ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⴰⵡⵙⴰ : ⵉⴳⴻⵔ-ⴷ ⵙⴻⵍⵍⴰⵍ ⵜⵉⵖⵔⵉ ⵉ ⵓⵙⵙⴻⴱⴷⴻⴷ ⵏ ⵜⵉⵛⵛⵓⵔⴽⵉⵡⵉⵏ ⵜⵉⵎⴰⵢⵏⵓⵜⵉⵏ ⴷ ⵢⵉⴽⵓⴱⵉⵢⴻⵏ

ⵀⴰⵠⴰⵏⴰ– ⵉⴳⴻⵔ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵜⵉⵖⵔⵉ, ⴰⵙⵙ ⵏ ⵍⴰⵕⴻⴱⵄⴰ, ⴷⴻⴳ ⵀⴰⵠⴰⵏⴰ, ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⵉⵛⵛⵓⵔⴽⵉⵡⵉⵏ ⵜⵉⵎⴰⵢⵏⵓⵜⵉⵏ ⴷ ⵢⵉⴽⵓⴱⵉⵢⴻⵏ ⴷⴻⴳ ⵡⴻⵏⵔⴰⵔ ⵏ ⵜⴷⴰⵡⵙⴰ (ⵚⵉⵃⵃⴰ), ⵍⴰⴷⵖⴰ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵏⵙⵉⵔ.

« ⵢⴻⵙⵙⴻⴼⴽ ⴰⴷ ⵏⴻⵅⴷⴻⵎ ⵖⴻⴼ ⵓⵙⵙⴻⴱⴷⴻⴷ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⵓⵅⵍⵉⴹⵜ ⴰⵔⴰ ⵢⴻⵙⵔⴻⴱⵃⴻⵏ ⵉⴷⵉⵙⴰⵏ-ⵏⵏⴻⵖ ⴷⴻⴳ ⵙⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴻⵍⵍⴰⵍ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵖⴻⴼ ⵡⴰⵎⵎⴰⵙ ⵏ ⵜⵉⵊⵊⴻⵏⵢⴻⵕⵜ ⵜⴰⵊⵉⵏⴰⵏⵜ ⴷ ⵜⴻⴱⵢⵓⵙⵏⴰⵜⵡⵉⵍⵜ ⴷⴻⴳ ⵀⴰⵠⴰⵏⴰ.

ⵢⴻⵏⵏⴰ-ⴷ ⴷⴰⴽⴽⴻⵏ ⵙⵙⵓⵇ ⵢⴻⵍⵍⴰ ⵢⴻⵔⵏⵓ « ⴰⴷ ⴷ-ⵢⴻⵙⵙⵉⴷⴻⴼ ⴰⵟⴰⵙ ⵏ ⵢⴻⴷⵔⵉⵎⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⵢⴰ ⵢⴻⵜⵜⵖⵉⵎⵉ-ⴷ ⴷ ⵜⴰⵎⵓⵖⵍⵉ ⵜⴰⵙⵓⴷⴷⵙⴰⵏⵜ (ⵉⵙⵜⵔⴰⵜⵉⴵⵉⵢⴰ) ⴷ ⵜⵎⴰⵜⵓⵜ ⵏ ⵙⵏⴰⵜ-ⴰ ⵏ ⵜⵎⵓⵔⴰ » ⵉ ⵢⵉⵎⴻⵏⵖⵉ ⴰⵎⴻⵍⵍⵉⵍ (ⵏⴰⴵⵉⵄ) ⵎⴳⴰⵍ ⵓⴽⴻⵏⵙⵉⵔ.

ⴰⵎⵎⴰⵙ ⵏ ⵜⵉⵊⵊⴻⵏⵢⴻⵕⵜ ⵜⴰⵊⵉⵏⴰⵏⵜ ⴷ ⵜⴻⴱⵢⵓⵙⵏⴰⵜⵡⵉⵍⵜ ⵏ ⴽⵓⴱⴰ ⵢⴻⵏⵏⵓⵍⴼⴰ-ⴷ ⴷⴻⴳ 1986, ⵢⴻⵔⵏⵓ ⵉⵙⵡⵉ-ⵏⵏⴻⵙ ⴷ ⴰⵙⵏⴻⴼⵍⵉ ⵏ ⵢⵉⵙⴰⴼⴰⵔⴻⵏ ⵙ ⵜⵎⵓⵙⵙⵏⵉⵡⵉⵏ ⵏ ⵜⴻⴱⵢⵓⵙⵏⴰⵜⵡⵉⵍⵜ ⵉ ⵍⵎⴻⵏⴷ ⵏ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ. ⴰⵎⵎⴰⵙ-ⴰ ⵢⴻⵜⵜⴰⴽⴼ-ⴷ ⵉ ⵍⴻⵣⵣⴰⵢⴻⵔ ⴰⵟⴰⵙ ⵏ ⵢⵉⵙⴰⴼⴰⵔⴻⵏ, ⴳⴰⵔ-ⴰⵙⴻⵏ ⵀⴻⴱⴻⵔⵒⵔⵧⵜ-ⵒ, ⴰⵢ ⵢⴻⵜⵜⵄⴰⵡⴰⵏⴻⵏ ⴷⴻⴳ ⵜⵓⵊⵊⵢⴰ ⵏ ⵜⵓⴽⵙⵉ ⵏ ⵓⴹⴰⵔ ⵏ ⵓⵎⵓⴹⵉⵏ ⵏ ⵙⵙⴽⴻⵕ, ⴷ ⵀⴻⴱⴻⵔⴱⵉⵧⵠⴰⵛ ⵀⴱ, ⴷ ⵜⴰⴳⴻⵣⵣⴰⵢⵜ (ⵍⵉⵇⴰⵃ) ⵎⴳⴰⵍ ⵡⴰⴹⴹⴰⵏ ⵏ ⵜⴻⵏⵜⴰⵙⵜ ⵏ ⵜⴰⵙⴰ.

