ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵞⵞⵉⵜ ⴷⴻⴳ ⵓⵖⴻⵔⴱⴰⵣ: ⵓⴳⴰⵔ ⵏ 11.300 ⵏ ⵢⵉⵏⴻⵍⵎⴰⴷⴻⵏ ⵏ ⵡⴻⵙⵡⵉⵔ ⴰⵎⴻⵏⵣⵓ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵉⵍⵍⵉⵣⵉ

ⵉⵍⵍⵉⵣⵉ – ⴰⵣⴰⵍ ⵏ 11.370 ⵏ ⵢⵉⵏⴻⵍⵎⴰⴷⴻⵏ ⵏ ⵡⴻⵙⵡⵉⵔ ⴰⵎⴻⵏⵣⵓ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵓⵞⵞⵉⵜ ⴷⴻⴳ ⵓⵖⴻⵔⴱⴰⵣ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⵏ ⵉⵍⵍⵉⵣⵉ ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 2016-2017, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵙⵙⴻⴳⵎⵉ ⵏ ⵜⵡⵉⵍⴰⵢⵜ-ⴰ ⴰⵙⵙ ⵏ ⵍⴻⵜⵏⵉⵢⴻⵏ.

ⵙ ⵡⴰⵢⴰ, 4.220 ⵏ ⵜⵔⴰⵎ ⴰⵔⴰ ⵏⵉⵡⵍⴻⵏ ⴷⴻⴳ ⵡⴰⵙⵙ ⵉ ⵢⵉⴱⴰⵍⵎⵓⴷⴻⵏ ⵏ ⵓⵖⴻⵔⴱⴰⵣ ⴰⵎⴻⵏⵣⵓ ⵏ ⵜⴻⵎⵏⴰⴹⵜ ⵏ ⵉⵍⵍⵉⵣⵉ, 3.385 ⵏ ⵜⵔⴰⵎ ⴷⴻⴳ ⵡⴰⵙⵙ ⴷⴻⴳ ⵜⵉⵏ ⵏ ⴵⴰⵏⴻⵜ ⴰⵢⴷⴻⴳ ⵜⴻⵜⵜⴻⴽⴽⴰ ⵜⵖⵉⵡⴰⵏⵜ ⵏ ⴱⵓⵕⵊ ⴻⵍ-ⵀⴰⵧⵓⴻⵙ, 3.764 ⵏ ⵜⵔⴰⵎ ⴷⴻⴳ ⵡⴰⵙⵙ ⴷⴻⴳ ⵜⴻⵎⵏⴰⴹⵜ ⵏ ⵉⵏ ⴰⵎⴻⵏⵏⴰⵙ ⴰⵢⴷⴻⴳ ⵜⵜⴻⴽⴽⴰⵏⵜ ⴷⴰⵖ ⵜⵖⵉⵡⴰⵏⵉⵏ ⵏ ⴱⵓⵕⵊ ⵧⵎⴰⵔ ⵉⴷⵔⵉⵙⵙ ⴷ ⴷⴻⴱⴷⴰⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵏ ⵜⵓⵞⵞⵉⵜ ⵜⴰⵖⵓⵔⴱⵉⵣⵜ, ⴰⴽⵀⵧⵓ ⵀⴻⵎⵎⴰ.

3 ⵏ ⵜⵏⴻⵞⵞⵉⵢⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵜⵜⵡⴰⵔⴻⵥⵎⴻⵏ ⴰⵙⴻⴳⴳⴰⵙ-ⴰ ⴷⴻⴳ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵎⴻⵀⵍⴰ ⵏ ⵓⵙⵙⴻⴳⵎⵉ ⵜⴻⵜⴻⵡⵡⴻⵍ ⵏⴻⵖ ⵜⴱⴻⴷⴷⴻⵍ-ⴷ ⵜⵜⴰⵡⵉⵍⴰⵜ ⵏ ⵜⵏⴻⵞⵞⵉⵢⵉⵏ ⴷⴻⴳ ⴽⵔⴰ ⵏ ⵢⵉⵖⴻⵔⴱⴰⵣⴻⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵢⵉⵎⵓⴽⴰⵏ-ⴰ ⴷ ⵡⴻⴹⵎⴰⵏ ⵏ ⵜⴻⵣⴷⴻⴳ-ⵏⵙⴻⵏ.

ⵍⴰ ⴱⴻⵏⵏⵓⵏ ⴷⴰⵖ ⵢⵉⵡⴻⵜ ⵏ ⵜⵏⴻⵞⵞⵉⵜ ⴷⴻⴳ ⵜⴻⵎⵏⴰⴹⵜ ⵜⵓⴱⵄⵉⴷⵜ ⵏ ⵜⴰⵎⴰⴵⴻⵔⵜ.

ⴷ ⴰⵛⵓ ⴽⴰⵏ, ⵍⴻⵅⵚⴰⵚ ⵏ ⵢⵉⵎⴻⵥⵍⴰ ⴷⴻⴳ ⴽⵔⴰ ⵏ ⵜⵏⴻⵞⵞⵉⵢⵉⵏ ⵢⴻⵇⵇⴻⵏ ⵖⴻⵔ ⵍⴻⵅⵚⴰⵚ ⵏ ⵢⵉⵅⴻⴷⴷⴰⵎⴻⵏ, ⵍⴰⴷⵖⴰ ⴷⴻⴳ ⵜⵎⴰⵏⴻⵖⵜ ⵏ ⵜⵡⵉⵍⴰⵢⵜ, ⵜⴰⵎⴷⵉⵏⵜ ⵏ ⵉⵍⵍⵉⵣⵉ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴰⴷ ⵜⵜⵡⴰⵙⵅⴻⴷⵎⴻⵏ ⵢⵉⵅⴻⴷⴷⴰⵎⴻⵏ ⵏ ⵡⴻⵙⵏⵓⵎⵎⴻⴷ ⴰⵏⵎⴻⵜⵜⵉ ⵏⴻⵖ ⴰⴷ ⴷ-ⴰⵡⵉⵏ ⵉⵅⴻⴷⴷⴰⵎⴻⵏ ⵙⴻⴳ ⵡⴻⵃⵔⵉⵛ ⵏ ⵓⵙⵙⴻⵎⵔⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).