ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵇ ⴰⵀⵕⴰⵙ: ⵜⴰⵎⵓⵙⵙⵏⵉ ⵏ ⵍⵇⴰⵏⵓⵏ ⵜⴻⵙⵙⴻⴼⴽ ⴷⴻⴳ ⵓⵙⵙⴻⴱⴷⴻⴷ ⵏ ⵜⴻⵕⵎⵉⵙⵉⵏ (ⵉⵙⴷⴰⵡⴰⵏⴻⵏ)
ⵙⵓⵇ ⴰⵀⵕⴰⵙ – ⵢⴻⵙⵙⴻⴼⴽ ⴰⴷ ⵙⵙⵏⴻⵏ ⵢⵉⵏⴻⵍⵎⴰⴷⴻⵏ ⵍⵇⴰⵏⵓⵏ ⵎⵉ ⴰⵔⴰ ⵍⴻⵎⵎⴷⴻⵏ ⴷⴻⴳ ⵜⴻⵙⴷⴰⵡⵉⵜ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵜⵉⵕⵎⵉⵙⵉⵏ (ⵛⴰⵔⵉⴽⴰⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⵉⵃⴻⴷⵕⴻⵏ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵙⵓⵇ ⴰⵀⵕⴰⵙ, ⴷⴻⴳ ⵡⴻⵅⵜⴰⵎ ⵏ ⵜⴻⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵖⴻⴼ ⵡⴻⵕⵎⴰⵙ (ⵎⵓⵇⴰⵡⴰⵍⴰ) ⴷ ⵓⵙⵙⴻⴱⴷⴻⴷ ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ.
ⴷⴻⴳ ⵓⵙⴰⵔⴰⴳ-ⵏⵏⴻⵙ ⴰⵢ ⴷ-ⵉⴳⴰ ⵖⴻⴼ ⵜⵎⵓⵙⵙⵏⵉⵡⵉⵏ ⵏ ⵍⵍⵙⴰⵙ ⴷⴻⴳ ⵍⵇⴰⵏⵓⵏ ⵏ ⵢⵉⵡⴻⵥⵍⴰ (ⴰⵄⵎⴰⵍ), ⵢⴻⵏⵏⴰ-ⴷ ⵡⴻⵒⵕⵓⴼⵉⵙⵓⵔ ⴽⴰⵎⴻⵍ ⴼⴻⵔⵀⴰⵧⵓⵉ ⴷⴰⴽⴽⴻⵏ ⵜⵉⵎⵓⵙⵙⵏⵉⵡⵉⵏ ⴷⴻⴳ ⵍⵇⴰⵏⵓⵏ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵉⵏⴻⵍⵎⴰⴷⴻⵏ ⴰⴷ ⴷ-ⴽⴻⵙⴱⴻⵏ ⵍⵍⵙⵉⵙⴰⵏ ⵏ ⵡⴰⵎⴻⴽ ⴰⵔⴰ ⵙⴼⴻⵔⴽⴻⵏ ⵜⵉⵕⵎⵉⵙⵉⵏ-ⵏⵙⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴳⵓⵜⴰ (ⵄⵓⵇⵓⴷ) ⵓⵣⵣⵉⴳⴻⵏ, ⵜⵉⵎⴻⵙⵖⵉⵡⵜ ⵙ ⵍⴻⴽⵔⴰ ⴷ ⵍⵇⴰⵏⵓⵏ ⵏ ⵓⵙⵙⴻⴼⵜⵉ, ⵛⵛⵕⴻⵄ ⴷⴻⴳ ⵜⴻⵎⵙⴰⵍ ⵏ ⵜⵏⴻⵣⵣⵓⵜ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴷⴰⵎⵙⴰ.
ⵢⴻⵙⵙⴻⴱⵖⴻⵙ ⴷⴰⵖ ⵉⵏⴻⵍⵎⴰⴷⴻⵏ ⵏ ⵢⵉⵖⵉⵡⵏⴻⵏ (ⴽⵓⵍⵍⵉⵢⵢⴰⵜ) ⵏ ⵜⴷⴰⵎⵙⴰ ⴰⴷ ⵙⵙⵏⴻⵏ ⵙ ⵜⴻⵍⵇⴻⵢ ⵜⴰⴷⴰⵎⵙⴰ, ⵍⴰⴷⵖⴰ ⵜⴰⴷⴰⵎⵙⴰ ⵜⴰⵙⴻⵔⵜⴰⵏⵜ ⴷ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵍⵇⴰⵏⵓⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⵔⵉⵎⵜ, ⴰⵙⵙⵓⴷⴻⵔ (ⵉⵙⵜⵉⵀⵍⴰⴽ) ⴷ ⵓⴼⴰⵔⴻⵙ.
ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴱⴰⵏⴽⴰ ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ (ⵎⴰⵃⴰⵍⵍⵉⵢⵢⴰ), ⵎⴰⵙⵙ ⵎⴰⵀⵎⵧⵓⴷ ⴳⵓⴻⵍⵎⴰⵎⵉ, ⵢⴻⵙⵙⴰⵡⴻⵍ-ⴷ ⴷⴻⴳ ⵓⵙⴰⵔⴰⴳ-ⵏⵏⴻⵙ ⵖⴻⴼ ⵜⵙⴻⴽⴽⵉⵔⵉⵏ (ⵉⴵⵔⴰ’ⴰⵜ) ⵏ ⵜⴱⴰⵏⴽⵉⵡⵉⵏ ⴷⴻⴳ ⵡⴻⵙⵏⵓⵍⴼⵓ ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵓⵙⵙⵉⴼⵙⴻⵙ ⵢⴻⵍⵍⴰⵏ ⴷⴻⴳ ⵡⴻⵏⵔⴰⵔ-ⴰ.
ⵡⵉⴷ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵥⵔⵉⴳⵜ-ⴰ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⴷⴰⵡⵉⵜ ⵏ « ⵎⵧⵀⴰⵎⴻⴷ-ⵛⵀⴻⵔⵉⴼ-ⵎⴻⵙⵙⴰⴰⴷⵉⴰ » ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⵖⴻⴼ ⵡⴰⵣⴰⵍ ⵏ ⵡⴻⵙⵎⴰⵍ ⵏ ⵢⴻⴷⵍⴻⵙ ⵏ ⵡⴻⵕⵎⴰⵙ ⴷ ⵡⴻⵣⵔⴰⵄ-ⵏⵏⴻⵙ ⴳⴰⵔ ⵢⵉⵏⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵏⴻⵣⴳⴰⵔⵜ ⴳⴰⵔ ⵜⴻⵙⴷⴰⵡⵉⵜ ⴷ ⵓⵎⴰⴹⴰⵍ ⵏ ⵓⵅⴻⴷⴷⵉⵎ.
