ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵜⵉⵖⵔⵉ ⵏ ⵍⴻⵣⵣⴰⵢⴻⵔ ⵉ ⵡⵓⵖⴰⵍ ⵖⴻⵔ ⵍⴻⵎⵛⴰⵡⵕⴰⵜ ⴰⴽⴽⴻⵏ ⴰⴷ ⴷⴷⵓⵏⵜ ⵜⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ
ⵏⴻⵡ ⵢⵧⵔⴽ – ⵉⴳⴻⵔ-ⴷ ⵜⵉⵖⵔⵉ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵢⴻⵣⴳⴰⵏ ⵏ ⵍⴻⵣⵣⴰⵢⴻⵔ ⵖⴻⵔ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙⴰⴱⵔⵉ ⴱⵧⵓⴽⴰⴷⵧⵓⵎ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵏⴻⵡ ⵢⵧⵔⴽ, ⵉ ⵍⵎⴻⵏⴷ ⵏ ⵡⵓⵖⴰⵍ ⵖⴻⵔ ⵍⴻⵎⵛⴰⵡⵕⴰⵜ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵜⴻⴼⴼⴻⵖ ⵜⴻⵎⵙⴰⵍⵜ-ⴰ ⵙⴻⴳ ⵡⴻⴱⵔⵉⴷ ⵉⵔⴻⴳⵍⴻⵏ ⵢⴻⵔⵏⵓ ⴰⴷ ⵉⴽⴻⵎⵎⴻⵍ ⵓⴽⴰⵍⴰ (ⵎⴰⵙⴰⵔ) ⵏ ⵜⴰⵍⵡⵉⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵜⴰⴷⴰⵅⵅⵓⵍ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵅⵜⴰⵎ ⵏ ⵡⴻⵙⴽⴰⵙⵉ ⵏ ⵜⴻⵙⵎⵉⵍⵜ ⵜⵉⵙ 4 ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⵍⵀⴰⵏ ⵙ ⵜⴻⵎⵙⴰⵍ ⵜⵓⵣⵣⵉⴳⵉⵏ ⴷ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ, ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵎⴰⵣⴰⵍ-ⵉⵜⵜ « ⴷⴻⴳ ⵡⴻⴱⵔⵉⴷ ⵉⵔⴻⴳⵍⴻⵏ » ⵢⴻⵔⵏⵓ ⵍⵍⴰⵏ ⵡⵉⴷ ⴰⵢ ⵢⴻⴱⵖⴰⵏ ⴰⴷ ⵙⵙⴻⴷⴷⵓⵏ ⴰⴽⴰⵍⴰ ⵏ ⵜⴰⵍⵡⵉⵜ ⵙ ⵢⵉⵙⴻⵎ-ⵏⵙⴻⵏ.
« ⵍⵎⵓⴼⵉⴷ ⵏⴻⵜⵜⴰ ⴰⵙⴻⴳⴳⴰⵙ ⵢⴻⵣⵔⵉⵏ, ⵓⵔ ⴷ-ⵢⴻⵍⵍⵉ ⵡⴰⵛⴻⵎⵎⴰ ⵢⴻⵍⵀⴰⵏ ⵢⴻⵔⵏⵓ ⵎⴰ ⵓⵍⴰⵛ ⴰⵛⴻⵎⵎⴰ ⵢⴻⵍⵀⴰⵏ, ⴰⵢⴰ ⵓⵔ ⴷ-ⵢⴻⵜⵜⴱⴻⵛⵛⵉⵕ ⵙ ⵍⵅⵉⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵜⴻⵙⵎⵉⵍⵜ-ⴰ (ⵍⴰⴵⵏⴰ), ⵓⵇⴱⴻⵍ ⵎⴰ ⵙⵙⵓⴼⴼⵖⴻⵏ-ⴷ ⵜⴰⵏⴻⵖⵜⵓⵙⵜ (ⵇⴰⵔⴰⵔ) ⴰⵢ ⵉⵄⴰⵡⴷⴻⵏ ⵉⵡⴻⴽⴽⴻⴷ-ⴷ ⴰⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ.
« ⵉⵣⴻⵏ-ⵉⵏⵓ ⴷ ⴰⵃⴻⵔⴼⵉ: ⴰⵙⴻⵜ-ⴷ ⴰⴷ ⵏⴻⴱⴷⵓⵜ ⵙ ⵡⴰⵢⴻⵏ ⴰⵢ ⴷ-ⵜⴻⵙⵙⵓⵜⴻⵔ ⵜⵏⴻⵖⵜⵓⵙⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ 2286 ⵏ 2016, ⵜⵉⵏ ⴰⵢ ⴷ-ⵉⵡⴻⵚⵚⴰⵏ ⵖⴻⴼ ⵓⵙⵙⵓⴷⴷⴻⵙ ⵏ ⵜⵓⵣⵣⵢⴰ ⵜⵉⵙ 5 ⵏ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⵏⵏⵉ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴱⵧⵓⴽⴰⴷⵧⵓⵎ, ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⴰⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵢⴻⵙⵙⴻⴼⴽ ⴰⴷ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵎⴰⵣⵓⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴰⴽⴽⴻⵏ ⴰⴷ ⵜ-ⵉⵄⴰⵡⴻⵏ ⴰⴷ ⴷ-ⵢⴻⵙⴷⵓⵇⵇⴻⵙ ⴰⴽⴰⵍⴰ ⵏ ⵍⴻⵎⵛⴰⵡⵕⴰⵜ ⴰⵢ ⵉⵃⴻⴱⵙⴻⵏ ⵙⴻⴳ 2012.