ⴰⵎⵎⴰⵙ-ⴰ ⴷ ⵏⴻⵜⵜⴰ ⴰⵢ ⴷ ⴰⵎⴻⵣⵡⴰⵔⵓ ⴷⴻⴳ ⵜⴻⵎⵔⵉⴽⵜ ⵜⴰⵍⴰⵜⵉⵏⵉⵜ ⵢⴻⵔⵏⵓ ⴷ ⵡⵉⵙ 3 ⴷⴻⴳ ⵓⵎⴰⴹⴰⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵣⴻⵎⵎⴰⵔ-ⵏⵏⴻⵙ ⴷⴻⴳ ⵓⵏⴰⴷⵉ ⴷ ⵡⴻⵙⵏⴻⴼⵍⵉ, ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⵏⵏⴻⵙ (ⵎⴰⵙ’ⵓⵍ) ⵏ ⵓⵙⵙⴻⵏⵣⵉ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵉⴱⵉⵙ ⵒⵧⵔⵜⵠⵧⵏⴷⵧ.

ⴷⴻⴳ ⵜⴻⵔⵣⵉ ⵏ ⵎⴰⵙⵙ ⵙⴻⵍⵍⴰⵍ, ⵢⴻⴷⴷⴰ ⴷⴰⵖ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⵓⵏⴻⵖⵍⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ. ⵜⵉⵔⵣⵉ-ⴰ ⵜⵓⵏⵚⵉⴱⵜ ⵏ 3 ⵏ ⵡⵓⵙⵙⴰⵏ ⵜⴻⴱⴷⴰ-ⴷ ⴰⵙⵙ ⵏ ⵍⴰⵕⴻⴱⵄⴰ, ⵢⴻⵔⵏⵓ ⵜⴻⵍⵍⴰ-ⴷ ⵙ ⵓⵏⴻⵄⵔⵓⴹ ⵏ ⵡⴻⵏⵎⴰⵣⵓⵍ ⴰⵎⴻⵣⵡⴰⵔⵓ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵡⴰⵏⴰⴽ ⴷ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⴻⴳⴷⵓⴷⴰ ⵏ ⴽⵓⴱⴰ, ⵎⴰⵙⵙ ⴱⴻⵔⵎⵓⴷⴻⵣ.

ⵉⵡⴻⴽⴽⴻⴷ-ⴷ ⵎⴰⵙⵙ ⵙⴻⵍⵍⴰⵍ, ⵎⵉ ⵢⵓⵡⴻⴹ ⵖⴻⵔ ⵀⴰⵠⴰⵏⴰ, ⵖⴻⴼ « ⵓⴼⴰⵣⵉ » ⴷ « ⵍⵊⴻⵀⴻⴷ » ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴽⵓⴱⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⴽⴻⵎⵎⵍⴻⵏⵜ ⴰⵅⴻⴷⴷⵉⵎ ⴷⴷⵓⴽⵍⵉ. ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴰⵎⴻⵏⵣⵓ ⴷⴰⴽⴽⴻⵏ ⵢⴻⵜⵜⵃⵓⵍⴼⵓ ⵉ ⵢⵉⵎⴰⵏ-ⵏⵏⴻⵙ ⴷⴻⴳ ⴽⵓⴱⴰ ⴰⵎⵣⵓⵏ ⴷⴻⴳ ⵜⵎⵓⵔⵜ-ⵏⵏⴻⵙ ⴰⵢ ⵢⴻⵍⵍⴰ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵎⴰⵣⴰⵍ ⴰⴷ ⴷⴷⵓⵏ ⵖⴻⵔ ⵙⴷⴰⵜ.