ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵉⴷⵉ ⴱⴻⵍⵄⴻⴱⴱⴰⵙ: ⵢⴻⵙⵙⴻⴼⴽ ⵓⵏⴻⵡⵡⴻⵄ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⵏ ⵜⵉⵙⵙⵉⵜ (ⴰⵏⴻⵖⵍⴰⴼ)
ⵙⵉⴷⵉ ⴱⴻⵍⵄⴻⴱⴱⴰⵙ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵏⴻⵡⵡⵄⴻⵏⵜ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵜⵡⵉⵍⴰⵢⵜ-ⴰ ⵙ ⵓⵖⴻⵍⵍⴻⵜ ⵉⴳⴻⵔⵔⵣⴻⵏ ⴷ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵢⴻⵍⵀⴰⵏ ⵓⴳⴰⵔ ⵏ ⵡⴰⵎⴰⵏ ⵏ ⴷⴷⴰⵡ ⵜⵎⵓⵔⵜ ⴰⵎ ⵜⵖⵓⵣⵉ ⵉ ⵓⵙⵙⴻⴽⴼⴻⵍ ⵏ ⵡⴰⵎⴰⵏ-ⴰ.
ⵎⵉ ⵢⴻⵔⵣⴰ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵜⴰⵡⵉⵍⴰⵜ-ⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵖⴻⴼ ⵓⵚⴻⴳⴳⴻⵎ ⴷ ⵡⴻⴱⴷⴰⴷ ⵉ ⵡⵓⵏⴰⵏ (ⴰⴱⵢⴰⵔ) ⵏ ⵜⴻⵎⵏⴰⴹⵜ-ⴰ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖⴻⵏ, ⵙⴻⴳ ⵍⴻⵄⴹⵉⵍ ⴰⴷ ⴷ-ⴼⴰⴽⴻⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵡⴰⵎⴰⵏ ⵙⴻⴳ ⵜⵡⵉⵍⴰⵢⵜ ⵖⴻⵔ ⵜⴰⵢⴻⴹ.
« ⵓⵔ ⵢⴻⵙⵙⴻⴼⴽ ⴰⴷ ⵏⴻⵜⵜⴽⴻⵍ ⴽⴰⵏ ⵖⴻⴼ ⵡⵓⴳⴳⵓⴳⴻⵏ (ⵙⵓⴷⵓⴷ) ⴰⴽⴽⴻⵏ ⴰⴷ ⵏⴻⴼⵔⴻⵇ ⴰⵎⴰⵏ ⵏ ⵜⵉⵙⵙⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵡⵉⵍⴰⵢⵜ-ⴰ ⵜⴻⵙⵄⴰ 10 ⵏ ⵢⵉⵎⵓⴽⴰⵏ ⵏ ⵜⵖⵓⵣⵉ ⵉ ⵓⵙⵙⴻⴽⴼⴻⵍ ⵏ ⵡⴰⵎⴰⵏ ⵎⴰⵣⴰⵍ ⵍⴰ ⵜⴻⵏ-ⵉⴷ-ⵜⵜⵀⴻⵢⵢⵉⵏ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵜⵚⴻⴳⴳⵉⵎⴻⵏ 6 ⵏ ⵢⵉⵎⵓⴽⴰⵏ ⴰⵎ ⵡⵉ, ⵢⴻⵔⵏⵓ ⴰⵙⵎⵉ ⴰⵔⴰ ⴷ-ⵡⴻⵊⴷⴻⵏ ⴰⴽⴽ, ⴰⴷ ⵓⵖⴰⵍⴻⵏ ⴰⴷ ⴷ-ⵜⵜⵜⴰⴽⴼⴻⵏ 12.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⴷⴻⴳ ⵡⴰⵙⵙ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵡⴰⵎⴰⵏ ⵍⴰⴷⵖⴰ ⴷⴻⴳ ⵜⴻⵎⵏⴰⴹⵉⵏ ⵏ ⵜⵎⵓⵔⵜ ⴰⵏⴷⴰ ⴰⵢ ⵅⵓⵚⵚⴻⵏ ⵡⴰⵎⴰⵏ.
ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵜⴻⵖⴱⵓⵍⴰ-ⴰ ⵙⴻⴳ ⵍⴻⵄⴹⵉⵍ ⴰⴷ ⴼⴰⴽⴻⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⵉⵡⴻⴹ ⵏ ⵡⴰⵎⴰⵏ ⵏ ⵛⵛⴻⵟⵟ ⵛⵛⴻⵔⴳⵉ ⴷ ⵛⵛⴻⵟⵟ ⵍⵖⴻⵔⴱⵉ ⴷⴻⴳ ⵓⴽⴰⵜⴰⵔ ⵏ ⵜⵙⵓⴷⴷⵙⵉⵏ (ⵉⵙⵜⵔⴰⵜⵉⴵⵉⵢⵢⴰⵜ) ⵏ ⵓⵡⴰⵏⴰⴽ (ⴷⴰⵡⵍⴰ) ⵉ ⵓⴼⴻⵔⵔⵓ ⵏ ⵡⵓⴳⵓⵔ ⵏ ⵍⴻⵅⵚⴰⵚ ⵏ ⵡⴰⵎⴰⵏ.
