ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵏ ⵧⵒⴻⵒ ⴷⴻⴳ ⵍⴻⵣⵣⴰⵢⴻⵔ: ⵔⵔⵓⵙ ⵜⴻⵙⵙⴰⵔⴰⵎ ⴰⴷ ⵢⴻⵜⵜⵡⴰⴷⴷⴻⵎ ⵕⵕⴰⵢ ⵙ ⵡⴰⵣⴰⵍ-ⵏⵏⴻⵙ (ⴰⵏⴻⵖⵍⴰⴼ)
ⵎⵓⵙⴽⵓ, – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵔⵓⵙⵉ ⵏ ⵜⴻⵥⵡⴻⵔⵜ (ⵟⴰⵇⴰ) ⴷⴰⴽⴽⴻⵏ ⵔⵔⵓⵙ ⵜⴻⵡⵊⴻⴷ ⴰⴷ ⵜⴻⵙⴽⴰⵙⵉ ⵖⴻⴼ « ⵜⵉⴳⴰⵡⵜ ⵢⴻⵜⵜⵡⴰⵙⵙⴻⵎⵢⵓⴷⴷⵙⴻⵏ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵇ ⵏ ⵓⵒⵉⵜⵕⵓⵍ ⴷⴻⴳ ⵜⴻⵎⵍⵉⵍⵉⵜ ⵜⴰⵔⴰⵍⵖⴰⵏⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵜⴰⵔⵓⵙⵉⵜ ⵏ ⵜⴰⵙⵙ ⴰⵙⵙ ⵏ ⵍⴰⵕⴻⴱⵄⴰ.
« ⵜⴰⵎⴻⵣⵡⴰⵔⵓⵜ, ⵍⴰ ⵏⴻⵜⵜⵕⴰⵊⵓ ⴰⴷ ⴷ-ⵢⵉⵍⵉ ⵓⴷⵉⵡⴻⵏⵏⵉ ⵉⴱⴻⵏⵏⵓⵏ ⴷⴻⴳ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ. ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵕⵕⴰⵢ ⴰⵔⴰ ⵢⴻⵜⵜⵡⴰⴷⴷⵎⴻⵏ ⴷⴻⴳ ⵜⵓⴷⴷⵙⴰ-ⴰ, ⵏⴻⵜⵜⵡⴻⴽⴽⵉⴷ-ⴷ ⴷⵉⵎⴰ ⴰⴷⴷⵓⴷ-ⵏⵏⴻⵖ, ⴷ ⵡⵉⵏ ⴰⵢⴷⴻⴳ ⵔⵔⵓⵙ ⵜⴻⵡⵊⴻⴷ ⴰⴷ ⵜⴻⵅⴷⴻⵎ ⴷ ⵢⴻⵏⴼⴰⵔⴰⵙⴻⵏ (ⵎⵓⵏⵜⵉⴵⵉⵏ) ⵏⵉⴹⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵇ ⵏ ⵓⵒⵉⵜⵕⵓⵍ. ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⴰⵡⵊⴰⴷ-ⵏⵏⴻⵖ ⴰⴽⴽⴻⵏ ⴰⴷ ⵏⴻⵎⵛⵉⵡⴻⵕ ⵖⴻⴼ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴷ ⵢⴻⵎⵄⴰⵡⴻⵏ ⴷⴻⴳ ⵍⴻⵙⵡⴰⵇ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵍⴻⵅⴰⵏⴷⴻⵔ ⵏⵧⵠⴰⴽ.
ⵍⴻⵎⵛⴰⵡⵕⴰⵜ ⴳⴰⵔ ⵜⵎⵓⵔⴰ ⵜⵉⵏⴼⴰⵔⴰⵙⵉⵏ ⵏ ⵓⵒⵉⵜⵕⵓⵍ ⴰⴷ ⴷ-ⵉⵍⵉⵏⵜ ⴷⴻⴳ ⵓⴽⴰⵜⴰⵔ ⵏ ⵡⴻⵏⵎⴰⴳⴻⵔ ⴰⴳⵔⴰⵖⵍⴰⵏ ⵏ ⵜⴻⵥⵡⴻⵔⵜ ⴰⵔⴰ ⴳⴻⵏ ⴷⴻⴳ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵏⵧⵠⴰⴽ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⴷ ⴷ-ⵏⴰⴼ ⴰⴽⵓⴷ, ⴷⴻⴳ ⵜⵜⵉⵄⴰⴷ-ⴰ, ⵉ ⵜⴻⵎⵍⵉⵍⵉⵜ ⴷ ⵡⴻⵎⵛⵉⵡⴻⵕ ⵖⴻⴼ ⵜⴻⵎⵙⴰⵍⵜ-ⴰ. »
ⵜⵉⵎⵍⵉⵍⵉⵜ ⵜⴰⵔⴰⵍⵖⴰⵏⵜ ⵏ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ ⴰⴷ ⴷ-ⵜⵉⵍⵉ ⴰⵙⵙ ⵏ 28 ⵛⵜⴻⵎⴱⴻⵕ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⵓ ⴰⴷ ⵜⵉⵍⵉ ⴷ ⵜⴰⴳⵏⵉⵜ ⵉ ⵓⵙⵙⴻⴽⵢⴻⴷ ⵏ ⵜⴻⴳⵏⵉⵜ ⵜⴰⵎⵉⵔⴰⵏⵜ ⴰⵢⴷⴻⴳ ⵢⴻⵍⵍⴰ ⵙⵙⵓⵇ ⵏ ⵓⵒⵉⵜⵕⵓⵍ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵡⴻⵔⴽⴰⴷ ⵏ ⵙⵙⵓⵇ-ⴰ ⴷ ⵙⵙⵓⵎⴰⵜ-ⵏⵏⴻⵙ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ).
