ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ: ⴰⴷⴷⵓⴷ ⵢⴻⴷⴷⵓⴽⴽⵍⴻⵏ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷⴻⴳ ⵓⵙⴰⵔⴰⴳ ⵏ ⵏⴻⵡ ⴷⴻⵍⵀⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵎⵜⵜⴻⴽⴽⵉⵢⴻⵏ ⵉⴼⵔⵉⵇⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ ⵏ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ (ⵚⵉⵃⵃⴰ) ⵖⴻⵜⵙⴻⵏ ⴰⴷ ⵙⴷⵓⴽⴽⵍⴻⵏ ⴰⴷⴷⵓⴷ-ⵏⵙⴻⵏ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵇⴱⴻⵍ ⵎⴰ ⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⵏ ⵏⴻⵡ ⴷⴻⵍⵀⵉ ⴷⴻⴳ ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ.
ⵙ ⵡⴰⵢⴰ, ⵖⴻⵜⵙⴻⵏⵜ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⴷ ⵙⴷⵓⴽⴽⵍⴻⵏⵜ ⴰⴷⴷⵓⴷ-ⵏⵙⴻⵏⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ ⴷⴻⴳ ⵜⴻⴼⵔⵉⵇⵜ ⵉ ⵍⵎⴻⵏⴷ ⵏ ⵓⵜⵜⴻⴽⴽⵉ ⴷⴻⴳ ⵓⵙⴰⵔⴰⴳ ⵏ ⵢⵉⴷⵉⵙⴰⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵏⴻⵡ ⴷⴻⵍⵀⵉ ⴷⴻⴳ ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵡⴻⵖⵍⵉⴼ ⵏ ⵜⴷⴰⵡⵙⴰ.
ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴳⴰⵔ 10 ⴷ 11 ⵜⵓⴱⴻⵕ, ⵡⴻⵚⵚⴰⵏ-ⴷ ⵖⴻⴼ ⵡⴻⴹⴼⴰⵔ ⵏ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ, ⴷ ⵓⵙⵙⴻⵊⵀⴻⴷ ⵏ ⵓⵄⴰⵀⴻⴷ ⴰⵙⴻⵔⵜⴰⵏ ⵏ ⵢⵉⵏⴰⴱⴰⴹⴻⵏ (ⵃⵓⴽⵓⵎⴰⵜ) ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ ⴷ ⵓⴼⴻⵔⵔⵓ ⵏ ⵡⵓⴳⵓⵔⴻⵏ ⴰⵢ ⵉⴱⴻⴷⴷⴻⵏ ⴷⴻⴳ ⵡⴻⴱⵔⵉⴷ ⵏ ⵢⵉⵎⴻⵏⵖⵉ-ⴰ.
47 ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⵢⴻⵔⵏⵓ ⵛⴻⴽⵕⴻⵏⵜ-ⴷ ⵜⵜⴻⵊⵕⵉⴱⴰ ⵏ ⵍⴻⵣⵣⴰⵢⴻⵔ ⴰⵢ ⵉⵔⴻⵥⵎⴻⵏ ⴰⵎⵎⴰⵙ ⵏ ⵜⵓⵄⵊⵉⵍⵉⵏ ⵜⵉⵙⵏⴰⵊⵢⴰⵏⵉⵏ ⴷⴻⴳ ⵡⴻⵙⴱⵉⵟⴰⵔ ⴰⵙⴷⴰⵡⴰⵏ ⵏ ⵎⵓⵙⵜⴰⵒⵀⴰ-ⵒⴰⵛⵀⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵢⴻⵔⵏⵓ ⴰⵎⵎⴰⵙ-ⴰ ⴰⴷ ⵢⴻⵜⵜⵡⴰⵙⵙⵉⴷⵔⴻⵎ ⵙ ⵢⴻⴷⵔⵉⵎⴻⵏ ⵏ ⵍⴻⵖⵔⴰⵎⴰ ⵏ ⴷⴷⴻⵅⵅⴰⵏ, ⵢⴻⵔⵏⵓ ⵏⵏⴰⵏⵜ-ⴷ ⵜⵎⵓⵔⴰ-ⴰ ⴷⴰⴽⴽⴻⵏ ⵜⵜⴻⵊⵕⵉⴱⴰ-ⴰ ⴷ « ⵜⵓⵔⴱⵉⵃⵜ ».
ⵎⵙⴻⴼⵀⴰⵎⴻⵏ ⴷⴰⵖ ⵢⴻⵎⵜⵜⴻⴽⴽⵉⵢⴻⵏ ⵖⴻⴼ ⵜⵜⴰⵡⵉⵍⴰⵜ ⴰⵢⵢⴻⵙ ⴰⵔⴰ ⵃⴻⵣⵣⴱⴻⵏ ⵉ ⵓⴽⴻⵢⵢⴻⴼ ⴷⴻⴳ ⵜⴻⴼⵔⵉⵇⵜ ⴷ ⵓⵙⵙⴻⵎⵖⴻⵔ ⵏ ⵡⴰⵀⵉⵍⴻⵏ ⵏ ⵓⵃⴻⵣⵣⴻⴱ ⴰⴽⴽⴻⵏ ⴰⴷ ⴷ-ⵃⴰⵣⴻⵏ ⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵙ ⵡⴻⴹⴼⴰⵔ ⵏ ⵓⵎⴻⴷⵢⴰ ⴰⴷⵣⴰⵢⵔⵉ ⴰⵢ ⴷ-ⵢⴻⵙⴱⴻⴷⴷⴻⵏ ⴰⵙⴻⵇⵇⴰⵎⵓ ⴳⴰⵔ ⵢⴻⵃⵔⵉⵛⴻⵏ ⴰⵢ ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⴰⵎⴻⵏⵣⵓ.
