ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵛⵉⵔⴹⴰⵔⵜ: ⵢⴻⵜⵜⴰⵅⴻⵔ ⵎⵉⵍⵧⵠⴰⵏ ⵔⴰⵊⴻⵠⴰⵛ (ⴷ ⵓⵏⵚⵉⴱ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵓⴷⴻⴳ-ⵏⵏⴻⵙ ⵓⵏⵚⵉⴱ ⴷⴰⴽⴽⴻⵏ ⴰⵙⵍⴻⵖⵎⴰⵢ ⴰⵖⴻⵍⵏⴰⵡ ⵎⵉⵍⵧⵠⴰⵏ ⵔⴰⵊⴻⵠⴰⵛ ⵢⴻⵜⵜⴰⵅⴻⵔ ⵙⴻⴳ ⵡⴻⵎⴽⴰⵏ-ⵏⵏⴻⵙ.
« ⵢⴻⵜⵜⴰⵅⴻⵔ ⵎⴰⵙⵙ ⵎⵉⵍⵧⵠⴰⵏ ⵔⴰⵊⴻⵠⴰⵛ ⴰⵙⵙ ⵏ ⵜⵜⵍⴰⵜⴰ 11 ⵜⵓⴱⴻⵕ 2016 ⵙⴻⴳ ⵡⴻⵎⴽⴰⵏ-ⵏⵏⴻⵙ ⵏ ⵡⴻⵙⵍⴻⵖⵎⴰⵢ ⴰⵖⴻⵍⵏⴰⵡ ⵏ ⵜⴻⵖⵍⴰⵎⵜ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵡⴻⵣⵣⵉⵍⴻⵏ ⵎⵍⵉⵃ.
ⵜⴰⴼⵉⴷⵉⵕⴰⵍⵉⵜ ⵓⵔ ⴷ-ⵜⴻⴼⴽⵉ ⴰⵛⴻⵎⵎⴰ ⵏ ⵜⵜⴼⴰⵚⵉⵍ ⵖⴻⴼ ⵙⵙⴻⴱⴱⴰⵜ ⴰⵢ ⵢⴻⴵⴵⴰⵏ ⴰⵙⵍⴻⵖⵎⴰⵢ-ⴰ ⴰⴷ ⵢⴻⵜⵜⵉⵅⴻⵔ ⵏⴻⵖ ⵉⵙⵓⵔⵉⴼⴻⵏ ⴰⵔⴰ ⵢⴻⵜⵜⵡⴰⴷⴷⵎⴻⵏ ⵙⴻⴳ-ⴰ ⵖⴻⵔ ⵙⴷⴰⵜ ⵉ ⵓⵙⴻⵎⵎⵉ ⵏ ⵡⴻⵙⵍⴻⵖⵎⴰⵢ ⴰⵎⴰⵢⵏⵓ.
ⵜⴻⵍⵍⴰ-ⴷ ⵜⴻⵎⵍⵉⵍⵉⵜ, ⴷⴻⴳ ⵜⴻⵣⵡⴰⵔⴰ ⵏ ⵜⵎⴻⴷⴷⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ ⴳⴰⵔ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴷ ⵡⴻⵙⵍⴻⵖⵎⴰⵢ ⴰⵙⴻⵔⴱⵉ ⵔⴰⵊⴻⵠⴰⵛ ⴷⴻⴳ ⵡⴰⵎⵎⴰⵙ ⴰⵜⵡⵉⵍⴰⵏ ⵏ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).
ⵙⵙⴻⴱⴱⴰ ⵏ ⵜⴻⵎⵍⵉⵍⵉⵜ-ⴰ ⴷ ⵜⴰⴳⴰⴷⴷⴰ-ⵏⵏⵉ (ⵎⵓⵙⴰⵡⴰⵜ) ⴰⵢ ⵜⴳⴰ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵏ ⵜⵛⵉⵔⴹⴰⵔⵜ ⵎⴳⴰⵍ ⴽⴰⵎⵔⵓⵏ ⴷ ⵡⵓⵔⴼⴰⵏ ⴰⵢ ⵔⴼⴰⵏ ⴽⵔⴰ ⵏ ⵢⵉⴽⴰⵜⴰⵔⴻⵏ ⵏ ⵜⴻⵖⵍⴰⵎⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⵔⴰⵏ ⵏ ⵡⴻⵙⵍⴻⵖⵎⴰⵢ-ⴰ ⴰⵙⴻⵔⴱⵉ.
ⵢⴻⵜⵜⵡⴰⴼⵔⴻⵏ-ⴷ ⵔⴰⵊⴻⵠⴰⵛ (62 ⵏ ⵢⵉⵙⴻⴳⴳⴰⵙⴻⵏ) ⴷⴻⴳ ⵢⵓⵏⵢⵓ ⵢⴻⵣⵔⵉⵏ ⵖⴻⴼ ⵢⵉⵖⴻⴼ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴻⵎⴽⴰⵏ ⵏ ⵡⴻⴼⵕⴻⵏⵙⵉⵙ ⵛⵀⵔⵉⵙⵜⵉⴰⵏ ⴳⵧⵓⵔⵛⵓⴼⴼ, ⴷⴻⴼⴼⵉⵔ ⵎⴰ ⵢⴻⵜⵜⵡⴰⴱⵟⴻⵍ ⵍⴻⵄⵇⴻⴷ ⵏ ⵓⵏⴻⴳⴳⴰⵔⵓ-ⴰ ⵙ ⵜⵉⵏ ⵏ ⵍⴻⵄⵇⴻⵍ ⴷⴻⴳ ⵎⴻⵖⵔⴻⵙ 2016.
ⴰⵍⴰ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⴰⵢ ⵢⴻⵙⵙⴻⴼⵔⴻⴽ ⵡⴻⵙⵍⴻⵖⵎⴰⵢ-ⴰ ⴰⵙⴻⵔⴱⵉ. ⵢⵉⵡⴻⵜ ⴷ ⵜⵉⵏ ⴰⵢ ⵜⵓⵔⴰⵔ ⵍⴻⵣⵣⴰⵢⴻⵔ ⵎⴳⴰⵍ ⵍⴻⵙⵧⵜⵀⵧ ⵢⴻⵔⵏⵓ ⵜⴻⵔⴱⴻⵃ ⴷⴻⴳ-ⵙ ⵙ 6 ⵖⴻⵔ 0 ⴷⴻⴳ ⵡⴰⵙⵙ ⵡⵉⵙ 6 ⵢⴻⵔⵏⵓ ⴷ ⴰⵏⴻⴳⴳⴰⵔⵓ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ ⵏ 2017. ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⴷ ⵜⵉⵏ ⵎⴳⴰⵍ ⴽⴰⵎⵔⵓⵏ ⴰⵢ ⵉⴼⵓⴽⴻⵏ ⵙ 1 ⵖⴻⵔ 1, ⴰⵙⵙ ⵏ ⵍⵃⴻⴷⴷ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⵔⴰ ⴷ-ⵢⵉⵍⵉⵏ ⴷⴻⴳ ⵔⵔⵓⵙ.
