ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ: ⴷ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵜⴰⴳⴻⵏⵙⴰⵙⵜ ⵏ ⵜⴻⴼⵔⵉⵇⵜ ⴷⴻⴳ ⵓⵙⴰⵔⴰⴳ ⵏ ⵏⴻⵡ ⴷⴻⵍⵀⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵜⴰⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵏ ⵜⴻⴼⵔⵉⵇⵜ ⴷⴻⴳ ⵓⵙⴰⵔⴰⴳ ⵏ ⵏⴻⵡ ⴷⴻⵍⵀⵉ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵎⴱⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⴰⵎⵏⴰⴹⴰⵏ ⵏ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ ⵉ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ ⴷⴻⴳ ⵜⴻⴼⵔⵉⵇⵜ, ⴰⵀⵎⴻⴷ ⴷⵧⵓⵎⴰ.
ⵉⵡⴻⴽⴽⴻⴷ-ⴷ ⵎⴰⵙⵙ ⴷⵧⵓⵎⴰ, ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵜⴰⵎⵏⴰⴹⴰⵏⵜ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ-ⴰⴽⴰⵜⴰⵔ ⵏ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ (ⵚⵉⵃⵃⴰ) ⵉ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ (ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴳⴰⵔ 12 ⴷ 13 ⵜⵓⴱⴻⵕ), ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⴼⵓⴽ ⵙ « ⵜⵙⴻⵖⵔⵓⵜ ⵏ ⵍⴻⵣⵣⴰⵢⴻⵔ », ⵢⴻⵔⵏⵓ ⵎⵙⴻⴼⵀⴰⵎⴻⵏⵜ 47-ⵏⵏⵉ ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴽⴽⴻⵏ ⴰⴷ ⵙⵄⴻⵊⵍⴻⵏⵜ ⴰⵙⵙⴻⴼⵄⴻⵍ ⵏ ⵍⴻⵇⵡⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ.
ⵡⴻⵚⵚⴰⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⵖⴻⴼ ⵓⵙⵙⴻⴱⴷⴻⴷ ⵏ ⵜⵙⴻⵔⵜⵉⵜ ⵜⴰⵎⴻⵍⵍⵉⵍⵜ (ⵏⴰⴵⵉⵄⴰ) ⵏ ⵜⴻⴷⵔⵉⵎⵜ ⴷ ⵜⴻⵡⵙⵉ (ⴹⴰⵔⵉⴱⴰ) ⵉ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ ⴷ ⵓⵙⵙⴻⵇⴷⴻⵛ ⵏ ⵜⵥⴻⴹⴹⴰⴹⵜ ⵏ ⴷⴷⴻⵅⵅⴰⵏ ⴰⴽⴽⴻⵏ ⴰⴷ ⵙⴻⵎⵍⴻⵏ ⴰⵀⵉⵍⴻⵏ ⵏ ⵜⴷⴰⵡⵙⴰ ⵢⴻⵔⵏⵓ ⴰⴷ ⵄⴰⵡⵏⴻⵏ ⵜⵉⵎⵓⵔⴰ ⵜⵉⴼⵔⵉⵇⵉⵢⵉⵏ ⵢⴻⵜⵜⴻⴽⴽⴰⵏ ⴷⴻⴳ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ ⴰⴽⴽⴻⵏ ⴰⴷ ⴰⵡⴹⴻⵏⵜ ⵖⴻⵔ ⵢⴻⵙⵡⴰⵏ ⵏ ⵓⵏⵏⴻⴼⵍⵉ ⴰⴷⵓⵎⴰⵏ.
ⴳⵔⴻⵏ-ⴷ ⴷⴰⵖ ⵢⴻⵎⵜⵜⴻⴽⴽⵉⵢⴻⵏ ⵜⵉⵖⵔⵉ ⵉ ⵓⵀⴻⵢⵢⵉ ⵏ ⵜⵙⵓⴷⴷⵙⵉⵏ (ⵉⵙⵜⵔⴰⵜⵉⴵⵉⵢⵢⴰⵜ) ⵜⵉⵖⴻⵍⵏⴰⵡⵉⵏ ⵉ ⵡⴻⵙⵎⴰⵍ ⵏ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵢⵢⴻⴼ ⴷ ⵜⴷⴰⵡⵙⴰ ⵜⴰⵏⴰⴳⴷⵓⴷⵜ ⴷ ⵓⵙⵙⴻⵄⵊⴻⵍ ⵏ ⵓⵡⴻⵎⵎⴻⵕ ⵏ ⵓⵏⴻⴳⴳⴰⴼ (ⴱⵔⵓⵟⵓⴽⵓⵍ) ⵏ ⵜⵓⴽⴽⵙⴰ ⵏ ⵜⵏⴻⵣⵣⵓⵜ ⵜⴰⵔⵓⵙⴹⵉⴼⵜ ⵏ ⴷⴷⴻⵅⵅⴰⵏ ⴷⴻⴳ ⵜⴻⴼⵔⵉⵇⵜ ⴷ ⵓⵙⵙⴻⴱⴷⴻⴷ ⵏ ⵍⴻⵇⵡⴰⵏⵉⵏ ⵉ ⵓⵙⵙⴻⴼⵄⴻⵍ ⵏ ⵡⴰⵢⴰ
