ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵍⵍⵉⵣⵉ: ⵙⵏⴰⵜ ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ ⵏ ⵜⴻⵎⵙⴰⵡⵍⴰ ⵜⴰⵣⵉⵔⴰⵣⵜ ⵉ ⵜⴻⵎⵏⴰⴹⵉⵏ ⵜⵓⵄⵣⵉⵍⵉⵏ

ⵉⵍⵍⵉⵣⵉ – 2 ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ ⵏ ⵜⴻⵎⵙⴰⵡⵍⴰ ⵜⴰⵣⵉⵔⴰⵣⵜ ⴰⵔⴰ ⵙⵙⴻⵔⵙⴻⵏ ⵉ ⵜⴷⵓⵍⵉ ⵏ ⵜⴻⵎⵏⴰⴹⵉⵏ ⵜⵓⵄⵣⵉⵍⵉⵏ ⵏ ⵜⵡⵉⵍⴰⵢⵜ ⵏ ⵉⵍⵍⵉⵣⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵜⵏⴰⵣⴻⵏⵜ (ⴱⴰⵔⵉⴷ).

ⵢⵉⵡⴻⵜ ⵙⴻⴳ ⵜⴻⵖⵙⴰⵔ-ⴰ (ⵎⴰⵃⴰⵟⵟⴰⵜ) ⴰⴷ ⵜⵜ-ⵙⵙⴻⵔⵙⴻⵏ ⵉ ⵜⴻⵎⵏⴰⴹⵜ ⵏ ⵡⴰⴷ ⴽⵢⵓⵜ, ⵡⴰⴷ ⵙⴰⵎⴻⵏ, ⵉⵎⴻⵀⵔⵓ ⴷ ⵜⵓⵔⴻⵙⵜ (ⵜⴰⵖⵉⵡⴰⵏⵜ ⵏ ⵉⵍⵍⵉⵣⵉ), ⵢⴻⵔⵏⵓ ⵜⴻⴱⴷⴰ ⵢⴰⴳⵉ ⴰⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵡⴻⵃⵔⵉⵛ-ⴰ, ⵙⵍⵉⵎⴰⵏⴻ ⴰⵧⵓⴰⵍⵉ.

ⵜⵉⵙ ⵙⵏⴰⵜ ⴰⴷ ⵜⴻⴱⴷⵓ ⴰⵅⴻⴷⴷⵉⵎ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⵓ ⴰⴷ ⵜⴷⴻⵍ ⵜⴰⵎⵏⴰⴹⵜ ⵏ ⵜⴰⵙⵙⴻⵜ (ⴷⴻⴳ ⵜⴻⵎⴷⵉⵏⵜ ⵏ ⵉⵍⵍⵉⵣⵉ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵡⵍⴰ ⵜⵓⵙⴱⵉⴹⵜ, ⵜⴻⵙⴼⴰⵢⴷⵉ-ⴷ ⵜⵡⵉⵍⴰⵢⵜ ⵏ ⵉⵍⵍⵉⵣⵉ ⵙⴻⴳ 6 ⵏ ⵢⵉⵙⴻⵏⴼⴰⵔⴻⵏ ⵉ ⵍⵎⴻⵏⴷ ⵏ ⵜⵓⵇⵇⵏⴰ ⵏ ⵡⴰⵛⵃⴰⵍ ⵏ ⵢⵉⵎⵓⴽⴰⵏ ⵢⴻⵜⵜⵡⴰⵣⴻⴷⵖⴻⵏ ⵖⴻⵔ ⵓⵥⴻⴹⴹⴰ ⵏ ⵜⵏⴻⵍⵡⴰ ⵜⵉⵙⴻⴽⴷⴰⵏⵉⵏ, ⴳⴰⵔ-ⴰⵙⴻⵏ ⵜⵓⵇⵇⵏⴰ ⴳⴰⵔ ⴱⵓⵕⴵ ⵧⵎⴰⵔ ⴷⵔⵉⵙⵙ ⴷ ⵜⵉⵀⵉⵀⴰⵡⵜ, ⴷ ⵜⴰⵢⴻⴹ ⴰⵔⴰ ⵢⴻⵇⵇⵏⴻⵏ ⴳⴰⵔ ⴵⴰⵏⴻⵜ ⴷ ⵜⴰⴷⴻⵏⵜ. ⵜⵓⵇⵇⵏⵉⵡⵉⵏ ⵏⵉⴹⴻⵏ ⴰⴷ ⴷ-ⵉⵍⵉⵏⵜ ⴳⴰⵔ ⵜⵖⵉⵡⴰⵏⵜ ⵏ ⴱⵓⵕⴵ ⴻⵍ-ⵀⴰⵧⵓⴻⵙ ⴷ ⵜⵓⵔⴻⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵧⵓⴰⵍⵉ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵅⴻⴷⴷⵉⵎⴻⵏ ⵏ ⵜⵓⵇⵇⵏⴰ ⵏ ⵡⴰⴷ ⴰⵎⴰⵏ ⴷ ⵉⵎⴻⵀⵔⵓ (ⴷⴻⴳ ⵜⴻⵎⴷⵉⵏⵜ ⵏ ⵉⵍⵍⵉⵣⵉ) ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⴼⴰⴽⴻⵏ.

ⵎⵉ ⴰⵔⴰ ⴼⴰⴽⴻⵏ ⵢⵉⵅⴻⴷⴷⵉⵎⴻⵏ-ⴰ, ⴰⴷ ⵙⵙⵉⵡⴹⴻⵏ ⵢⵉⵙⴻⵏⴼⴰⵔⴻⵏ-ⴰ ⵖⴻⵔ ⵜⴷⵓⵍⵉ ⵏ 95% ⵏ ⵉⵍⵍⵉⵣⵉ ⵙ ⵢⵉⵥⴻⴹⵡⴰⵏ ⵏ ⵜⴻⵎⵙⴰⵡⵍⴰ ⵜⵓⵙⴱⵉⴹⵜ ⴷ ⵜⴻⵎⵙⴰⵡⵍⴰ ⵏ ⵓⴼⵓⵙ.