ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ : ⵀⵓⴷⴷⴻⵏ 3 ⵜⵏⴰⴼⴼⴰⵔⵉⵏ ⴰⴽⴽⴻⴷ 23 ⵍⴱⵓⵎⴱⴰⵜ ⴷⴻⴳ ⴱⵓⵎⴻⵔⴷⴰⵙ ⴰⴽⴽⴻⴷ ⵜⴱⴰⵜⴻⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵀⵓⴷⴷⴻⵏⵜ, ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⴽⵔⴰⴹ (3) ⵜⵏⴰⴼⴼⴰⵔⵉⵏ ⴰⴽⴽⴻⴷ 23 ⵍⴱⵓⵎⴱⴰⵜ ⵢⴻⵜⵜⵡⴰⵎⵓⴳⴻⵏ ⵙ ⵓⴼⵓⵙ ⴷⴻⴳ ⴱⵓⵎⴻⵔⴷⴰⵙ ⴰⴽⴽⴻⴷ ⵜⴱⴰⵜⴻⵏⵜ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⵀⵓⴷⴷⴻⵏⵜ, ⴰⵙⵙ ⵏ 20 ⵛⵜⴻⵎⴱⴻⵔ 2016, ⴽⵔⴰⴹ (3) ⵜⵏⴰⴼⴼⴰⵔⵉⵏ ⴰⴽⴽⴻⴷ ⵙⵏⴰⵜ ⵜⵎⴻⵔⵡⵉⵏ ⴷ ⴽⵔⴰⴹ (23) ⵢⴻⵜⵜⵡⴰⵎⵓⴳⴻⵏ ⵙ ⵓⴼⵓⵙ ⴷⴻⴳ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ) ⴰⴽⴽⴻⴷ ⵜⴱⴰⵜⴻⵏⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5)’’, ⵉ ⴷ-ⵢⴻⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ‘’ⴷⴻⴳ ⵓⴽⴰⵜⴰⵔ ⵏ ⵓⵙⵖⴻⵍⵍⴻⵙ ⵏ ⵜⵍⵉⵙⴰ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵟⵟⴼⴻⵏⵜ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡ ⵜⴰⵖⴻⵔⴼⴰⵏⵜ ⴷⴻⴳ ⵜⵎⴻⵏⵖⴰⵙⵜ ⴰⴽⴽⴻⴷ ⴱⵓⵔⴵ ⴱⴰⴵⵉ ⵎⴻⵅⵜⵜⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6) 24 ⵏ ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⴽⴽⵙⴻⵏ 7 ⵏ ⵢⵉⴽⴰⵎⵢⵓⵏⴻⵏ, ⴷⴷⴻⵇⵙ ⵏ ⵜⴳⴻⵍⵍⴰ ⵢⴻⵙⵙⴰⵡⴹⴻⵏ ⵙ ⴰⵣⴰⵍ ⵏ 114,495 ⵏ ⵢⵉⵟⵓⵏⴻⵏ ⵉ ⴷ-ⵀⴻⵢⵢⴰⵏ ⵉ ⵓⵙⴻⵜⵜⵉ, ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⵔⵉⵙⵉⵜⵉ, ⵙⵉⵏ ⵉⵎⴻⵏⵖⴰⵔⴻⵏ ⴰⴽⴽⴻⴷ ⵙⵏⴰⵜ ⵜⵎⴰⵛⵉⵏⵉⵏ ⵉ ⵢⴻⵙ-ⵙ ⵜⵜⵏⴰⴷⵉⵏ ⵓⵣⵣⴰⵍ.