ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⵛⵉⵔⴹⴰⵔⵜ 2018: ⵔⴰⵊⴻⵠⴰⵛ ⴷ ⵎⴰⵏⵙⵧⵓⵔⵉ ⵍⴰ ⵜⵜⴽⴻⵎⵎⵉⵍⴻⵏ ⵜⵓⵣⵣⵢⴰ-ⵏⵙⴻⵏ ⵖⴻⴼ ⵜⵓⵕⵓⴼⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵍⴰ ⵜⵜⴽⴻⵎⵎⵉⵍⴻⵏ ⵢⴻⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ) ⵉⴷⵣⴰⵢⵔⵉⵢⴻⵏ ⵜⵓⵣⵣⵢⴰ-ⵏⵙⴻⵏ ⵖⴻⴼ ⵜⵓⵕⵓⴼⵜ ⴷⴷⴰⵡ ⵕⵕⴰⵢ ⵏ ⵓⵙⴻⵔⴱⵉ ⵎⵉⵍⵧⵠⴰⵏ ⵔⴰⵊⴻⵠⴰⵛ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⵉⵎⴰⵔⵉⵔⴻⵏ ⵉⴳⵔⴰⵖⵍⴰⵏⴻⵏ ⵉⴷⵣⴰⵢⵔⵉⵢⴻⵏ ⵢⴻⵍⵍⴰⵏ ⴷⴻⴳ ⵜⴻⵖⵍⴰⵎⵉⵏ ⵜⵓⵕⵓⴼⵉⵢⵉⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵉ ⵓⵙⵙⴻⵡⵊⴻⴷ ⵏ ⵜⴻⵎⵍⵉⵍⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⴽⴰⵎⵔⵓⵏ, ⴷ ⵜⵉⵏ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 9 ⵜⵓⴱⴻⵕ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ.

ⵖⴻⴼ ⵍⴻⵃⵙⴰⴱ ⵏ ⵜⴼⵉⴷⵉⵕⴰⵍⵉⵜ, ⵎⵉⵍⵧⵠⴰⵏ ⵔⴰⵊⴻⵠⴰⵛ ⴷ ⵢⴰⵣⵉⴷ ⵎⴰⵏⵙⵧⵓⵔⵉ ⵙⴰⴳⴳⴻⵏ ⵢⴰⴳⵉ ⵖⴻⴼ 6 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵜⵓⵕⵓⴼⵜ ⵢⴻⵔⵏⵓ ⵎⴰⵣⴰⵍ ⴰⴷ ⴽⴻⵎⵎⵍⴻⵏ ⴰⵢⴰ ⴰⴽⴽⴻⵏ ⴰⴷ ⵡⴰⵍⵉⵏ ⵜⴰⴳⵏⵉⵜ ⴰⵢⴷⴻⴳ ⵍⵍⴰⵏ ⵢⴻⴳⵔⴰⵖⵍⴰⵏⴻⵏ ⵉⴷⵣⴰⵢⵔⵉⵢⴻⵏ. ⵎⴰ ⴷ ⵏⴰⴱⵉⵍ ⵏⴻⴳⵀⵉⵣ ⵢⴻⵍⵀⴰ-ⴷ ⴷ ⵢⵉⵎⴰⵔⵉⵔⴻⵏ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ ⴷⴻⴳ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⵜⴻⴷⴷⴻⵎ ⵜⴼⵉⴷⵉⵕⴰⵍⵉⵜ ⴰⴽⴽ ⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ, ⵖⴻⵔ ⵢⵉⴷⵉⵙ ⵏ ⵜⵡⵉⵍⴰⵢⵜ ⵏ ⵍⴻⴱⵍⵉⴷⴰ, ⵉ ⵡⴻⴹⵎⴰⵏ ⵏ ⵜⴻⵎⵍⵉⵍⵉⵜ-ⴰ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ, ⴰⵙⵙ ⵏ ⵍⵃⴻⴷⴷ 9 ⵜⵓⴱⴻⵕ 2016 ⵖⴻⴼ ⵜⵉⵙ 8:30 ⵏ ⵜⵎⴻⴷⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵍⵉⵍⵉⵜ ⴳⴰⵔ ⵏⵉⵊⵉⵔⵢⴰ ⴷ ⵍⴷⵣⴰⵢⴻⵔ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵎⴱⴻⵔ 2016 ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018, ⵍⴰ ⵜⴻⵜⵜⵕⴰⵊⵓ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⴰⴷ ⵜⵜ-ⵉⴷ-ⵢⴰⵡⴻⴹ ⵢⵉⵙⴰⵍⵉ ⵙⵖⵓⵔ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⴹⴰⵔⵜ ⵏ ⵏⵉⵊⵉⵔⵢⴰ ⵖⴻⴼ ⵎⴻⵍⵎⵉ ⵙⵡⴰⵙⵡⴰ ⴰⵔⴰ ⴷ-ⵜⵉⵍⵉ ⵜⴻⵎⵍⵉⵍⵉⵜ-ⴰ, ⴰⴽⴽⴻⵏ ⴰⴷ ⴰⵣⵏⴻⵏ ⵡⵉⴷ ⴰⵔⴰ ⴷ-ⵢⴻⵙⵡⴻⵊⴷⴻⵏ ⵜⴰⴳⵏⵉⵜ ⵉ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴷⴻⴳ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵅⴻⴱⴱⴻⵔ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ.