⴽⴰⵏ ⴰⴷ ⵜⴰⵡⴻⴹ ⵖⴻⵔ ⵜⴰⵍⴰⵙⵜ ⵏ ⵜⴰⵍⵍⵓⵏⵜ ⵙ ⴰⵃⴱⵓ ⵏ ⵡⴰⴷⴷⴰ ⵏ ⵜⵎⵉⴹⵉ (100) ⵏ ⵢⵉⴽⵉⵍⵓⵎⵉⵜⵔⴻⵏ.

ⴷⴻⴳ ⵢⵉⵡⴻⵏ ⵏ ⵓⴱⵓⴳ ⵢⴻⵔⵙⴻⵏ ⴷⴻⴳ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⵓⵖⵎⵉⵙ ⵏ ⵡⴰⵙⵀⵉⵏⴳⵜⵧⵏ ⵒⵧⵙⵜ, ⵎⴰⵙⵙ ⴱⴻⵣⵧⵙ ⵢⴻⵙⵙⴻⴷⴷⵉⴷ ⴷⴰⴽⴽⴻⵏ ⵜⵉⵎⴻⵥⴷⵉⵜ ⵏⴻⵡ ⴳⵍⴻⵏⵏ ⴰⴷ ⵜⴻⵡⴵⴻⴷ ⵉ ⵡⴰⴼⴼⵓⴳ ⵙⴻⴳ-ⴰ ⵖⴻⵔ ⵜⴰⴳⴳⴰⵔⴰ ⵏ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ.

ⵜⴰⵕⵎⵉⵙⵜ ⴱⵍⵓⴻ ⵧⵔⵉⴳⵉⵏ, ⵉ ⵢⴻⴱⵖⴰⵏ ⴷⴰⵖⴻⵏ ⴰⴷ ⵜⴻⵙⵏⴻⴼⵍⵉ ⵜⴰⵎⴻⵔⵔⵉⵜ ⵜⴰⵏⴰⵃⴱⵓⵜ, ⵜⴻⵜⵜⵀⴻⵢⵢⵉ ⵜⵓⴼⴳⴰ ⵏ ⵡⴻⵄⵔⴰⴹ ⴷⴻⴳ ⵓⵃⴱⵓ ⴰⴽⴽⴻⴷ ⵏⴻⵡ ⵙⵀⴻⵒⴰⵔⴷ ⴰⵢⵢⵓⵔ ⵉ ⴷ-ⵉⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⵉ ⵢⴻⵏⵏⴰ ⵓⵖⵎⵉⵙ ⵡⴰⵙⵀⵉⵏⴳⵜⵧⵏ ⵒⵧⵙⵜ. ⴷⴻⴳ ⵜⴰⵖⵓⵍⵜ-ⴰ, ⵜⴻⵜⵜⴻⵎⵃⴰⵔⴰⴼ ⴰⴽⴽⴻⴷ ⵜⴻⵕⵎⵉⵙⵜ ⵠⵉⵔⴳⵉⵏ ⴳⴰⵍⴰⵛⵜⵉⵛ ⵏ ⵓⵎⴻⵔⴽⴰⵏⵜⵉ ⴰⴱⵔⵉⵟⴰⵏⵉ ⵔⵉⵛⵀⴰⵔⴷ ⴱⵔⴰⵏⵙⵧⵏ.

ⴰⵛⵉⵔⵉ ⵏ ⵜⴻⵕⵎⵉⵙⵜ ⴱⵍⵓⴻ ⵧⵔⵉⴳⵉⵏ ⵢⵓⵙⴰ-ⴷ, ⵓⵔ ⵡⵡⵉⴹⴻⵏ ⴰⵔⴰ ⵙⵉⵏ ⵏ ⵢⵉⵎⴰⵍⴰⵙ ⵙⴻⴳ ⵎⵉ ⵉ ⴷ-ⵢⴻⴹⵔⴰ ⵓⵟⴻⵔⴹⴻⵇ ⵏ ⵜⵎⴻⵥⴷⵉⵜ ⴼⴰⵍⵛⵧⵏ 9 ⵏ ⵜⴻⵕⵎⵉⵙⵜ ⵙⵒⴰⵛⴻⵅ ⴷⴻⴳ ⵓⵣⴰⴷⵓⵔ-ⵉⵙ ⵏ ⵓⵛⵉⵔⵉ ⵢⴻⵍⵍⴰⵏ ⴷⴻⴳ ⵓⵡⴰⵏⴻⴽ ⵏ ⴼⵍⵓⵔⵉⴷⴰ ⵎⵉ ⵄⴻⵔⴹⴻⵏ ⴰⵙⵉⵖⵉ ⵏ ⵢⵉⵎⵙⴻⴷⴷⵓⵢⴻⵏ, ⴷ ⴰⵙⴻⵀⵡⵓ ⵡⵉⵙ ⵙⵉⵏ ⵉ ⴷ-ⵢⴻⴹⵔⴰⵏ ⴷⴻⴳ ⵎⵔⴰⵡ ⴷ ⵙⴻⵎⵎⵓⵙ (15) ⵏ ⵡⴰⵢⵢⵓⵔⴻⵏ-ⴰ ⵢⴻⵣⵔⵉⵏ.

ⵜⴰⵕⵎⵉⵙⵜ ⵙⵒⴰⵛⴻⵅ ⵜⴻⴱⵖⴰ ⴰⴷ ⵜⴻⵙⵙⵉⴷⴻⵔ ⴰⵟⴰⵙ ⴰⵣⴰⵍ ⵏ ⵓⵙⵉⴽⴻⵍ ⵖⴻⵔ ⵜⴰⵍⵍⵓⵏⵜ. ⵉⵏⴵⴰⵃⴻⵏ-ⵉⵙ ⵢⴻⵟⵟⵓⵇⵜⴻⵏ ⵀⵓⵛⵛⴻⵏ ⴰⵃⵔⵉⵛ-ⴰ ⵎⴰⵛⴰ ⵜⴰⵕⵎⵉⵙⵜ ⵜⴻⵣⵎⴻⵔ ⴰⴷ ⵜⴻⵇⵇⵉⵎ ⵜⵚⴻⵎⵎⴻⵔ ⴷⴻⴳ ⵜⴻⴳⵏⵉⵜ ⴷⴷⴻⵇⵙ ⵏ ⵡⴰⵢⵢⵓⵔⴻⵏ, ⴰⵢⴰ ⴰⴷ ⵜⵜ-ⵢⴻⵟⵟⴻⴼ ⵓⵔ ⵜⵣⴻⵎⵎⴻⵔ ⴰⵔⴰ ⴰⴷ ⵜⴻⵄⵔⴻⴹ ⴰⴷ ⵜⴻⵙⵙⵉⴼⴻⴳ ⴰⵎⵛⵉⵔ-ⵉⵙ ⴰⵥⴰⵢⴰⵏ, ⴼⴰⵍⵛⵧⵏ ⵀⴻⴰⵠⵢ.