ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵥⵍⵓ ⴰⴷⴷⴰⵢ ⵉ ⵜⴳⴰⵔⴰ ⵏ ⴷⴷⵓⵕⵜ ⴷⴻⴳ ⵡⴻⵟⵔⴰⵎⵡⴰⵢ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (ⵙⴻⵜⵔⴰⵎ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵏⵏⴰ-ⴷ ⵜⴻⵕⵎⵉⵙⵜ ⵏ ⵓⵖⴻⵍⵍⴻⵜ ⵏ ⵡⴻⵟⵔⴰⵎⵡⴰⵢ (ⵙⴻⵜⵔⴰⵎ), ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⴰⴷ ⵜⴻⴹⵎⴻⵏ ⴰⵎⴻⵥⵍⵓ (ⵅⵉⴷⵎⴰ) ⵜⴰⴷⴷⴰⵢⵜ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ (ⵍⵊⴻⵎⵄⴰ ⴷ ⵙⵙⴻⴱⵜ) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴷⴻⴼⴼⵉⵔ ⵎⴰ ⵢⵓⵖⴰⵍ-ⴷ ⵡⴻⵟⵔⴰⵎⵡⴰⵢ ⵖⴻⵔ ⵓⵅⴻⴷⴷⵉⵎ ⵛⵡⵉⵟ, ⵛⵡⵉⵟ, ⵜⴻⵏⵏⴰ-ⴷ ⵜⵎⴻⵀⵍⴰ (ⵉⴷⴰⵔⴰ) ⵏ ⵙⴻⵜⵔⴰⵎ ⴷⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴻⵥⵍⵓ ⴰⴷⴷⴰⵢ ⵙⴻⴳ ⵜⵉⵙ 8:00 ⵏ ⵜⵚⴻⴱⵃⵉⵜ ⵖⴻⵔ ⵜⵉⵙ 7:00 ⵏ ⵜⵎⴻⴷⴷⵉⵜ.

ⴰⵃⵔⵉⵛ ⵏ ⵢⵉⵣⵉⵔⵉⴳ ⴳⴰⵔ ⵔⵓⵉⵙⵙⴻⴰⵓ ⴷ ⵎⵉⵎⵧⵓⵏⵉ-ⵀⴰⵎⵧⵓⴷ ⴰⴷ ⵜ-ⵜⵖⴻⵍⵍⴻⵜ ⵜⴻⵕⵎⵉⵙⵜ ⵏ ⵡⴻⵟⵔⴰⵎⵡⴰⵢ, ⵎⴰ ⴷ ⴰⵃⵔⵉⵛ ⴳⴰⵔ ⵎⵉⵎⵧⵓⵏⵉ-ⵀⴰⵎⵧⵓⴷ ⴷ ⴷⴻⵔⴳⴰⵏⴰ ⴰⴷ ⴽⴻⵎⵎⵍⴻⵏ ⴷⴻⴳ-ⵙ ⵎⴻⴷⴷⴻⵏ ⵔⵔⴻⴽⴱⴰ ⵙ ⵢⵉⵙⴰⴽⴰⵍⴻⵏ (ⵃⴰⵡⴰⴼⵉⵍ) ⵏ ⵜⴻⵕⵎⵉⵙⵜ ⵏ ⴻⵜⵓⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ (ⴱⴰⵢⴰⵏ) ⵏ ⵙⴻⵜⵔⴰⵎ.

ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴰⵢ ⴷ-ⴱⴷⴰⵏ ⵢⵉⵅⴻⴷⴷⴰⵎⴻⵏ ⵏ ⵙⴻⵜⵔⴰⵎ ⴰⵙⵓⵏⴷⴻⴷ (ⵉⴹⵔⴰⴱ) ⵡⴰⵔ ⴰⵄⴻⵢⵢⴻⵏ ⵢⴻⵔⵏⵓ ⵉⵃⵓⵣⴰ ⵓⵙⵓⵏⴷⴻⴷ-ⴰ ⴰⴽⴽ ⵉⵣⵉⵔⵉⴳ ⵏ ⵡⴻⵟⵔⴰⵎⵡⴰⵢ ⵙⴻⴳ ⴷⴻⵔⴳⴰⵏⴰ ⴰⵔⵎⴰ ⴷ ⵍⴻⵄⵏⴰⵚⴻⵔ.

ⵙⵙⵓⵜⵔⴻⵏ-ⴷ ⵢⵉⵅⴻⴷⴷⴰⵎⴻⵏ-ⴰ ⵜⵉⵖⴰⵡⵙⵉⵡⵉⵏ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏⵜ ⵜⵉⵎⴻⵔⵏⵉⵡⵜ ⴷⴻⴳ ⵍⴻⵅⵍⴰⵚ, ⴰⵍⵍⵓⵙ ⵏ ⵓⵚⴻⵏⵏⴻⴼ ⵏ ⵢⵉⵅⴻⴷⴷⴰⵎⴻⵏ ⴷ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵎⴰ ⵉ ⵏⵉⵜⵏⵉ, ⴰⵎⴰ ⵉ ⵓⵎⴻⵙⵏⵉ-ⵏⵙⴻⵏ.