ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⵉⴷⵉⵕⴰⵍⵉⵜ ⴷ ⵜⵉⴷⴷⵓⴽⵍⴰ ⵜⵉⵖⴻⵍⵏⴰⵡⵉⵏ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⵏⵏⴰⵏⵜ-ⴷ ⵅⴹⴰⵏⵜ ⵜⵉⵖⵔⵉ ⵏ ⵓⵖⴰⵏⵣⵓ ⵏ ⵓⵖⴻⵔⴱⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵡⴻⴽⴽⴷⴻⵏⵜ-ⴷ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⴷ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ « ⵅⴹⴰⵏⵜ » ⵉ ⵜⵓⵖⴰⵛ ⴰⵢ ⵍⴰ ⴷ-ⵢⴻⴳⴳⴰⵔⴻⵏ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵜⴻⵎⵙⵉⵔⵉⵏ (ⴷⵓⵔⵓⵙ).
ⵏⵏⴰⵏⵜ-ⴷ ⵙⵏⴰⵜ-ⴰ ⵏ ⵜⵉⴷⴷⵓⴽⵍⵉⵡⵉⵏ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵓⵛⵔⵉⴽ, ⴷⴰⴽⴽⴻⵏ « ⵓⴳⵉⵏⵜ ⵙⴻⴳ ⵍⵍⵙⴰⵙ ⴰⵖⴻⵍⵍⴻⵜ ⵏ ⵓⵖⴻⵔⴱⴰⵣ ⵉ ⵢⴻⵙⵡⴰⵏ ⵉⵙⴻⵔⵜⴰⵏⴻⵏ ⵏⴻⵖ ⵉⵙⵏⴰⴽⵜⴰⵏⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵔⵏⴰⵏⵜ ⴷⴰⴽⴽⴻⵏ « ⵅⴹⴰⵏⵜ » ⵉ ⵜⵓⵖⴰⵛ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵜⵜⴳⴻⵏⵙⵉⵙⴻⵏⵜ-ⴷ ⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⵢⴻⵔⵏⵓ ⴳⴳⴰⵔⴻⵏⵜ-ⴷ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵜⴻⵎⵙⵉⵔⵉⵏ.
ⵙ ⵡⴰⵢⴰ, ⴳⵔⴻⵏⵜ-ⴷ ⵜⵉⵖⵔⵉ, ⵙⵏⴰⵜ-ⴰ ⵏ ⵜⵉⴷⴷⵓⴽⵍⵉⵡⵉⵏ, ⵉ « ⵜⴻⵙⵏⴰⴳⵜ (ⵃⵉⴽⵎⴰ) » ⴷ ⵜⴷⵓⴽⵍⵉ ⵉ ⵡⴻⵃⵔⴰⵣ ⵏ ⵓⵖⴻⵔⴱⴰⵣ ⴷ ⵏⵏⴼⴻⵄ ⴰⵖⴻⵍⵏⴰⵡ ⵉ ⵓⵙⵙⵉⵡⴻⴹ ⵏ ⵍⴻⴱⵏⵉ ⵏ ⵓⵖⴻⵔⴱⴰⵣ ⴰⵜⵔⴰⵔ ⵢⴻⵙⵄⴰⵏ ⵜⴰⵖⴰⵔⴰ ⵉ ⵍⴼⴰⵢⴷⴰ ⵏ ⵎⴻⴷⴷⴻⵏ ⴰⴽⴽ.
ⵏⵏⴰⵏⵜ-ⴷ ⵜⵉⴷⴷⵓⴽⵍⵉⵡⵉⵏ-ⴰ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵓⴳⵉⵏⵜ ⵜⴰⵃⴻⵎⵍⴰ-ⴰ ⵜⴰⵡⴻⵃⵛⵉⵜ ⴰⵢ ⴷ-ⵢⴻⵖⵍⵉⵏ ⵖⴻⴼ ⵓⵏⴰⴳⵔⴰⵡ ⴰⵙⴻⴳⵎⴰⵏ (ⵎⴰⵏⴹⵓⵎⴰ ⵜⴰⵔⴱⴰⵡⵉⵢⵢⴰ) ⴷ ⵓⵏⴻⵄⵔⵓⴹ ⴰⵢ ⵍⴰ ⵄⴻⵔⵔⴹⴻⵏ ⴽⵔⴰ ⴰⴷ ⵛⴻⵡⵡⵍⴻⵏ ⵓⵖⴰⵍ ⵖⴻⵔ ⵓⵖⴻⵔⴱⴰⵣ ⵢⴻⵔⵏⵓ ⴰⴷ ⵙⵅⴻⵚⵔⴻⵏ ⵜⵓⵎⴻⵔⵜ ⵏ ⵢⵉⴳⴻⵔⴷⴰⵏ ⴷ ⵜⵡⴰⵛⵓⵍⵉⵏ-ⵏⵙⴻⵏ ⴷⴻⴳ ⵜⴰⵍⵍⵉⵜ-ⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵡⴻⵍⵎⴰⴷ ⵏ ⵢⵉⴳⴻⵔⴷⴰⵏ.
ⴳⵔⴻⵏⵜ-ⴷ ⴷⴰⵖ ⵜⵉⵖⵔⵉ ⵙⵏⴰⵜ-ⴰ ⵏ ⵜⵉⴷⴷⵓⴽⵍⵉⵡⵉⵏ ⵉ ⵢⴰⵍ ⵢⵉⵡⴻⵏ ⵡⴰⴽⴽ ⵎⴻⴷⴷⴻⵏ ⴰⴽⴽⴻⵏ ⴰⴷ ⵃⴰⴷⵔⴻⵏ ⵓⴳⴰⵔ ⵢⴻⵔⵏⵓ ⴰⴷ ⴱⴻⴷⴷⴻⵏ ⵉ ⵍⵎⴻⵏⴷ ⵏ ⵡⵉⴷ ⴰⵢ ⴷ-ⵢⴻⵍⵀⴰⵏ ⵙ ⵡⴻⵃⵔⵉⵛ ⵏ ⵓⵙⵙⴻⴳⵎⵉ.
