ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵡⴻⴽⴽⴻⴷ-ⴷ ⵎⴰⵙⵙ ⵧⵓⴰⵍⵉ ⵖⴻⴼ ⵓⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⵜⵓⴽⴻⵔⴹⴰ ⵏ ⵡⴰⵎⴰⵏ ⵏ ⵜⵉⵙⵙⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴻⵄⵊⴰⵍ ⴰⵢ ⵜⴻⵄⵊⴻⵍ ⵜⴻⵎⵙⴰⵍⵜ ⵏ ⵡⴻⵙⴼⵓⵔⴻⴽ ⵏ ⵢⵉⵊⴻⵄⴱⵓⴱⴻⵏ ⵉ ⵜⵓⴽⴻⵔⴹⴰ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷ ⵡⴻⵏⴳⴰⵢ ⴰⵢ ⵏⴻⴳⴳⵉⵏ ⵢⵉⵊⴻⵄⴱⵓⴱⴻⵏ ⵏ ⵡⴰⵎⴰⵏ-ⴰ, ⵍⴰⴷⵖⴰ ⵉⵎⵉ ⴰⵢⴰ ⵉⴳⴻⵍⵍⵓ-ⴷ ⵙ ⵍⴻⵅⵚⴰⵔⴰ ⴷ ⵜⴰⵎⴻⵇⵔⴰⵏⵜ.

ⵎⵉ ⵜⴻⵜⵜⵡⴰⵅⵜⴻⵎ ⵜⴻⵎⵍⵉⵍⵉⵜ ⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵡⴻⵃⵔⵉⵛ ⵏ ⵡⴰⵎⴰⵏ, ⵢⴻⵙⵃⴰⵙⵙⴻⴼ ⵎⴰⵙⵙ ⵧⵓⴰⵍⵉ ⴰⵍⴰ 50% ⵙⴻⴳ ⵡⴰⵎⴰⵏ ⴰⵢ ⵍⴰ ⵢⴻⵜⵜⵡⴰⴼⵔⴰⵇⴻⵏ ⵉ ⵎⴻⴷⴷⴻⵏ ⴰⵢ ⵍⴰ ⵢⴻⵜⵜⴰⵡⴹⴻⵏ, ⵎⴰ ⴷ ⴰⵣⴳⴻⵏ ⵏⵉⴹⴻⵏ ⵢⴻⵜⵜⵕⵓⵃⵓ ⵖⴻⴼ ⵍⴵⴰⵍ ⵏ ⵡⴻⵏⴳⴰⵢ ⵏⴻⵖ ⴰⵙⴼⵓⵔⴻⴽ ⵢⴻⴼⴼⵖⴻⵏ ⵉ ⵍⵇⴰⵏⵓⵏ.

ⵖⴻⴼ ⵍⴻⵃⵙⴰⴱ ⵏ ⵡⴻⵖⵍⵉⴼ, ⴷⴻⴳ ⵡⴰⵢⵢⵓⵔⴻⵏ-ⴰ ⵉⵏⴻⴳⴳⵓⵔⴰ, 13.000 ⵏ ⵢⴻⵙⴼⵓⵔⴽⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⵓⵔⵜ, ⵢⴻⵔⵏⵓ ⵍⵍⴰⵏ-ⴷ ⵉ ⵍⵎⴻⵏⴷ ⵏ ⵡⴻⵙⵙⵡⴰⵢ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ.

ⴰⵟⴰⵙ ⵏ ⵍⴻⵡⵚⴰⵢⴰⵜ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⵎⵍⵉⵍⵉⵜ-ⴰ ⵏ ⵙⵉⵏ ⵏ ⵡⵓⵙⵙⴰⵏ, ⴳⴰⵔ-ⴰⵙⴻⵏⵜ ⴰⵙⵙⴻⵍⵀⵓ ⵏ ⵡⴻⴼⵔⴰⵇ ⵏ ⵡⴰⵎⴰⵏ ⵏ ⵜⵉⵙⵙⵉⵜ.

ⵍⴻⵡⵚⴰⵢⴰⵜ-ⴰ ⴰⴷ ⴰⴷⴼⴻⵏⵜ ⴷⴻⴳ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵅⴻⴷⴷⵉⵎ ⵙ ⵍⵇⵉⵙ ⵓⵇⵔⵉⴱ ⴷ ⵡⵓⴱⵄⵉⴷ.

ⵎⵉ ⴷ-ⵜⵜⵡⴻⵖⵔⴰⵏⵜ ⵍⴻⵡⵚⴰⵢⴰⵜ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵖⴻⴼ ⵡⴰⵣⴰⵍ ⵏ ⵡⴻⵃⵔⴰⵣ ⵏ ⵢⵉⵥⴻⴹⵡⴰⵏ ⵏ ⵡⴻⴼⵔⴰⵇ ⵏ ⵡⴰⵎⴰⵏ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ ⴰⵢⴷⴻⴳ ⵢⴻⴳⴳⴻⵜ ⵡⴻⵙⴼⵓⵔⴻⴽ ⵢⴻⴼⴼⵖⴻⵏ ⵉ ⵍⵇⴰⵏⵓⵏ.