ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⴰⵍⵉⴱⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴰⴱⴷⴰⴷ « ⵢⴻⵣⴳⴰⵏ » ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵜⵎⵓⵔⵜ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⴰⵍⵉⴱⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵎⵧⵀⴰⵎⴻⴷ ⵜⴰⵀⴰⵔ ⵙⵉⴰⵍⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⴰⴱⴷⴰⴷ « ⵢⴻⵣⴳⴰⵏ, ⵓⵔ ⵢⴻⵜⵜⴱⴻⴷⴷⵉⵍⴻⵏ » ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵍⵉⴱⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵢⴻⵙⵙⴰⵔⴰⵎ ⴰⴷ ⵉⵥⴻⵔ ⵍⴻⵣⵣⴰⵢⴻⵔ ⵜⴻⵜⵜⵓⵔⴰⵔ « ⴷⴷⵓⵕ ⵎⴻⵖⵖⵔⴻⵏ ⵓⴳⴰⵔ » ⴷⴻⴳ ⵓⵙⵙⵉⵖⵉ ⵏ « ⵜⴰⵍⵡⵉⵜ » ⴷ « ⵡⴻⵔⴽⴰⴷ » ⴰⵔⴰ ⵉⴷⵓⵎⴻⵏ ⴷⴻⴳ ⵜⵎⵓⵔⵜ-ⴰ ⵜⴰⵏⴰⵔⴰⴳⵜ (ⴵⴰⵕⴰ).

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵍⵉⴱⵉ ⴰⵢⴰ ⵎⵉ ⵢⴻⵙⵙⴰⵡⴻⵍ ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵉⴱⵢⴰ ⴷⴻⴳ ⵢⵉⵊⵉⴼⴻⵕ ⵏ ⵡⴻⵙⴽⴰⵙⵉ ⴰⵎⴰⵜⵓ ⵏ ⵜⴻⴷⵡⵉⵍⵜ ⵜⵉⵙ 71 ⵏ ⵡⴻⴳⵔⴰⵡ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵔⴰ ⴷ-ⵢⵉⵍⵉⵏ ⴳⴰⵔ 20 ⴷ 26 ⵛⵜⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

ⵙⵙⴰⵡⵍⴻⵏ ⴷⴰⵖ ⵖⴻⴼ « ⵜⵉⴳⴰⵡⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⵎ ⵡⴰⴽⴽⴻⵏ ⴰⵢ ⴷ-ⴱⴻⴷⵔⴻⵏ ⴷⴷⵓⵕ ⴰⵢ ⵢⴻⵙⵙⴻⴼⴽ ⴰⴷ ⵜ-ⵜⴻⵙⵄⵓ ⵍⵉⴱⵢⴰ ⴷⴻⴳ ⵜⵓⴷⴷⵙⵉⵡⵉⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ-ⴰ.

ⵢⵓⵍⴻⵙ ⴷⴰⵖ ⵉⵡⴻⴽⴽⴻⴷ-ⴷ ⵎⴰⵙⵙ ⵍⴰⵎⴰⵎⵔⴰ ⵖⴻⴼ ⵡⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵡⴻⵔⴷⴰⵏⵉⵜ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵢⴻⵏ ⴰⵢ ⵜⴻⴱⵖⴰ ⵍⴷⵣⴰⵢⴻⵔ ⴷ ⴰⵎⵙⵓⵖⴰⵍ ⴰⵖⴻⵍⵏⴰⵡ ⴳⴰⵔ ⵡⴰⴽⴽ ⵉⵍⵉⴱⵉⵢⴻⵏ ⴷ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴳⴰⵔ ⵢⵉⵍⵉⴱⵉⵢⴻⵏ ⵉ ⵜⴰⵍⵓⴼⵜ ⵢⴻⵍⵍⴰⵏ ⴷⴻⴳ ⵜⵎⵓⵔⵜ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ.

ⵢⵓⵍⴻⵙ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ, ⵉ ⵍⵎⴻⵏⴷ ⵏ ⵡⴰⵢⴰ, « ⴰⵄⴰⵀⴻⴷ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⴱⴷⴻⴷ ⵉ ⵍⵎⴻⵏⴷ ⵏ ⵡⴻⵖⵔⴻⴼ ⴰⴳⵎⴰⵜ ⴰⵍⵉⴱⵉ ⵢⴻⵔⵏⵓ ⴰⴷ ⵜⴻⵎⵄⴰⵡⴰⵏ ⴷ ⵜⵎⵓⵔⴰ ⵏⵉⴹⴻⵏ ⵢⴻⵍⵍⴰⵏ ⴷ ⵜⵉⵏⴰⵔⴰⴳⵉⵏ (ⴵⴰⵔⴰ) ⵏ ⵍⵉⴱⵢⴰ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵣⴻⴽⴽⴰ ⵢⴻⵍⵀⴰⵏ ⵉ ⵢⵉⵖⴻⵔⴼⴰⵏ ⵏ ⵜⴻⵎⵏⴰⴹⵜ ».