ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴼⴻⵏ ⵙⴰ ⵏ ⵢⵉⴼⴻⵔⴷⵉⵙⴻⵏ ⵢⴻⵜⵜⵄⴰⵡⴰⵏⴻⵏ ⵜⵉⴳⵔⴰⵡⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵜⴱⴰⵜⴻⵏⵜ ⵔⵏⴰⵏ ⵀⵓⴷⴷⴻⵏ 4 ⵜⵏⴰⴼⴼⴰⵔⵉⵏ ⴷⴻⴳ ⴱⵓⵎⴻⵔⴷⴰⵙ ⴰⴽⴽⴻⴷ ⵙⵉⴷⵉ ⴱⴻⵍⵄⴻⴱⴱⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵀⵓⴷⴷⴻⵏ ⵢⵉⴼⴻⵔⴷⵉⵙⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴽⵓⵥ (4) ⵏ ⵜⵏⴰⴼⴼⴰⵔⵉⵏ, ⵉⴼⴻⵛⴽⴰ ⵏ ⵓⵙⵟⴻⵔⴹⴻⵇ ⴰⴽⴽⴻⴷ ⵢⵉⵡⴻⵜ ⵏ ⵍⴱⵓⵎⴱⴰ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⴱⵓⵎⴻⵔⴷⴰⵙ ⴰⴽⴽⴻⴷ ⵙⵉⴷⵉ ⴱⴻⵍⵄⴻⴱⴱⴰⵙ, ⵔⵏⴰⵏ ⵟⵟⴼⴻⵏ ⵙⴰ (7) ⵏ ⵢⵉⴼⴻⵔⴷⵉⵙⴻⵏ ⵢⴻⵜⵜⵄⴰⵡⴰⵏⴻⵏ ⵜⵉⴳⵔⴰⵡⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵜⴱⴰⵜⴻⵏⵜ, ⵉ ⴷ-ⵢⴻⵏⵏⴰ ⴰⵙⵙ ⵜⵜⵍⴰⵜⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵀⵓⴷⴷⴻⵏⵜ, ⴰⵙⵙ ⵏ 10 ⵜⵓⴱⴻⵔ 2016, ⴽⵓⵥ (04) ⵏ ⵜⵏⴰⴼⴼⴰⵔⵉⵏ, ⵉⴼⴻⵛⴽⴰ ⵏ ⵓⵙⵟⴻⵔⴹⴻⵇ ⴰⴽⴽⴻⴷ ⵢⵉⵡⴻⵜ ⵏ ⵍⴱⵓⵎⴱⴰ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴷⴻⴳ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ) ⴰⴽⴽⴻⴷ ⵙⵉⴷⵉ ⴱⴻⵍⵄⴻⴱⴱⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⵎⴰ ⵢⴻⵍⵍⴰ ⴷ ⵜⴰⵙⴻⵏⵙⵉⵔⵜ ⵏⵏⵉⴹⴻⵏ ⵜⴻⵟⵟⴻⴼ, ⴷⴻⴳ ⵜⴱⴰⵜⴻⵏⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5), ⵙⴰ (7) ⵏ ⵢⵉⴼⴻⵔⴷⵉⵙⴻⵏ ⵢⴻⵜⵜⵄⴰⵡⴰⵏⴻⵏ ⵜⵉⴳⵔⴰⵡⵉⵏ ⵏ ⵢⵉⵔⴻⵎⵎⴰⵖⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵙⵖⴻⵍⵍⴻⵙ ⵏ ⵜⵍⵉⵙⴰ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ‘’ ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵙ ⵓⵛⵔⴰⴽ ⵏ ⵢⵉⴼⴻⵔⴷⵉⵙⴻⵏ ⵏ ⵢⵉⵎⵙⴻⵣⴳⴰⵔⴻⵏ ⵟⵟⴼⴻⵏ, ⴷⴻⴳ ⵄⵉⵏ ⵜⵉⵎⵓⵛⴻⵏⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ2), ⵙⵉⵏ ⵏ ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⵜⴻⴽⴽⴻⵙ 389 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ’’, ⴷⴻⴳ ⵢⵉⵡⴻⵜ ⵏ ⵓⴽⵓⴷ ‘’ⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵟⵟⴼⴻⵏ, ⴷⴻⴳ ⵜⵍⴻⵎⵙⴰⵏ, 2125 ⵏ ⵢⵉⵍⵉⵜⵔⴻⵏ ⵏ ⵢⵉⵙⴻⵔⵖⴰⵏ.