ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵥⴰⵡⴰⵏ ⴰⴽⴻⵍⵙⴰⴽ: ⴰⴱⴰⵔⴰⵣ ⵏ ⵜⵓⵕⴽⵉⵙⵜ ⵜⴰⵙⵉⵎⴼⵓⵏⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵜⵓⴱⵉⵔⴻⵜ
ⵜⵓⴱⵉⵔⴻⵜ- ⵜⴳⴰ ⵜⵓⵕⴽⵉⵙⵜ ⵜⴰⵙⵉⵎⴼⵓⵏⵉⵜ ⵜⴰⵖⴻⵍⵏⴰⵡⵜ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⵢⵉⵡⴻⵏ ⵏ ⵓⴱⴰⵔⴰⵣ (ⵃⴰⴼⵍ) ⵏ ⵓⵥⴰⵡⴰⵏ ⴰⴽⴻⵍⵙⴰⴽ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⴰⵎⴰⵔ-ⵍⴰⵙⴽⵔⵉ, ⴷⴻⴳ ⵜⵓⴱⵉⵔⴻⵜ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵉⵊⴻⴱⴷⴻⵏ ⴰⵟⴰⵙ ⵏ ⵍⵖⴰⵛⵉ ⴰⵢ ⴷ-ⵢⵓⵙⴰⵏ ⴰⴷ ⵙⵍⴻⵏ ⵉ ⵢⵉⵎⴻⵙⵍⵉ ⵏ ⵓⵥⴰⵡⴰⵏ ⴰⵎⴻⵖⵔⴰⴷⴰⵏ ⴰⵢ ⴷ-ⵜⵡⴻⵜ ⵜⴻⴳⵔⴰⵡⵜ ⴰⵢ ⵢⴻⵙⵙⴻⴷⴷⴰ ⴰⵎⵉⵏⴻ ⴽⵧⵓⵉⴷⴻⵔ.
ⴷⴻⴳ ⵓⴱⴰⵔⴰⵣ-ⴰ, ⵃⴻⴷⵕⴻⵏⵜ ⵓⵍⴰ ⴷ ⵜⵉⵡⴰⵛⵓⵍⵉⵏ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⴽⵔⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴷ ⵡⵓⴼⵔⵉⵏⴻⵏ ⵏ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ. ⵍⵖⴰⵛⵉ ⵢⴻⵄⵊⴻⴱ-ⵉⵜⴻⵏ ⴰⵟⴰⵙ ⵓⵥⴰⵡⴰⵏ-ⴰ, ⵍⴰⴷⵖⴰ ⵉⴳⴻⵣⵣⵓⵎⴻⵏ ⵏ ⵎⵧⵣⴰⵔⵜ ⴷ ⴱⴻⴻⵜⵀⵧⵠⴻⵏ. ⵜⵡⴻⵜ-ⴷ ⴷⴰⵖ ⵜⴻⴳⵔⴰⵡⵜ-ⴰ ⵉⴳⴻⵣⵣⵓⵎⴻⵏ ⵏ ⵓⵛⴻⵏⵏⴰⵢ ⴰⵇⴱⴰⵢⵍⵉ ⴻⵍ-ⵀⴰⵙⵏⴰⵧⵓⵉ ⴰⵎⴻⵛⵟⵓⵃ ⵙ ⵛⵛⴱⴰⵃⴰ ⵉⴳⴻⵔⵔⵣⴻⵏ.
ⵜⵓⵕⴽⵉⵙⵜ-ⴰ ⵍⵍⴰⵏ ⴷⴻⴳ-ⵙ ⴰⵣⴰⵍ ⵏ 60 ⵏ ⵢⴻⵎⵥⴰⵡⴰⵏⴻⵏ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ), ⵢⴻⵔⵏⵓ ⵜⵡⴻⵜ-ⴷ ⴰⵥⴰⵡⴰⵏ ⴰⴽⴻⵍⵙⴰⴽ ⵙⴻⴳ ⵜⴳⴻⵎⵎⵉ ⵜⴰⴳⵔⴰⵖⵍⴰⵏⵜ ⵏⴻⵖ ⵙⴻⴳ ⵜⵖⴻⵍⵏⴰⵡⵜ.
ⵜⴰⵣⴻⵖⵖⴰ ⵜⴻⵞⵞⵓⵕ-ⴷ ⴷ ⵍⵖⴰⵛⵉ ⵢⴻⵔⵏⵓ ⴼⴻⵕⵃⴻⵏ ⴰⵟⴰⵙ ⵡⵉⴷ ⴰⵢ ⵉⵏⴻⵣⵣⵀⴻⵏ ⵉ ⵓⴱⴰⵔⴰⵣ-ⴰ. ⵏⵏⵉⴳ ⵡⴰⵢⴰ, ⴰⵟⴰⵙ ⵏ ⵢⵉⵖⴻⵔⵎⴰⵏⴻⵏ ⴰⵢ ⵉⴼⵓⵔⵚⴻⵏ ⵜⴰⴳⵏⵉⵜ ⴰⴽⴽⴻⵏ ⴰⴷ ⵙⵏⴻⵎⵎⵔⴻⵏ ⵜⴰⵎⴻⵀⵍⴰ ⵏ ⵢⴻⴷⵍⴻⵙ ⵓⵎⵉ ⵙⵙⵓⵜⵔⴻⵏ ⴰⴷ ⵜⴻⵔⵏⵓ ⴰⴷ ⵜⴻⵙⵙⵓⴷⴷⴻⵙ ⵓⴳⴰⵔ ⵏ ⵢⴻⵔⵎⵓⴷⴻⵏ ⵉⴷⴻⵍⵙⴰⵏⴻⵏ ⴷ ⵢⵉⵡⵥⴰⵡⴰⵏⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴻⵣⴷⴰⵖⴻⵏ ⵏ ⵜⵓⴱⵉⵔⴻⵜ ⴰⴷ ⴷⵀⵓⵏ ⵛⵡⵉⵟ.
