ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵢⴰⴳⴻⵔ ⵏ ⵡⴻⵎⵛⵉⵡⴻⵕ ⴳⴰⵔ ⴱⴻⵏⴳⵀⴻⴱⵔⵉⵜ ⴷ ⵢⴻⵏⵎⵓⵍⴰ ⵖⴻⴼ ⵜⴻⵎⵙⴰⵍⵜ ⵏ ⵜⴻⵙⵜⴰⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵎⵍⴰⵍ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵢⴻⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ (ⵉⵏⵎⵓⵍⴰ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵡⵍⴰⵏ ⵏ ⵢⵉⵏⴻⵍⵎⴰⵏⴷⴻⵏ) ⵉ ⵍⵎⴻⵏⴷ ⵏ ⵡⴻⵎⵛⵉⵡⴻⵕ ⵖⴻⴼ ⵜⴻⵎⵙⴰⵍⵜ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ).
ⵜⵜⴻⴽⴽⴰⵏ ⴷⴰⵖ ⴷⴻⴳ ⵡⴻⵎⵢⴰⴳⴻⵔ-ⴰ ⵢⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ ⵏ ⵓⵅⴻⴷⴷⵉⵎ ⴷ ⵡⵉⴷ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ.
ⴷⴻⴳ ⵜⵉⵏⴰⵡⵜ-ⵏⵏⴻⵙ ⵏ ⵡⴻⵔⵥⴰⵎ ⵏ ⵡⴻⵎⵢⴰⴳⴻⵔ-ⴰ (ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵜⴻⵡⵡⵓⵔⴰ ⵜⵓⵎⴷⵉⵍⵉⵏ), ⵜⴻⵏⴽⴻⵕ ⵜⵏⴻⵖⵍⴰⴼⵜ ⴷⴷⵉⵄⴰⵢⴰ ⴰⵢ ⵍⴰ ⵢⴻⵜⵜⴻⵣⵣⵉⵏ ⴷⴻⴳ ⵢⵉⵖⴻⵔⴱⴰⵣⴻⵏ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵜⴰⵙⵜⴰⵖⵜ ⴰⴷ ⵜⴻⵜⵜⵡⴰⵃⵙⴻⴱ ⵖⴻⴼ ⵍⴻⵃⵙⴰⴱ ⵏ 10 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵏ ⵓⵅⴻⴷⴷⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ « ⴷⴷⵉⵄⴰⵢⴰⵜ-ⴰ ⵓⵔ ⵙⵄⵉⵏⵜ ⵍⵍⵙⴰⵙ, ⴱⵖⴰⵏⵜ ⴽⴰⵏ ⴰⴷ ⵛⴻⵡⵡⵍⴻⵏⵜ ⵉⵙⴻⵍⵎⴰⴷⴻⵏ ».
ⵜⴻⵏⴽⴻⵕ ⴷⴰⵖ ⴷⴷⵉⵄⴰⵢⴰ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵜⵉⴽⴼⵉ (ⵎⵉⵏⵃⴰ) ⵏ ⵜⵔⴰⵔⴰⵢⵜ ⵓⵔ ⵜⵜ-ⵉⴷ-ⴳⴳⴰⵔⴻⵏ ⴷⴻⴳ ⵍⴻⵃⵙⴰⴱ ⵏ ⵜⴻⵙⵜⴰⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷⴰⴽⴽⴻⵏ ⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ ⵏ ⵓⵅⴻⴷⴷⵉⵎ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵣⴻⵎⵔⴻⵏ ⴰⴷ ⴷ-ⵔⵏⵓⵏ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⵡⴰⵢⴰ.
ⵎⴰ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ, ⵙⵍⵉⵎⴰⵏⴻ ⵎⴻⵍⵧⵓⴽⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵃⵙⴰⴱ ⵏ ⵜⴻⴽⴼⵉ ⵏ ⵜⴻⵙⵜⴰⵖⵜ ⵢⴻⵜⵜⵉⵍⵉ-ⴷ ⵖⴻⴼ ⵍⵍⵙⴰⵙ ⵏ 5 ⵏ ⵢⵉⵙⴻⴳⴳⴰⵙⴻⵏ ⵉⵎⵅⴻⵢⵢⵔⴻⵏ ⵏ ⵓⵅⴻⴷⴷⵉⵎ, ⵢⴻⵔⵏⵓ ⵜⵉⴽⴼⵉ ⵏ ⵜⵔⴰⵔⴰⵢⵜ ⴰⴷ ⴷ-ⵜⴻⴷⴷⵓ ⴷⴻⴳ ⵍⴻⵃⵙⴰⴱ ⵏ ⵜⴻⵙⵜⴰⵖⵜ. ⵍⵓ:
