ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⵜⵜⴻⴽⴽⵉ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ ⴷⴻⴳ ⵜⴻⵎⵍⵉⵍⵉⵜ ⵜⵉⵙ 3 ⵖⴻⴼ ⵡⴻⵙⴼⵓⵍⵎⴻⵏ ⵏ ⵜⵙⴻⴷⵏⴰⵏ ⴷⴻⴳ ⴱⴰⵔⵛⴻⵍⵧⵏⴰ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵜⴻⵜⵜⴻⴽⴽⵉ ⵜⵎⴰⵙⵍⴰⴹⵜ (ⵄⵓⴹⵡⴰ) ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⵀⴰⴼⵉⴷⵀⴰ ⴱⴻⵏⵛⵀⴰⵀⵉⴷⴰ, ⴷⴻⴳ ⵜⴻⵎⵍⵉⵍⵉⵜ ⵜⵉⵙ 3 ⵏ ⵡⴻⵙⵡⵉⵔ ⵓⵏⵏⵉⴳ ⵖⴻⴼ ⵡⴻⵙⴼⵓⵍⵎⴻⵏ ⵏ ⵜⵙⴻⴷⵏⴰⵏ, ⴰⵔⴰ ⴷ-ⵢⵉⵍⵉⵏ ⴳⴰⵔ 10 ⴷ 11 ⵜⵓⴱⴻⵕ ⴷⴻⴳ ⴱⴰⵔⵛⴻⵍⵧⵏⴰ (ⵙⵒⴻⵏⵢⵓⵍ) ⵢⴻⵔⵏⵓ ⴰⴷ ⵜⵜ-ⵜⴻⵙⵙⵓⴷⴷⴻⵙ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

ⵜⵉⵎⵍⵉⵍⵉⵜ-ⴰ ⴰⴷ ⴷ-ⵜⵉⵍⵉ ⵉ ⵍⵎⴻⵏⴷ ⵏ ⵡⴻⵙⴼⵓⵍⵎⴻⵏ ⵏ ⵜⵎⴻⵟⵟⵓⵜ ⴷ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵡⴻⵙⵎⴰⵍ (ⵜⴰⵔⵡⵉⴵ) ⵏ ⵜⴰⵍⵡⵉⵜ, ⴰⵙⵏⴻⴼⵍⵉ ⴷ ⵡⴻⵔⴽⴰⴷ ⴷⴻⴳ ⵜⴻⵎⵏⴰⴹⵜ ⵏ ⵢⵉⵍⴻⵍ ⴰⴳⵔⴰⴽⴰⵍ ⴷ ⵜⵓⵕⵓⴼⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⴷⴻⴳ ⵡⴰⵀⵉⵍ ⵏ ⵜⴻⵎⵍⵉⵍⵉⵜ-ⴰ, ⴰⴷ ⴷ-ⵉⵍⵉⵏⵜ 4 ⵏ ⵜⵖⵉⵎⵉⵢⵉⵏ ⵉ ⵓⵙⵙⴻⴽⵢⴻⴷ ⵏ ⵜⴻⴳⵏⵉⵜ ⵜⴰⵎⵉⵔⴰⵏⵜ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ, ⵜⵉ ⴰⵔ ⴷ-ⵃⴰⵣⴻⵏⵜ ⵜⵉⵎⵙⴰⵍ ⵏ « ⵜⵙⴻⴷⵏⴰⵏ ⴷ ⴰⵎⵓⵜⵓⵔ ⵏ ⵡⴻⵙⵏⴻⴼⵍⵉ ⴰⴷⵓⵎⴰⵏ ⵉ ⵓⵏⵏⴻⵔⵏⵉ ⴰⵔⴰ ⴷ-ⵉⵃⴰⵣⴻⵏ ⴰⴽⴽ ⵎⴻⴷⴷⴻⵏ », « ⵜⵉⵙⴻⴷⵏⴰⵏ ⴷ ⵜⵉⵎⴻⴳⴳⵉⵢⵉⵏ ⵏ ⵍⵍⵙⴰⵙ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ », ⴷ « ⵜⵙⴻⴷⵏⴰⵏ, ⵜⵉⵍⴻⵍⵍⵉ ⵏ ⵡⴻⵡⵍⵉⵡⴻⵍ ⴷ ⵢⵉⵏⵉⴳ », ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⵡⴻⵊⴷⴻⵏ ⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵖⴻⴼ ⵓⵙⵙⴻⵊⵀⴻⴷ ⵏ ⴷⴷⵓⵕ ⵏ ⵜⵙⴻⴷⵏⴰⵏ ⴷⴻⴳ ⵜⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.